Jueces 10:10 - Chuj San Sebastian Bible

¹⁰ Yuj cha, 'ix sc'ann eb' israel chi scolwal Jehová yet'oc, 'ix yaln eb' 'ixtic: —Ach qui Diosal, 'ix 'och wal qui mul 'ayach, ach cactj can on̈, ax 'a jun tzo'n̈ yechl jun comn dios Baal, ata 'ix cac' 'ejm qui b'a on̈, xchi eb'.

Chuj San Mateo Bible

¹⁰ Ichato chi' ix sc'anan scolval Jehová eb' yed'oc, ix yalan eb' icha tic: Ach co Diosal, ix och val co mul d'ayach, ix ach cactejcani, axon̈ej d'a Baal ix caq'uem co b'a, xchi eb'.

Jueces 10:10 Iomraidhean Croise

Salmos 107:13

Palta a 'a scal somc'ojlal eb' cha, ata 'ix yal sb'a eb' 'a Jehová, ax 'ix coln 'elt eb' 'a yol sc'ab' syailal cha.

Salmos 107:19

Palta a 'a scal syailal eb' cha, ata 'ix yal sb'a eb' 'a Jehová, ax 'ix coln 'el eb'.

Salmos 107:28

Palta a 'a scal somc'ojlal eb' cha, ata 'ix yal sb'a eb' 'a Jehová, ax 'ix coln 'elt eb' 'a yol sc'ab' syailal cha.

Jeremías 2:27

'In tzeyal 'a junc te te 'ixtic: Ach tic, qui mam ach, xe chi. Tzeyaln pax 'a junc q'uen q'ue'en: Ach tic, qui nun ach, xe chi paxi. Ax 'ayin, a yich e patc tzeya'cn coti, man̈xtzac ex cot q'ueln 'ayin. Ax 'a yic tzjaw tzann̈j yab'ilal 'a eyib'an̈, tzeyaln 'ayn 'ixtic: ¡Cotan̈, colwjan̈ quet' on̈! xe chi.

Jueces 10:9

Ax eb' 'aj Amón cha, 'ix c'axw 'ec' eb' 'a yol a Jordán yic tz'at ya'nc eb' owl yet' eb' yin̈tl Judá, eb' yin̈tl Benjamín yet' eb' yin̈tl Efraín. Caw wal tz'ixtx eb' chi yuj eb'.

Jueces 3:9

masnto xtew eb' 'a Jehová, ax si'n 'elt jun colwjum 'a scal eb' israel cha. A xcoln 'elt eb', atn Otoniel win yunnal Cenaz, slajb' 'u'tac Caleb.

Jueces 4:3

A win Jabín cha, 'ay b'aln̈e ciente scaruaje win yic owal, 'aych q'uen hierro 'a spatquil. Junc'l ab'il xcan eb' israel 'a yol sc'ab' winac. Caw wal x'ixtx eb' si'mb'il, yuj cha, xtew eb' 'a Jehová, sec tzcolx eb' yu'uj.

Jueces 6:6

Yuj eb' madianita cha, 'ix 'ochcn eb' israel chi meb'a'il, yuj cha, 'ix sc'ann pax eb' scolwal Jehová.

A Ch'an̈ B'ab'el Libro Samuel 12:10

Yuj cha, 'a junjn 'ejem, xyaln sb'a eb' qui mam quichmec 'a Jehová, xyaln eb' 'ixtic: Caw wal 'ix 'och qui mul on̈, yujto ach cactjcan ach Jehová, ax jun tzo'n̈ comn dios yechl Baal yet' Astarté, a 'ix ca' servil. A ticnec, coln̈ 'elt 'a yol sc'ab' eb' 'ajc'ojl yajch 'ayon̈, cojxn̈ej 'aych 'oj ca' servil, xchi eb'.

A Ch'an̈ B'ab'el Libro Samuel 7:6

Ax yic 'ix syamn sb'a eb' 'a Mizpa cha, 'ix yi'n q'uet eb' a a', xlaj secnc 'ejm eb' 'a yojltac Jehová. 'Ix ya'n 'och sb'a eb' 'a c'ajb'c'ojlal 'a jun c'u cha. Xyaln eb' 'ixtic: 'Ix 'och wal qui mul 'a Jehová, xchi eb'. Ax Samuel, 'ix jucb'tzan eb' yit chon̈b' 'a Mizpa.