Jueces 12:4 - Chuj San Sebastian Bible

⁴ 'Ix yaln eb' yic Efraín chi 'ixtic: Ax 'aj Galaad ex tic, tzcob' eyi' chan̈ e b'a. Ticni 'in a 'a qui cal on̈ ata 'elnc exta, atn 'a qui cal an̈ yin̈tl Efraín yet' Manasés. Ton̈j 'el-lal 'ajnc ex e c'ochcn cajn 'a Galaad cha, xchi eb'. Xbuchwjn̈ej eb' yic Efraín chi 'a eb' 'aj Galaad cha. Yuj tas xlaj sb'o eb' cha, 'ix syamb'tzan Jefté eb' soldado 'aj Galaad, xya'n eb' owl yet' eb' yin̈tl Efraín cha. 'Ix ya'n ganar Jefté jun owl chi yet' eb' soldado.

Chuj San Mateo Bible

⁴ Ix b'uchji eb' aj Galaad yuj eb' aj Efraín chi', ix yalan eb' icha tic: A ex tic, d'a co cal elnac ex yed' d'a scal eb' yin̈tilal Manasés, xchi eb'. Yuj chi' masanil eb' anima cajan d'a Galaad chi', ix smolb'ej eb' vin̈aj Jefté chi', ix yac'an oval eb' yed' eb' yin̈tilal Efraín chi', ix ac'ji ganar eb' yuj vin̈.

Jueces 12:4 Iomraidhean Croise

A Ch'an̈ B'ab'el Libro Yic Yab'ixal Eb' Rey 17:1

'Ay jun schecb' Dios Elías sb'i, ata cajn 'a chon̈b' Tisbe 'a yol yic Galaad. A aljnac 'ixtc 'a win Acab: An tic schecb' in Jehová qui Diosalec an̈ israel on̈ tic. 'A sat tzwaln can 'ayach, to man̈x 'oj yac' n̈ab' jaye'oc ab'il, man̈x 'a xon chicb'chan̈ 'oj 'em 'a 'ac'wal, masnto an 'oj walxi, xchi.

Nehemías 4:4

Xlajw cha, in leslwi 'ixtic: Ach qui Diosal on̈ 'ab' wal sb'uchwj eb' 'ayn̈ on̈. Meltzj cab' can 'at sb'uchwal paxti eb' chi 'a yib'an̈, ax eb' 'ajc'ojol, a cab' eb' tz'i'n can smasnil tastc 'ay 'a sat slum eb', 'ijxcab' can 'at eb' 'icha presoal 'a junc xo nacion̈.

Salmos 78:9

A eb' soldado yic yin̈tl Efraín, 'ay syamc'ab' eb' yic owal, palta ax yic x'och owal, 'ix 'at eb' 'eloc.

Pr 12:13

Toto tu qui paxtinec, mun a qui paxti'ec chi tz'i'n cot 'a quib'an̈; ax toto wach' qui nab'enec, tzon̈ 'elc can 'a scal yailal.

Pr 15:1

A mach wach' tzyutj spacn junc paxti', tztup 'ejm owl yu'uj; ax toto ow tzyutj spacni, ton̈j tzwach' niwtj junc owl chi yu'uj.

Jueces 11:10

'Ix ta'w eb' yajl chi 'ixtc 'a Jefté: —A sat Jehová tzcaln cani, to 'oj qui b'o 'icha tzal cha, xchi eb' 'a 'a.

Jueces 12:3

'Ix wilni to ma'ex jaw colwj quet' on̈, yuj cha, 'ix wa'n in b'a 'a yol sc'ab' chamel, yic xca'n owl yet' eb' amonita chi 'on̈. Ax Jehová a 'ix 'a'n eb' 'a yol qui c'ab' on̈ yic xca'n ganar eb' on̈. ¿Tas pax yuj tzex jaw wul eyac' owl wet' ax tic? xchi 'a eb'.

Jueces 12:5

A eb' yic Galaad cha, 'ix laj c'och eb' smac yec' eb' yic Efraín chi 'a scumctacl sti a Jordán. A yic toto 'ay eb' yic Efraín chi tz'at 'eloc, ax yic tz'ec' eb' 'a jun tzo'n̈ lugar cha, tzc'anb'n eb' 'aj Galaad cha, toto yic eb' yin̈tl Efraín eb'. Ma'ay toto xchi junc 'anma cha,

A Ch'an̈ B'ab'el Libro Samuel 25:10

'Ix ya'n win spac schecnb'il eb', 'ix yaln 'ixtic: —¿Mach cob' jun David cha? ¿mach jun yunnal Isaí cha? A ticnec til wal 'anma tz'elc' 'a syajlil.