Jueces 11:16 - Chuj San Sebastian Bible

¹⁶ A yic quelt 'a Egipto, a 'a lum cusltac lum 'aj on̈ b'ey coti, yic on̈ jaw 'a sti a Chac Mar, masnto on̈ c'och 'a Cades.

Chuj San Mateo Bible

¹⁶ Ayic yelnaccot eb' co mam quicham d'a Egipto chi', a d'a tz'inan lum cotnac eb', masanto javi eb' d'a a' Chacchac Mar, sjavipax eb' d'a Cades.

Jueces 11:16 Iomraidhean Croise

Gn 14:7

Ax yic xmeltzj win rey Quedorlaomer yet' smasnil eb' ajun yet'oc, 'ix 'emch eb' 'a En-mispat, a jun lugar chi tzcuch pax Cades. Ata 'ix ya'cn lajwc 'el eb' smasnil tastc 'ix chachj yuj 'a yol b'e, 'a yol yic eb' amalecita. 'Ixta 'ix yutj can pax eb' ewin amorreo 'ay 'a yol yic Hazezon-tamar.

Nm 13:26

A 'a lum Cades yic lum cusltac lum yic Parán, ata 'ayc' Moisés, Aarón yet' smasnil eb' chon̈ab'. A yic xjapx eb' 'ilm lum cha, 'ix laj yalnc eb' tas xlaj yil eb'. Sch'oxn eb' 'ilxoc sat te 'awb'ente 'ay 'a lum lum cha.

Nm 14:25

A eb' amalecita yet' eb' cananeo, ata cajn eb' 'a lum pan̈quixtac 'a la'n tic. Yuj cha, ax xo tic, a q'uic'an chucx b'e 'aj tzex 'ati; tzex meltzj 'a lum cusltac lu'um, a 'a stojlal a Chac Mar ata tzex 'ati, xchi Dios.

Nm 20:1

A 'a yic b'ab'l 'uj, 'ix c'och eb' israel 'a lum cusltac lum tzcuch Zin, ata 'ix can eb' jun tiempoal 'a yol smacb'en Cades. Ata 'ix cham 'ix María yanb' Moisés, a pax ta 'ix mucx cani.

Nm 20:4

¿Tas wal yuj on̈ eyij cot 'a lum cusltac lum tic? ¿Tom tze nib'j tzon̈ cham yet' smasnil qui cajb'en noc' 'a yojltac Jehová?

Dt 1:40

Ya' sb'a mantzac c'och stiempoal wa'n lum 'a eb', tztac' e meltzj can pax 'a lum cusltac lu'um, 'a jun b'e tzc'och 'a a Chac Mar, xchi 'ayn eyu'uj.

Dt 1:46

Yuj ton wal cha, najtl tiempo on̈ canc 'a yol smacb'en lum Cades, xchi Moisés.

Josué 5:6

Yujto chawinc ab'il 'ix b'eyc' eb' 'a lum cusltac lu'um, ax smasnil ewin quelmtac stiempoal xo yoch soldadoil, a eb' cha, caw pit xyutj sb'a eb'. Yuj cha, xya'n can Jehová sti', to ma'oj yil eb' 'anma chi lum lum 'aj ya'jnac sti ya'n 'a smam yichm eb', atn lum til wal syaxil sat.

Jueces 11:15

'Ix 'at yalnc eb' 'ixtc 'a winac: —A Jefté 'ixtc wal tzyutj yalni: An̈ israel on̈ tic on̈, may slum eb' moabita tzquij 'eq'ui, may pax yic eb' amonita quijnac 'eq'ui.