Jueces 10:16 - Chuj San Sebastian Bible

¹⁶ 'Ix laj sma'nc poj eb' sdiosal eb' chuc chon̈b'al cha, 'ix yaln sb'a eb' 'a Jehová. Yuj cha, ma'ix techj yu'uj, 'ix cus yiln 'och syailal eb'.

Chuj San Mateo Bible

¹⁶ Ix smac'anpoj jantac sdiosal eb' ch'oc chon̈ab'il eb', axo d'a Jehová ix ochxi eb' ejmelal. Yuj chi' maj techaj yuj Jehová chi', ix te cus yilanoch syaelal eb' chi'.

Jueces 10:16 Iomraidhean Croise

Gn 6:6

Yuj cha, xyaln 'ixtic: Octom wal ma'ix in b'o jun tzo'n̈ 'anma tic, caw wal ya tzwab' yuj eb'.

A Ch'an̈ Schab'il Libro Yic Yab'ixal Eb' Rey 13:23

Palta ax Jehová caw 'ix 'o'ch sc'ojl yiln 'och eb', yujn̈ej to 'ay strato yet' Abraham, Isaac, yet' Jacob, ma'ix yal sc'ojl xlajw 'ejm eb'. Ma'ix yal sc'ojl to tzsatl eb' 'a yojltac, 'ayc'n̈ej cab' eb' masnto ticnec.

2 Cr 15:8

A yic xyab'n Asa jun tzo'n̈ paxti 'ix yal win schecb' Dios cha, 'ix 'och wal yip si'mb'il, yuj cha, 'ix yi'n 'el jun tzo'n̈ yechl comn dios yajb'entac 'ay 'a smasnil yol yic Judá, 'a yol yic Benjamín, yet' 'a jun tzo'n̈ chon̈b' yijnac 'eq'ui, jun tzo'n̈ 'ay 'a jolmctac witz 'a yol yic Efraín. 'Ix sb'on pax chan̈ jun yet'l xajmb'al 'ay 'a yojltac yatut Jehová.

2 Cr 33:15

Xyi'n pax 'el sdiosal eb' chuc chon̈b'al, yet' yechl xya'ch 'a yol yatut Jehová, yet' jun tzo'n̈ yet'l xajmb'al sb'ojnac chan̈ 'a jun tzaln yic yatut Jehová, yet' jun tzo'n̈ xo 'a yol chon̈b' Jerusalén. 'Ix sjuln 'el jun tzo'n̈ chi 'a sti 'el chon̈ab'.

2 Cr 7:14

palta toto 'oj eyic' 'ejm e b'a, ax sb'inax in b'i eyu'uj, tzex leslwi 'ayin, tzeyaln e b'a 'ayin, tzlajw cha, tze jeln e b'eyb'al. Toto 'ixta', 'oj wab' e lesl 'a satcha'an̈, ax wa'n lajwc e mul, ax wa'n pax yaxb'oc e lu'um.

Salmos 73:21

A yic mantzac nachj 'el jun tic wu'uj, caw 'ay in somc'ojlal, pitz'n 'ochn̈ej yailal 'a in pixan.

Is 63:9

Locn xyab' syal yet' eb', caw a xcoln 'el eb'. Yuj schamc'ojlal yet' swach'l snab'en, yuj cha, scoln 'el eb', 'ix squetzn chan̈ eb'. Niwn tiempo 'ix 'ijx b'ey eb' yu'uj.

Jeremías 31:20

An Jehová in, an tzwala to a eb' 'aj Efraín tic, 'icha to wunnal yaj eb', caw xajn eb' wu'uj, yel xo chamc'ojlb'il eb' wu'uj. Wach'xam tzwac' cuenta eb', palta matz wactj in nani, caw ya tzwab' yuj eb', yujto caw niwn tz'o'ch in c'ojl 'a eb'.

Os 11:8

¿Tas wal 'oj wutc ex wactn can ex 'aj Efraín, atn ex yin̈tl can Israel? ¿Tom 'oj ex in satl 'icha wutjnac chon̈b' Admá, mto 'icha wutjnac chon̈b' Seboím? Caw ya tzwab' eyu'uj, caw tzcusch pax in c'ojl ex wiln 'ochi.

Os 14:8

Ex 'aj Efraín, toc 'ay jac yopiso jun tzo'n̈ e comn diosal cha. An 'oj in ta'w 'ayex, ax ex in tan̈wni paxi. 'Icha jun c'uyc te te pim xi'il, 'ixta waj 'ayex. Wu'uj tzex niwtj pax cha'an̈, xchi Dios.

Miqueas 7:18

Mamin Jehová, may junc xo Dios lajn et'oc, yujto ach tic, ach tzac' niwnc'ojlal smul jaywn̈ xo eb' a chon̈b' tic xcani, tz'atcn satc'ojlal stenmtacl eb' o'oj. Man̈ 'ayc 'ec' yowl a c'ojl 'a smasnil tiempo, yujto tz'el 'a a c'ojl a ch'oxn pax a chamc'ojlal.

Lc 15:20

Yuj cha, 'ix paxt win 'a 'aj c'ochnc cha. Ax yic najt to wal sjawi, 'ix yiln sb'a smam cha, caw x'o'ch sc'ojl 'a 'a. 'Ix 'at schanoc. Caw carela x'ati. Xlajw sc'ochi, 'ix sla'n coti, stz'ub'n 'elt sti jun yunnal chi yuj tzaljc'ojlal.

Lc 19:41

Ax yic wan sc'och Jesús 'a sla'nil Jerusalén, xyiln 'at jun chon̈b' cha. 'Ix 'oc' yu'uj.

Jn 11:34

'Ix sc'anb'n 'ixtc 'a eb': —¿'Ajtil xe muc winac? xchi. —Mamin, coyc 'at quil nab'an, xchi eb' 'a 'a.

Ef 4:32

Caw wach' tzlaj eyutc e nab'en 'ayx junjn ex. Tzlaj 'o'ch e c'ojl 'ayex. An̈jtona', tzlaj eya'lac niwnc'ojlal 'ayx junjn ex, 'icha xyutj Dios ya'n niwnc'ojlal 'ayn̈ec yuj Cristo.

Dt 32:36

A Jehová 'oj colwjoc yet' eb' schon̈ab', yic tzyilni to wan yel yip eb'. 'Oj 'o'ch sc'ojl 'a eb' schecab' yic 'oj yilnoc to man̈x 'a yip eb', man̈xtzac stac' scoln sb'a eb'.

A Ch'an̈ Carta D'a Eb' Hebreo 3:10

Yuj cha, scot wowl 'a eb', waln 'ixtic: A jun tzo'n̈ 'anma tic, chuc 'aj 'aych snab'en eb'. Toxn matz nib'j eb' tzyojquej 'el in b'eyb'al, xin chi.

A Ch'an̈ Carta D'a Eb' Hebreo 4:15

A jun tz'a'n 'och qui ti 'a Dios, tztac' tz'o'ch sc'ojl 'ayn̈ec yuj may qui te'nalec, yujto caw lajn x'aj yajx prowal 'icha 'on̈c tic, palta may jun 'ejmoc 'ochnc smul.

Josué 24:23

Xyaln pax Josué 'ixtic: —A ticnec, 'ijec 'el jun tzo'n̈ comn dios 'a e cal, 'a'c servil Jehová yet' smasnil e c'ojol, atn qui Diosalec, xchi 'a eb'.

Jueces 2:18

A yic tzya'n 'och Jehová junc mach tzcolwj cha, ax tzcolwj yet'oc. Ya' sb'a pitznto jun colwjum cha, caw tzcolx 'el eb' 'a yol sc'ab' eb' 'ajc'ojl yu'uj. A yic tz'el yaw eb' yab'n syail, caw tz'o'ch sc'ojl Jehová 'a eb'.

A Ch'an̈ B'ab'el Libro Samuel 12:10

Yuj cha, 'a junjn 'ejem, xyaln sb'a eb' qui mam quichmec 'a Jehová, xyaln eb' 'ixtic: Caw wal 'ix 'och qui mul on̈, yujto ach cactjcan ach Jehová, ax jun tzo'n̈ comn dios yechl Baal yet' Astarté, a 'ix ca' servil. A ticnec, coln̈ 'elt 'a yol sc'ab' eb' 'ajc'ojl yajch 'ayon̈, cojxn̈ej 'aych 'oj ca' servil, xchi eb'.

A Ch'an̈ B'ab'el Libro Samuel 7:3

Yuj cha, 'ix yaln Samuel 'ixtc 'a eb' yit israelal cha: Toto yet' smasnil e c'ojol tzex meltzj pax 'a Jehová, yowlal tzeyij 'el jun tzo'n̈ comn dios 'ayc' 'a e cal, yet' jun tzo'n̈ sch'oxnb'il comn dios Astarté. Tzeya'n wal 'och e b'a 'a yol sc'ab' Jehová, cojxn tzeyac' servil. Toto 'ixta', 'oj ex scol 'elt 'a yol sc'ab' eb' filisteo, xchi.

A Ch'an̈ B'ab'el Libro Samuel 7:4

Yuj cha, xlaj yi'nc 'el eb' israel jun tzo'n̈ yechl Baal chi 'a scal yet' jun tzo'n̈ sch'oxnb'il Astarté cha. Cojxn 'a Jehová 'ix yac' 'ejm sb'a eb'.