Jueces 1:3 - Chuj San Sebastian Bible

³ Yuj cha, ax eb' yin̈tl Judá, 'ix 'awtn jun 'in̈tal eb' yit chon̈b' yet'oc, atn eb' yin̈tl Simeón. Xyaln eb' 'a eb' 'ixtic: Coyc quet' 'a lum lum 'ix 'ajx quico'oc on̈, ca'c owl yet' eb' cananeo. 'Oj lajwc cha, ax qui 'at eyet' on̈, yic tzca'nec owl yet' eb' 'anma a lum e lum 'ix 'ajx eyico'oc, xchi eb'. Yuj cha, 'ix 'at eb' yin̈tl Simeón yet' eb'.

Chuj San Mateo Bible

³ Yuj chi' a eb' yin̈tilal Judá ix avtan eb' yin̈tilal Simeón, ix yalan eb' d'a eb' icha tic: Coyec qued' d'a lum luum ix ac'ji quiquej, ol cac'an oval yed' eb' cananeo cajan ta'. Ol lajvoc chi', ol on̈ ochpax eyed'oc ayic ol eyac'an oval yuj lum ol eyiquejpax chi', xchi eb'. Yuj chi' ix b'at eb' yin̈tilal Simeón chi' yed' eb'.

Jueces 1:3 Iomraidhean Croise

Gn 29:33

Scuchn chan̈ 'ix junx yune', ax yic x'alj junx yune 'ix cha, xya'n eb' sb'ic Simeón, xyaln 'ix 'ixtic: 'Ix yil Jehová to chab'c'ojlb'iln 'eli, yuj cha, xyac' junx wune tic, xchi 'ix.

A Ch'an̈ Schab'l Libro Samuel 10:11

'Ix yaln Joab 'ixtic: Toto a eb' sirio yel xo jeln 'a wib'an̈, tzach 'at colwjc wet'oc, toto a pax eb' amonita yel xo jeln 'a eb'n̈ ach tic, 'oj in cot colwjoc pax et'oc.

Josué 19:1

A lum schab'il, 'ix 'och suerte 'a yib'n̈ lu'um, ax eb' yin̈tl Simeón a eb' x'i'n lu'um, a tzyal jayc'aj eb' 'a smacl cha. A lum lum xyij eb' cha, ata xcan lum 'a yojl lum yic eb' yin̈tl Judá.

Jueces 1:17

'Ixta 'ix 'aj s'atcn eb' yin̈tl Judá, yet' eb' yin̈tl Simeón, 'ix ya'n eb' owl yet' eb' cananeo cajn 'a Sefat. C'uxn satl eb' jun chon̈b' chi smasnil. Yuj cha, xya'n can eb' scuch jun chon̈b' chi Horma.

Jueces 1:2

Xta'w Jehová 'a eb' 'ixtic: A eb' yin̈tl Judá tz'at yac' owl yet' eb' b'ab'el. An 'oj wac' lum lum chi 'a eb', xchi.

Jueces 1:4

'Ix c'och eb' yin̈tl Judá yac' owl yet' eb' cananeo yet' pax eb' ferezeo; ax Jehová 'ix 'a'n eb' chuc chon̈b'al chi 'a yol sc'ab' eb'. Yuj cha, a 'a Bezec ata xcham lajn̈e mil eb' 'anma chi yuj eb', ajun pax win Adoni-bezec yet' eb' x'a'n cob' owl cha.