Jueces 10:18 - Chuj San Sebastian Bible

¹⁸ A eb' yajl yaj 'a scal eb' israel cajn 'a Galaad, 'ix laj yal-lanc junjn eb' 'a 'ixtic: A mach tzon̈ jucb'tzan 'a owl yet' eb' amonita, a jun winc cha, a tz'ochcn qui yajlilc qui masnil 'a Galaad tic, xchi eb'.

Chuj San Mateo Bible

¹⁸ A eb' yajal d'a scal masanil eb' israel cajan d'a Galaad chi' ix alani: A junoc mach tzon̈ cuchb'an d'a oval d'a eb' amonita, a' ol ochcan cajaliloc d'a Galaad tic, xchi eb'.

Jueces 10:18 Iomraidhean Croise

Is 34:12

Man̈x 'a b'a'n̈ 'oj 'och junc xo rey yic tzya'n yajlil 'a yib'n̈ jun chon̈b' cha; smasnil eb' yajal, 'oj satcn 'el eb'.

Jueces 1:1

A yic tox xcham Josué, 'ix sc'anb'n eb' israel 'a Jehová 'ixtic: ¿Mach junc 'in̈tal 'a qui cal tic on̈, tz'at sb'ab'l 'a'c owl yet' eb' cananeo? xchi eb'.

Jueces 10:17

Ax eb' amonita, 'ix syam sb'a eb', axta xc'och b'uln eb' 'a stz'ey Galaad. An̈jtona eb' israel, 'ix syam sb'a eb', axta xc'och b'uln eb' 'a Mizpa.

Jueces 11:1

'Ay jun winc tzcuch Jefté, ata cajn 'a yol yic Galaad, caw wal jeln 'a owal. A jun winc tic, yune jun 'ix 'ajmul 'ix, yunnal win Galaad sb'i.

Jueces 11:11

Yuj cha, 'ix 'at Jefté yet' eb', ax eb' chon̈b' cha, 'ix ya'ch eb' win Jefté chi syajliloc. Ax 'a Mizpa cha, ata 'ix scha alj pax Jefté jun tzo'n̈ spaxti chi 'a yojltac Jehová, atn jun tzo'n̈ xyal 'a eb' 'aj Galaad chi 'a yic b'ab'el.

Jueces 11:4

'Ix 'ec' wal jab' tiempo, ax x'aji, 'ix c'och eb' amonita yac' owl yet' eb' israel cha.

Jueces 12:7

Waque ab'il 'ix yac' win Jefté yajlil 'a scal eb' yit israelal, ax yic 'ix cham winac, ata 'ix mucx win 'a junc eb' chon̈b' 'ay 'a yol yic Galaad, yujto ata 'aljnac winac.

A Ch'an̈ B'ab'el Libro Samuel 17:25

'Ix laj yal-lanc eb' israel junjn 'a 'ixtic: 'In tzquilc win x'elt 'a scal eb' filisteo cha, tzcot win b'uchwjoc 'a 'ayn̈ israel on̈ec tic. 'Ix yal win rey to a mach tz'a'n ganar smiln cham win Goliat cha, 'oj yac' win rey chi nan̈loc sricoal 'a winac. Tzya'n pax win jun 'ix yisl yistloc winac. Ax eb' yican man̈x 'oj yac' eb' stojlb'al, xchi eb'.