Josué 7:9 - Chuj San Sebastian Bible

⁹ A eb' cananeo yet' smasnil eb' cajn 'a jun tzo'n̈ lugar tic, 'oj yab' eb' speclal tas on̈ 'aji, 'oj syam sb'a eb' ax on̈ satn can 'el eb' on̈, man̈x 'a 'aj 'oj qui b'inax 'a sat lum lum tic on̈. Ach xo tic, tu 'oj yal eb' 'anma chi 'a a patic, xchi Josué.

Chuj San Mateo Bible

⁹ Axo eb' cananeo yed' masanil chon̈ab' cajan d'a juntzan̈ lugar tic, ol yab' specal eb' tas ix sc'ulej eb' a chon̈ab' tic, ol smolb'an sb'a eb', axo on̈ satanel eb' chi', man̈xo ol on̈ b'inaj d'a sat lum tic. Axo eb' anima, chuc ol yal eb' d'a a patic, xchi vin̈.

Josué 7:9 Iomraidhean Croise

Salmos 115:1

Mamin Jehová, a cab' 'aych tzalx wach' paxti', man̈oc cab' 'ayn̈ an̈ 'anman̈ tic. Caw smoj yalx wach' paxti 'aych yuj a chamc'ojlal yet' yuj a tojlal.

Salmos 48:10

Alx cab' wach' paxti 'aych 'a smasnil yolyib'n̈q'uinl tic, yujto a moj wal yijx chan̈ a b'i. Yet' wal a jelnal tza b'on yaj smasnil tas 'a stojlal.

Salmos 79:9

Ach qui Diosal on̈, qui Colmal aji, colwjan̈ quet' on̈, tza'n lajwc qui mul on̈, sec matz b'uchx a b'i.

Salmos 83:4

Tox sna eb' to tzon̈ wul satl eb' on̈, sec man̈x 'a b'a'n̈ tzon̈ 'och niwc nacion̈al. Tznib'j eb' to man̈x 'a b'a'n̈ tzon̈ b'inax an̈ israel on̈ tic on̈.

Salmos 83:5

'Ix yac' eb' trato 'a a patquil, to junn̈j tzyutj sb'a eb' smasnil:

Ex 32:12

Comnoc ma'oj a cha yal eb' 'aj Egipto chi 'ixtic: 'In to tu snab'en Dios 'a yib'n̈ eb' 'anma cha. Ton̈j xwul yi'l eb' 'a tic yic tzcham eb' 'a cusltac lum yu'uj, sec am tzsatcn 'el eb' 'a sat lum lum tic, 'oj schic eb'. Yuj cha, comnoc man̈toc 'ayn̈j cot yowl a c'ojl 'a yib'n̈ eb' a chon̈b' tic, comnoc tzac' wal niwnc'ojlal eb'.

Ez 20:9

'Ixta xwutj in nan jun tzo'n̈ tic, palta man̈ 'ixta'oc 'ix wutej, sec man̈toc tu tzin can 'a sat jun tzo'n̈ xo nacion̈, yujto q'ueln 'och eb' yic xin ch'oxn in poder yic xwi'n 'elt eb' in chon̈b' 'a Egipto cha.

Jl 2:17

'O' cab' eb' ya'mal 'och qui tic 'a Dios, eb' tz'a'w servil 'a Jehová. A 'a snan̈l yatut Dios yet' jun yet'l xajmb'al, ata tzyal cab' eb' 'ixtic: Mamin Jehová, 'ac' niwnc'ojlal 'a quib'n̈ an̈ a chon̈b' on̈ tic. May cab' mach tzon̈ b'uchni. Man̈ on̈ a cha 'ajxoc ganar yuj jun tzo'n̈ xo chuc chon̈b'al, man̈ yal cab' eb' 'ixtc 'ayn̈ on̈: ¿'Ajtil 'ay e Diosal cha? man̈ xchic cab' eb', xchi cab' eb'.

Miqueas 7:10

An̈jtona eb' 'ajc'ojl yajch 'ayn̈ec, 'oj yac' Dios yil pax eb' jun tic, caw 'oj q'uixwc can 'el eb' yu'uj. Atn eb' aljnac 'ayn̈ec 'ixtic: ¿'Ajtil 'ay Jehová e Diosal cha? xchi eb'. Palta a ticnec, 'oj quilc wal tas 'oj 'aj slajw 'el eb'. 'Oj te'wtan̈xoc eb' 'icha lum b'i'ch 'a yoltc caye.

Nm 14:13

Yuj cha, 'ix ta'w Moisés 'ixtc 'a Jehová: —Ach xej 'elt eb' 'anma tic yet' a poder 'a Egipto, ax 'oj yab'nc sb'a eb' 'aj Egipto cha, to wan a satn 'el eb' a chon̈b' tic.

Jn 12:28

Mamin, checlj cab' 'eli, chajtlto caw niwn el'chi, xchi Jesús. Xlajw cha, 'ix yab'n eb' yoch jun paxti 'a satcha'an̈, 'ix yaln 'ixtic: —Tox xin ch'oxo chajtlto niwn wel'chi. Al ticnec, 'oj in ch'ox pax jun 'ejm xo, xchi.

Dt 9:28

sec a eb' 'anma 'a lum chon̈b' 'aj on̈ ej 'elt cha, ma'oj yal eb' 'ixtic: A Jehová ma'ix stac' yi'n 'och eb' 'anma chi 'a sat lum lum tzyal yac' 'a eb' cha. 'Ix yij 'el eb' 'anma chi 'a tic, sec tzchamcn eb' yuj 'a lum cusltac lu'um, yujto chacb'il 'el eb' yu'uj, 'oj xchic eb'.

Josué 7:10

'Ix ta'w Jehová 'ix yaln 'ixtic: Lem, q'uen̈ wa'an, ¿tas tza b'o 'ejm lachn 'a sat lum cha?

Josué 7:8

¡'Ay, Mamin! ¿Tas wal to 'oj wutc walni, a ticnec a eb' wit chon̈b' tic, 'ix 'at eb' 'elc 'a eb' 'ajc'ojl cha?

A Ch'an̈ B'ab'el Libro Samuel 12:22

Yujto a Jehová ma'oj ex yactc can e ch'ocoj, sec matz alx tu paxti 'a spatquil, yujto tznib'j to tzex 'och schon̈b'oc.