Jueces 1:27 - Chuj San Sebastian Bible

²⁷ Eb' 'anma ma'ix techj spechn 'el eb' yin̈tl Manasés: atn eb' 'aj Bet-seán, eb' 'aj Taanac, eb' 'aj Dor, eb' 'aj Ibleam, eb' 'aj Meguido, yet' eb' 'ay 'a yaldeail jun tzo'n̈ chon̈b' cha. A eb' cananeo 'a jun tzo'n̈ chon̈b' cha 'ix ste'wtzej sb'a eb' 'a owal, yuj cha 'ix can cajn eb' ta'.

Chuj San Mateo Bible

²⁷ A eb' yin̈tilal Manasés, maj yal-laj spechanel juntzan̈ anima tic eb': Eb' aj Bet-seán, eb' aj Taanac, eb' aj Dor, eb' aj Ibleam yed' eb' aj Meguido yed' pax yaldeail juntzan̈ chon̈ab' chi'. Yuj chi' ix cann̈ej cajan eb' cananeo chi' ta'.

Jueces 1:27 Iomraidhean Croise

A Ch'an̈ Schab'il Libro Yic Yab'ixal Eb' Rey 23:29

A 'a jun tiempoal cha, 'ix 'at win Necao sreyl Egipto yet' eb' soldado 'a a Éufrates colwjoc yet' sreyl chon̈b' Asiria. 'Ix 'elt rey Josías yet' eb' soldado yac' owl yet' Necao 'a Meguido, palta ma'ix yac' ganar Josías jun owl cha, 'ix chami.

A Ch'an̈ Schab'il Libro Yic Yab'ixal Eb' Rey 9:27

A yic 'ix yiln 'och Ocozías sreyl Judá tas 'ix uji, 'ix 'at 'eloc, ata x'atcn 'a sb'el Bet-hagan. Palta ax Jehú 'ix 'atn̈j 'a spatquil, 'ix yaln 'ixtic: —¡Milc pax chamoc! xchi. 'Ix yamchj yuj eb' 'a lum switzl Gur 'a sla'nil Ibleam. Ata xlajw yuj eb' 'a yol scaruaje, palta 'ix 'at 'elc 'a Meguido, axta xchami.

Ex 23:32

Man̈ e b'o junc e trato yet' eb', man̈ ex 'och 'emmquilal pax 'a sdiosal eb' cha.

Jeremías 48:10

(Catb'tzaxc cab' mach to matz b'on snib'b'en Jehová 'a smasnil sc'ojol. Catb'tzaxc cab' mach to matz c'anlb'ej yespada yic tzmilw cham 'anma'.)

Dt 7:2

A yic 'oj ya'nc 'och Jehová jun tzo'n̈ nacion̈ chi 'a yol e c'ab', c'uxn tze satl eb' smasnil. May junc trato tze b'o yet' eb', man̈ 'o'ch pax e c'ojl 'a eb'.

Jueces 1:1

A yic tox xcham Josué, 'ix sc'anb'n eb' israel 'a Jehová 'ixtic: ¿Mach junc 'in̈tal 'a qui cal tic on̈, tz'at sb'ab'l 'a'c owl yet' eb' cananeo? xchi eb'.

Jueces 1:21

Palta ax eb' yin̈tl Benjamín, ma'ix stac' spechx 'el eb' jebuseo cajn 'ec' 'a Jerusalén yuj eb'. Yuj cha, a eb' jebuseo yet' eb' yin̈tl Benjamín, junn̈j xcan cajn eb' 'a Jerusalén cha.

Jueces 1:26

A jun winc cha, 'ix 'atcn 'a slum eb' hitita, 'ix sb'on chan̈ jun chon̈b' ta'. 'Ix ya'n can eb' sb'ic Luz.

Jueces 1:28

Palta a yic caw xjelnb'i eb' yin̈tl Manasés cha, 'ix 'ajx pural eb' cananeo chi yoch munljoc 'a eb', ma'ix pechx 'el eb' yuj eb'.

Jueces 5:19

Xlajw cha, xjaw eb' rey yac' owal. Xjaw eb' sreyl Canaán yac' owl 'a Taanac, 'a sti a a tzcuch Meguido, palta may tumin, may ricoal xyij eb'.

A Ch'an̈ B'ab'el Libro Samuel 15:9

Palta ax Saúl yet' eb' soldado ajun yet'oc, 'ix yac' eb' niwnc'ojlal 'a Agag, ma'ix smil cham eb'. Ma'ix satl eb' no calnelu, no wacax, yet' jun tzo'n̈ xo no noc' to caw wal b'aq'uech, no quelmtac calnelu, yet' pax smasnil tas wach'. Ax smasnil jun tzo'n̈ tas may wal yel'chi, 'ix satl eb' smasnil.

A Ch'an̈ B'ab'el Libro Samuel 31:10

'Ix ya'n 'och eb' syamc'ab' win Saúl chi 'a yol yatutal jun scomn diosal tzcuch Astarté, 'ix spixn can q'ue t'un̈n ewin sniwnal eb' chi 'a smuroal chon̈b' Bet-sán.