Jueces 11:3 - Chuj San Sebastian Bible

³ Yuj cha, 'ix 'at win Jefté 'elc 'a ewin yu'tac cha, axta xc'och cajn 'a yol yic Tob. Ax 'a jun lugar cha, ata smolb'tzej jun tzo'n̈ ewin 'isaj, caw tu tas tzb'o eb'. Junn̈j xyutj sb'a yet' ewinac, a win x'och syajlilc eb'.

Chuj San Mateo Bible

³ Icha chi' ix aj yel vin̈aj Jefté d'a eb' yuc'tac chi', ix b'atcan vin̈ d'a yol yic Tob. Ata' ix smolb'ej jun n̈ilan̈ eb' vin̈ vinac vin̈. Ton̈ej ayec' juntzan̈ eb' vin̈ chi', max munlajlaj jab'oc eb' vin̈. A eb' vin̈ chi' ix och yed' vin̈aj Jefté chi', axo elc'al ix yac' eb' vin̈.

Jueces 11:3 Iomraidhean Croise

A Ch'an̈ Schab'l Libro Samuel 10:6

Ax eb' amonita, 'ix nachj 'el yuj eb' to tu tas sb'o eb' 'a sat David, yuj cha, 'ix 'at stojnc eb' junc'l mil eb' soldado sirio xcot 'a chon̈b' Bet-rehob, yet' 'a chon̈b' Soba, yet' jun mil eb' soldado xyac' win sreyl Maaca, yet' lajchwe mil pax eb' xcot 'a chon̈b' Is-tob.

A Ch'an̈ Schab'l Libro Samuel 10:8

A eb' soldado amonita cha, 'ix 'el-l eb' 'a yol sti spuertail schon̈b' cha, yic tz'och eb' 'a owal, ya' sb'a ax eb' soldado sirio 'ay 'a Soba, 'a Rehob, eb' xcot 'a Is-tob yet' eb' xya' cot win sreyl Maaca, 'ix can eb' 'a snajtil 'el sti chon̈b' cha, axta stojlb'tzej sb'a eb', yic tz'och eb' 'a owal.

A Tas Sc'ulejnac Eb' Schecab' Jesús Hechos 17:5

Palta 'ay pax eb' israel ma'ix ya'ch 'a sc'ojol. Yic 'ix yiln eb', caw xcot yowl eb'. 'Ix ya'n eb' syam sb'a jun tzo'n̈ ewin maysch'olnil snab'en. A ewin cha, ton̈j tz'ec' ewin sayc' maysch'olnil 'a caye. Xlajw ya'n eb' sc'ojloc ewinac, 'ix ya'n eb' syam sb'a eb' chon̈b' smasnil. 'Ix ya'n eb' q'ue somnjoc eb' 'anma chi yowxi. Xlajw cha, xya'n ewin yip yecn 'och sb'a 'a yol yatut win Jasón, yujto a snan ewinac, to ata 'ayc' Pablo yet' Silas. 'Ix snib'j ewin yic' 'elt eb', tzya'n 'elt ewin eb' 'a sat eb' chon̈ab'.

Jueces 11:2

Palta ax 'ix yistzil win Galaad cha, 'ay pax yune 'ix 'aljnac. 'Ix laj q'uib' chan̈ ewinac, ax x'aji, spechn 'el ewin win Jefté chi 'a yol yatut smam cha. Xyaln ewinac to may jac tas tzyac' ewin 'a 'a, yujto chuc snun winac.

Jueces 9:4

'Ix yi'n 'elt eb' 70 q'uen tumn plata molb'il 'a yol yatutal jun comn dios tzcuch Baal-berit, xya'n eb' 'a Abimelec cha. Ax yet' jun tzo'n̈ tumn cha, a 'ix yac' stojloc jun tzo'n̈ eb' ma'm cham 'anma', sec tz'at eb' yet'oc.

A Ch'an̈ B'ab'el Libro Samuel 22:2

Smasnil eb' caw tz'ixtxi, eb' 'ay sb'oc, yet' eb' 'ay schab'c'ojlal, c'uxn xc'och eb' yet'oc, ax 'ix 'och syajlilc eb'. A sb'isl eb', 'aym chan̈e'oc ciente eb'.

A Ch'an̈ B'ab'el Libro Samuel 27:2

Yuj cha, 'ix 'at yet' waque ciente eb' soldado ajun yet'oc, yic tz'at ya'nc 'och sb'a eb' schecb'oc sreyl Gat, atn win Aquis yunnal Maoc.