Jueces 1:2 - Chuj San Sebastian Bible

² Xta'w Jehová 'a eb' 'ixtic: A eb' yin̈tl Judá tz'at yac' owl yet' eb' b'ab'el. An 'oj wac' lum lum chi 'a eb', xchi.

Chuj San Mateo Bible

² Ix tac'vi Jehová icha tic: A eb' yin̈tilal Judá sb'ab'lajochi, yujto a d'a eb' ol ac'chaj luum, xchi.

Jueces 1:2 Iomraidhean Croise

Nm 2:3

A 'a stojlal 'aj tzq'uel c'u, ata 'oj 'aj scamplamento eb' soldado 'et'jnac sbandera eb' yin̈tl Judá. A Naasón yunnal Aminadab a 'aych syajlilc eb' soldado 'a yin̈tl Judá, a sb'isl eb' 'ay 74,600 soldado.

Nm 7:12

'A yic b'ab'l c'u, 'ix yij cot Naasón win yunnal Aminadab yofrenda, win yajl yaj 'a eb' yin̈tl Judá. 'A schab'l c'ual, 'ix yij cot Natanael win yunnal Zuar yofrenda, win yajl yaj 'a eb' yin̈tl Isacar. 'A yoxl c'ual, 'ix yij cot Eliab win yunnal Helón yofrenda, win yajl yaj 'a eb' yin̈tl Zabulón. 'A schan̈l c'ual, 'ix yij cot Elisur win yunnal Sedeur yofrenda, win yajl yaj 'a eb' yin̈tl Rubén. 'A yol c'ual, 'ix yij cot Selumiel win yunnal Zurisadai yofrenda, win yajl yaj 'a eb' yin̈tl Simeón. 'A swacl c'ual, 'ix yij cot Eliasaf win yunnal Deuel yofrenda, win yajl yaj 'a eb' yin̈tl Gad. 'A yucl c'ual, 'ix yij cot Elisama win yunnal Amiud yofrenda, win yajl yaj 'a eb' yin̈tl Efraín. 'A swajxquil c'ual, 'ix yij cot Gamaliel win yunnal Pedasur yofrenda, win yajl yaj 'a eb' yin̈tl Manasés. 'A sb'aln̈il c'ual, 'ix yij cot Abidán win yunnal Gedeoni yofrenda, win yajl yaj 'a eb' yin̈tl Benjamín. 'A slajn̈il c'ual, 'ix yij cot Ahiezer win yunnal Amisadai yofrenda, win yajl yaj 'a eb' yin̈tl Dan. 'A yuxlchil c'ual, 'ix yij cot Pagiel win yunnal Ocrán yofrenda, win yajl yaj 'a eb' yin̈tl Aser. Ax 'a slajchwil c'ual, 'ix yij cot Ahira win yunnal Enán yofrenda, win yajl yaj 'a eb' yin̈tl Neftalí. Lajnn̈ej yofrenda junjn eb' 'ix yac'a, atn jun tzo'n̈ tic: Q'uen plato b'ob'il yet' plata, 1,430 gramos yal-l junjn eb' q'ue'en, xalu b'ob'il yet' plata, 770 gramos yal-l jun jun, (a tzyal 'echtab' tzc'anlb'ax 'a scajnub' Dios). A jun tzo'n̈ cha, b'ut'n yet' 'ixm harina caw wach', calb'il yet' aceite, a chi xyac' eb' yofrendaoc. 'Ix ya'n pax eb' junjn niwquil cuchara nab'a oro, 'ay 110 gramos yal-l jun jun, b'ut'n yet' incienso, yet' pax junjn no quelm wacax, junjn no mam calnelu, junjn no quelm calnelu jun ab'il sq'uinl tz'ajx tz'a xajmb'alil, yet' junjn no mam chiwo yic tz'ajx no xajmb'al-l yuj mul. Ax 'a slajub', xya'n pax eb' no xajmb'al yic junc'ojlal: Chatcwan̈ no mam wacax, otcwan̈ no mam calnelu, otcwan̈ no mam chiwo, yet' pax otcwan̈ no quelm calnelu junjn ab'il sq'uinal. Lajnn̈ej sb'isl no xyac' junjn eb'.

A Ch'an̈ Carta D'a Eb' Hebreo 7:14

Cojquec, chajtlto a Cajlilec, yin̈tl can Judá. Ax Moisés, may tas yaljnac, toto 'ay junc eb' yin̈tl Judá chi tztac' yoch ya'malc 'och qui tic 'a Dios.

Josué 2:24

'Ix yaln eb' 'ixtic: A Jehová a tz'a'n jun lugar chi 'ayn̈ec, ax eb' 'anma 'ayc' ta', 'ac'b'ilx eb' 'a yol qui c'ab'ec. Man̈x 'anmac yaj snab'en eb' smasnil yuj xiwlal, xchi eb'.

Apoc 5:5

Palta 'ay jun 'a eb' 'ichm winc chi 'ix aln 'ayn 'ixtic: Man̈ ach 'oc'oc. A jun tzcuch León 'a scal eb' yin̈tl Judá, atn jun yin̈tl can win rey David, a 'a'jnac ganar. A 'oj stac' sn̈i'chtan uque seyo tic, ax sjacn ch'an̈ un̈ cha, xchi 'ayin.

Jueces 1:3

Yuj cha, ax eb' yin̈tl Judá, 'ix 'awtn jun 'in̈tal eb' yit chon̈b' yet'oc, atn eb' yin̈tl Simeón. Xyaln eb' 'a eb' 'ixtic: Coyc quet' 'a lum lum 'ix 'ajx quico'oc on̈, ca'c owl yet' eb' cananeo. 'Oj lajwc cha, ax qui 'at eyet' on̈, yic tzca'nec owl yet' eb' 'anma a lum e lum 'ix 'ajx eyico'oc, xchi eb'. Yuj cha, 'ix 'at eb' yin̈tl Simeón yet' eb'.

Jueces 20:18

'Ix 'at eb' israel 'a scajnub' Dios, 'ix sc'anb'n eb' 'a Dios yic tzyojcan 'el eb', mach junc 'in̈tal eb' yowlal tzb'ab'l 'a'j owl yet' eb' yin̈tl Benjamín. 'Ix yaln Jehová 'ixtic, to a eb' yic Judá tzb'ab'l 'och 'a owal.