Jueces 10:9 - Chuj San Sebastian Bible

⁹ Ax eb' 'aj Amón cha, 'ix c'axw 'ec' eb' 'a yol a Jordán yic tz'at ya'nc eb' owl yet' eb' yin̈tl Judá, eb' yin̈tl Benjamín yet' eb' yin̈tl Efraín. Caw wal tz'ixtx eb' chi yuj eb'.

Chuj San Mateo Bible

⁹ Ix c'axpajpaxec' eb' amonita chi' d'a a' Jordán yac' oval yed' eb' yin̈tilal Judá yed' eb' yin̈tilal Benjamín yed' pax eb' yin̈tilal Efraín. Ix yilan eb' israel to yelc'olal val tz'ixtaj eb'.

Jueces 10:9 Iomraidhean Croise

2 Cr 14:9

'Ix cot Zera sreyl Etiopía yac' owl yet' eb'. 'Ix jaw eb' 'a chon̈b' Maresa, jun miyon̈ soldado ajun yet'oc, yet' 'oxe ciente caruaje yic owal.

2 Cr 15:5

A 'a yic mantzac calc qui b'a 'a 'a, man̈x 'a junc mach junc'ojlal tzb'eyq'ui, yujto niwn yailal 'aych 'a yib'n̈ smasnil eb' 'anma cajn 'a smasnil yolyib'n̈q'uinal.

Dt 28:65

Ya' sb'a 'ayx 'ec' 'a jun tzo'n̈ nacion̈ cha, may xon jac e tzaljc'ojlal ta', ma'oj eyilj xon jab'oc, yujto a Jehová 'oj 'a'n jawc e xiwc'ojlal, caw cusltac yilx e sat yuj somc'ojlal.

Jueces 10:10

Yuj cha, 'ix sc'ann eb' israel chi scolwal Jehová yet'oc, 'ix yaln eb' 'ixtic: —Ach qui Diosal, 'ix 'och wal qui mul 'ayach, ach cactj can on̈, ax 'a jun tzo'n̈ yechl jun comn dios Baal, ata 'ix cac' 'ejm qui b'a on̈, xchi eb'.

Jueces 11:4

'Ix 'ec' wal jab' tiempo, ax x'aji, 'ix c'och eb' amonita yac' owl yet' eb' israel cha.

Jueces 2:15

A yic tz'at eb' israel yac' owl yet' eb' 'ajc'ojl cha, ax Jehová 'aych pax 'ajc'ojlal 'a eb'. 'Ix lajw 'el eb' yuj eb' 'ajc'ojl cha, 'icha wal yaj yaln can Jehová 'a eb', yuj cha, caw x'och eb' 'a cusc'ojlal.

Jueces 6:2

A eb' israel cha, caw 'ipn swach' 'ixtx eb' yuj eb' madianita. Caw wal tzxiw eb' 'a eb', yuj cha, sb'on eb' israel chi sjul 'aj tzc'ub'j 'el sb'a 'a spatc eb' lum niwc witz, 'a yojl n̈aq'ue'en, yet' 'ajtil caw 'ajltac sc'och 'anma'.

A Ch'an̈ B'ab'el Libro Samuel 13:6

A yic xyiln eb' israel to matz techj yuj eb' 'a eb' filisteo, caw x'och xiwc'ojlal 'a scal eb'. 'Ix 'at eb' sc'ub'c 'el sb'a 'a yoltc n̈aq'ue'en, 'a yoltc xab', 'a sat q'ue'en, 'a slot'l tenam yet' 'a yoltc ch'olan.

A Ch'an̈ B'ab'el Libro Samuel 28:15

'Ix yaln Samuel 'a Saúl chi 'ixtic: —¿Tas yuj tzin extej, tzin awtn coti? xchi. —Xiwc'ojlal waji, yujto tzyac' eb' filisteo owl wet'oc, 'ix yij 'el sb'a Dios 'a in tz'ey. Man̈xtoc xta'w 'a tas tzwala, man̈xtzac ta'w 'a eb' schecab', yic tzin c'anb'n 'a eb', yet' pax 'a waychil. Yuj cha, tzach wawtni, yic tzaln 'ayin, tas yowlal 'oj in b'o', xchi Saúl 'a Samuel.