Josué 7:6 - Chuj San Sebastian Bible

⁶ Yuj cha, 'ix stziln 'el Josué spichl yet' eb' yichm wincal chon̈ab', xlaj sjopn q'ue eb' pococ 'a sjolom yic tzch'oxn 'el eb' scusc'ojlal cha. Xlajw cha, 'ix 'em cumn eb' 'a yojltac 'elt scaxail strato Jehová masnto x'emch quiln sat eb' 'a lu'um, 'ixtan̈ej yaj eb' masnto 'ix 'em c'u.

Chuj San Mateo Bible

⁶ Yuj chi', a vin̈aj Josué yed' eb' vin̈ yajalil chon̈ab', ix sn̈ic'b'at spichul eb' vin̈ yuj cusc'olal, ix yac'anpaxq'ue pococ eb' vin̈ d'a sjolom, ix lajvi chi', ix em cumnaj eb' vin̈ d'a yichan̈ te' scaxail strato Jehová, ix emc'och snan̈al sat eb' vin̈ d'a sat luum masanto ix em c'u.

Josué 7:6 Iomraidhean Croise

Gn 37:29

Ax yic xmeltzj Rubén x'at yilnc pax 'a sti jun xab' cha. Ax 'ix yilni man̈x 'a win José 'ayc' ta', yuj cha, stzilnjat spichul, yic tzch'oxn 'eli to tzcus yuj jun yu'tac cha.

Gn 37:34

Xlajwn̈ej cha, stzilnjat win Jacob spichul, xya'n 'och win jun spichl tzch'oxn 'el scusc'ojlal, caw niwn tiempo x'oc' win yuj schamlil jun yunnal cha.

A Ch'an̈ Schab'l Libro Samuel 1:11

A yic xyab'n David jun cha, 'ix stzilnjat spichl yet' eb' ajun yet'oc, yic tzch'oxn 'el eb' scusc'ojlal.

A Ch'an̈ Schab'l Libro Samuel 1:12

Caw x'oc' eb' yuj schamlil Saúl yet' Jonatán, an̈jtona yujto xlajw 'el eb' soldado israel 'a owal, atn eb' schon̈b' Jehová. 'Ix 'och pax eb' 'a c'ajb'c'ojlal masnto 'a yic xq'uic'b' 'ejm 'a yic jun c'u cha.

A Ch'an̈ Schab'l Libro Samuel 1:2

Ax 'a schab'jial 'ix c'och jun winc 'a David cha, ata xcot win 'a 'aj 'e'nc scamplamento Saúl. Caw jatquixtac spichul, 'ay q'ue lum 'a scal xil sjolom yic tzch'oxn 'eli chajtlto 'ay scusc'ojlal. Ax yic xc'ochi, 'ix 'em n̈ojnjoc 'a yojltac David.

A Ch'an̈ Schab'l Libro Samuel 12:16

Yuj cha, syamn 'och David sc'an 'a Dios, sec tzb'ox sc'ojl win 'unn cha. 'Ix ya'n 'och sb'a 'a c'ajb'c'ojlal, ax 'a sat lum tz'ec' t'ocn sway 'a junjn 'ac'wal.

A Ch'an̈ Schab'l Libro Samuel 13:19

'Ix ya'n q'ue 'ix stan̈il c'ac' 'a sjolom. Stzilnjat 'ix te spichl wach' yilx cha, xya'n q'ue 'ix sc'ab' 'a sjolom, caw ji'jmtac yoc' 'ix yic xpax 'ix 'a yol b'e.

A Ch'an̈ Schab'l Libro Samuel 13:31

Yuj cha, 'ix q'ue wan win rey chi 'a yet'ul, 'ix stzilnjat win spichul yic tzch'oxn 'eli to 'ay scusc'ojlal. 'Ix sjuln 'ec' t'ocn sb'a 'a sat lu'um. An̈jtona eb' schecb' win rey 'ayc' yet'oc, locn eb' stziljat spichl chi yet' winac.

A Ch'an̈ Schab'il Libro Yic Yab'ixal Eb' Rey 22:11

A yic 'ix yab'n win rey tas tzyal ch'an̈ slibroal ley cha, 'ix stzilnjat win spichul.

2 Cr 34:19

A yic xyab'n win rey tas tzyal ch'an̈ ley cha, 'ix stzilnjat win spichul.

Esdras 10:1

Ya' sb'a wan sleslwi Esdras, caw wal tz'oq'ui tzyaln smasnil jun tzo'n̈ tic, cumn 'ejm 'a sti yatut Dios, caw niwn eb' yit israelal 'ix 'och 'oyn 'a stz'ey, eb' winac, eb' 'ix 'ix, yet' eb' 'unin. Caw wal ji'jmtac yoc' eb' 'anma chi yet'oc.

Nehemías 9:1

A 'a yic 24 yoch yucl 'uj cha, 'ix syamn sb'a eb' israel yic tz'och eb' 'a c'ajb'c'ojlal, xya'n 'och eb' spichl n̈achtac sat yuj scusc'ojlal, sjopnq'ue eb' lum 'a sjolom.

Ester 4:1

A yic xyab'n Mardoqueo jun ley 'ix alx 'el cha, yuj cha, 'ix stzilnjat spichul, 'ix ya'n 'och spichl n̈achtac sat yuj cusc'ojlal, xya'n q'ue stan̈il c'ac' 'a sjolom. 'Ix syamn 'och sb'eyc' 'a yol chon̈ab', tz'el yaw yuj cusc'ojlal yujto caw ya tzyab'i.

Ester 4:3

An̈jtona pax 'a smasnil chon̈b' 'aj 'ix c'och ch'an̈ un̈ 'aj tz'ib'b'il jun ley cha, 'ix 'och smasnil eb' israel 'a cusc'ojlal. A yic sch'oxn 'el eb' scusc'ojlal cha, 'ix 'och eb' 'a c'ajb'c'ojlal, caw tz'oc' eb', caw ya tzyab' eb', til wal eb' x'ec' teln 'a scal stan̈il c'ac', xya'n pax 'och eb' te pichl to n̈achtac sat yuj scusc'ojlal.

Job 1:20

Yajn̈ej 'ix q'ue wan win Job, caw xcus win si'mb'il, stzilnjat win spichl yuj scusc'ojlal cha, sjoxn 'el win xil sjolom, 'ix 'em cumn win 'a sat lu'um yic tzyaln sb'a win 'a Dios.

Job 2:12

'Ayt wal sjaw eb', xyiln cot eb' win Job 'a najat, teb'il xyilch eb' win yuj syailal cha, yuj cha, syamn 'och eb' yoc' yuj winac. Caw tzcus eb', xlaj stzilnjat eb' spichul, sjob'n chan̈ eb' pococ 'a cha'an̈, ax 'a sjolm eb' xlaj 'emx lu'um.

Job 42:6

Yuj cha, tznachj 'el wu'uj to may jac wel'chi, yel xo wach' tzin 'emwocn 'a sat lu'um, mto 'a scal stan̈il c'ac' yic tzin nan in b'a yuj tas xwala, xchi Job.

Lm 2:10

A eb' yichm wincal chon̈b' Sión, sictac xoj yaj eb', wocn 'ejm eb' 'a sat lu'um. Tzlaj sjopn q'ue eb' pococ 'a sjolom, tzya'n 'och eb' jun tzo'n̈ pichl n̈achtac sat. Ax eb' 'ix cob'stac 'ix 'aj Jerusalén, c'uxn tzlaj 'em quiln sat eb' 'ix 'a sat lu'um.

Nm 14:6

Ax Josué yet' Caleb, locn eb' xit' 'ilnoc lum lum cha, 'ix stzilnjat eb' spichul, yic tzch'oxn 'el eb' to tzcus eb' yab'n jun tzo'n̈ paxti cha.

Nm 16:22

A yic xyab'n Moisés yet' Aarón jun paxti cha, 'ix 'em n̈ojn eb' 'a sat lu'um, 'ix yaln eb' 'ixtic: —Mamin, ach ton wal tzac' sq'uinl smasnil 'anma', ¿tom tztac' scot owl 'a yib'n̈ smasnil eb' a chon̈b' tic yuj smul junc win winac? xchi eb'.

Nm 16:45

'Ijec 'el e b'a 'a stz'ey jun tzo'n̈ 'anma tic, yujto wal in satn 'el eb' tic, xchi. —Ax Moisés yet' Aarón, 'ix 'em n̈ojn eb', masnto squil 'ejm eb' snan̈l sat 'a sat lu'um.

A Tas Sc'ulejnac Eb' Schecab' Jesús Hechos 14:14

Palta ax yic xyab'n Bernabé yet' Pablo, 'ix syamn 'och eb' stziln jat spichul yic tzch'oxn 'el eb', to caw tu tzyil eb'. Caw 'ip xyal chan̈ eb' 'a scal eb' 'anma chi 'ixtic:

Josué 7:7

Ax Josué 'ix yaln 'ixtic. —¡'Ay, Mamin Jehová! ¿Tas wal yuj 'ix a chaj 'e't eb' chon̈b' tic 'a yol a Jordán? ¿Tom yuj on̈ satn 'el eb' amorreo, yuj cha, on̈ e'n 'e't 'a jun lugar tic on̈? Comnoc on̈ cancn 'a sc'axpil 'ec' sti a Jordán cha.

Apoc 18:19

'Ix laj sjop q'ue eb' pococ 'a sjolm yuj scusc'ojlal. Caw x'oc' eb'. 'Ix cul-li eb' yoq'ui, 'ix 'awj chan̈ eb' 'ixtic: ¡'Ay, 'ay, 'oltac wal jun niwquil chon̈b' tic! A eb' 'ay sbarco 'a a mar, c'uxn 'ix 'och eb' ricoal yuj sricoal jun chon̈b' tic. Palta junn̈j wal rato, xlajw can 'ejm jun chon̈b' tic, xchi eb'.

Jueces 11:35

A yic 'ix yiln sb'a win 'a jun c'otn yisl cha, 'ix stzilnjat win spichul yic tzch'oxn 'el win scusc'ojlal. 'Ix yaln win 'ixtc 'a 'ix: —¡'Ay wisil! Caw wal tza'ch in cusc'ojlal tzwab'i. Ach wal tza loc cot yailal 'a wib'an̈, yujto 'ay jun in ti 'ix wac' 'a Jehová, to yowlal tzwac' 'el'choc tas xwal cha, xchi winac.

Jueces 20:26

Xlajw cha, ax eb' soldado israel smasnil, yet' smasnil eb' chon̈ab', 'ix 'atx eb' 'a scajnub' Dios 'a Bet-el. 'Ix 'oc' eb' 'a yojltac Jehová 'a smasnil c'u masnto xq'uic'b'i. May jac tas sc'ux eb', 'ix ya'n eb' xajmb'al tz'a'i, yet' xajmb'al yic junc'ojlal.

Jueces 21:2

'Ix syamn sb'a eb' 'a scajnub' Dios 'a Bet-el, masnto xq'uic'b'i, 'ix 'oc' eb' 'a yojltac Dios, 'ix yaln eb' 'ixtic:

A Ch'an̈ B'ab'el Libro Samuel 4:12

'Ay jun win soldado yic eb' yin̈tl Benjamín 'ix yac' ganar scot 'elc 'a scal owl cha. Caw wal carela xcoti, 'ix jaw 'a jun c'u chi 'a Silo. Caw jatquixtac x'aj spichul, 'ix ya'n q'ue pococ 'a sjolom, yic tzch'oxn 'el scusc'ojlal.