Jueces 11:13 - Chuj San Sebastian Bible

¹³ Ax win sreyl eb' amonita cha, 'ix spacn cot win 'ixtc 'a eb' schecb' win Jefté: —A yic ex cot ax israel ex chi 'a Egipto, 'ix wul e to'nc 'ec' qui lum on̈, atn lum tzcot 'a sti a Arnón masnto tzc'och lum 'a sti a Jaboc yet' lum 'ay 'a sti a Jordán. A ticnec, 'actjn̈ej can pax lum 'a yib'n̈ 'a'nc'ojlil, xchi.

Chuj San Mateo Bible

¹³ Ix spacan vin̈ sreyal eb' amonita chi' icha tic: Ayic e cotnac a ex israel ex tic d'a Egipto, e javinac d'a tic, e toq'uec' lum co luum, sb'atn̈ej d'a a' Arnón masanto sc'och d'a a' Jaboc yed' d'a a' Jordán. A ticnaic jun, aq'uecxi luum d'ayon̈ d'a ac'anc'olal, xchi vin̈.

Jueces 11:13 Iomraidhean Croise

Gn 32:22

A 'a yic jun 'ac'wl cha, xq'ue wan win Jacob, xya'n b'ab'ljoc win eb' 'ix yistzil schawn̈il, yet' eb' 'ix ya'mal servil eb' 'ix, yet' pax eb' yunnal yuxlchwan̈il, yet' smasnil tas 'ay 'a 'a, 'ix 'e't eb' 'a a a tzcuch Jaboc.

Pr 19:5

A mach tzya'ch sb'a testigoal 'a tas man̈ yeloc, yowlal 'oj yab' syail; toto tzyac' 'es, ma'oj colchjoc.

Pr 19:9

A eb' tzya'ch sb'a testigoal 'a tas man̈ yeloc, yowlal 'oj yab' eb' syail; toto tzyac' eb' 'es, 'oj 'at eb' 'a chamel.

Dt 2:37

'Ay jaye xo chon̈b' ma'ix qui satc 'eli, atn eb' lum tic: lum schon̈b' eb' amonita, smasnil pax lum chon̈b' 'ay 'a sti a niwquil a Jaboc, eb' lum chon̈b' 'ay 'a lum jolmctac witz, yet' smasnil jun tzo'n̈ xo lugar 'ix yal Jehová to matz qui satc 'eli, cojxn eb' xcan cujec.

Dt 3:16

Ax 'a eb' yin̈tl Rubén yet' eb' yin̈tl Gad, ata xwac' lum 'ay 'a snan̈l Galaad yet' a niwquil a Arnón. Ata tz'ec' smon̈jonal lum 'a spacl lum ch'olan, masnto tzc'och 'a sti a Jaboc, atn a 'aych smon̈jonoc eb' amonita.

Jueces 11:12

Xlajw cha, 'ix schecn 'at Jefté jaywn̈ eb' schecb' 'a win sreyl eb' amonita, yic tz'at sc'anb'noc eb' 'ixtic: ¿Tas tza na 'a in patic, yuj cha, tzach jaw wul ac' owl wet' 'a sat in lum tic? xchi 'at 'a 'a.

Jueces 11:14

'Ix scha 'a'n pax 'at Jefté jun tzo'n̈ xo schecb' 'a win sreyl eb' amonita cha.