Josué 7:2 - Chuj San Sebastian Bible

² A yic 'ayc' Josué yet' eb' yit chon̈b' 'a Jericó, 'ix schecn 'at jaywn̈ eb' winc smaclc yil chon̈b' Hai, jun 'ay 'a stojlal 'aj tzq'uel c'u 'a chon̈b' Bet-el, 'a sla'nil pax chon̈b' Bet-avén. 'Ix yaln 'a ewinac, to tz'atq'ue ewin smaclc yil jun lugar cha. Yuj cha, 'ix 'at ewinac.

Chuj San Mateo Bible

² Ayic ayec' vin̈aj Josué yed' eb' israel d'a Jericó, ix schecanb'at jayvan̈ eb' vin̈ vinac vin̈ yic sb'at yilan eb' vin̈ chajtil yaj chon̈ab' Hai. Aton jun ay d'a yichan̈cot Betel d'a slac'anil Bet-avén. Ix b'at eb' vin̈ yila' tas yaj jun chon̈ab' chi'.

Josué 7:2 Iomraidhean Croise

Gn 12:8

Xlajwn̈ej cha, 'ix cotxi, axta 'ix japx 'a eb' lum jolmctac witz 'a snan̈l chon̈b' Bet-el yet' chon̈b' Hai. Ata x'aj cajan. A chon̈b' Bet-el cha, ata 'ay 'a stojlal 'aj tz'em c'u. Ata 'ix sb'o junx yet'l xajmb'al, 'a 'aj tzyal sb'a 'a Jehová.

Gn 28:19

A 'a jun lugar cha, ata 'ay jun chon̈b' xon 'a pecti', tzcuch Luz, palta ax Jacob xjeln can sb'i, xya'n sb'ic Bet-el.

A Ch'an̈ B'ab'el Libro Yic Yab'ixal Eb' Rey 12:29

'Ix ya'n can jun yechl quelm wacx chi 'a chon̈b' Betel, ax junx xya'cn 'a chon̈b' Dan.

Nehemías 11:31

Ax eb' yin̈tl Benjamín, 'ay eb' xcan cajn 'a Geba, 'a Micmas, 'a Aía, 'a Bet-el yet' 'a yaldeail eb', yet' pax 'a Anatot, 'a Nob, 'a Ananías, 'a Hazor, 'a Ramá, 'a Gitaim, 'a Hadid, 'a Seboím, 'a Nebalat, 'a Lod, 'a Ono, yet' 'a lum pan̈n yic Carisim. An̈jtona', 'ay pax eb' levita schaj smacl lum 'a yol yic Judá yet' 'a yol yic Benjamín.

Pr 20:18

A junc tas tznalb'ax yoch 'a yoclemal, wach' tz'aj 'el'chi, toto 'ay wach' nab'enal. Tztac' yajx ganar junc owal, toto wach' tz'aj yoch c'umjb'a 'a yib'an̈.

Pr 24:6

Toto tzex 'och 'a owal, c'anb'jec 'ec' junc nab'en. Toto niwn eb' 'oj 'a'nc e nab'en, 'oj eyac' ganar.

Is 10:28

Ax eb' 'a'm owl cha, 'ix jaw eb' 'a jun lugar tzcuch Rimón, xjaw eb' 'a Ajat, 'ix 'e'x eb' 'a Migrón, ax 'a Micmas, ata xyactjcan eb' spa.

Jeremías 49:3

'Ochn̈ec 'a cusc'ojlal ex 'aj chon̈b' Hesbón, yujto a chon̈b' Hai, tox 'ix lajw 'ejmi. Ex 'ix 'aj chon̈b' Rabá, 'ochn̈ec wal 'a cusc'ojlal. 'A'c 'och e pichl n̈achtac sat, 'o'n̈ec. 'Oyb'xan̈c 'ec' 'a yol e chon̈b' yuj e somc'ojlal. Ma'c lajwc e niwnal, yujto a jun e diosal tzcuch Milcom, 'oj 'ijxoc 'at 'icha presoal, yet' eb' ya'mal 'och e ti 'a 'a, yet' pax eb' 'anma to niwc yel'ch yopiso.

Os 4:15

Wach'xam x'och smul chon̈b' Israel, palta comnoc matz 'och smul chon̈b' Judá. May cab' eb' 'anma tz'at yac' 'ejm sb'a 'a Guilgal, mto 'a jolm witz Bet-avén, may cab' mach tz'a'n sti 'a in b'i an Jehová pitzn in tic.

Mt 10:16

'Ab'ec, 'oj ex in checb't 'icha jun tzo'n̈ calnelu tz'at 'a scal no 'oques, 'ixta 'oj eyaji. Yuj cha, caw lista tzeyutj e b'a 'icha junc chan caw jelan, palta caw manso tzeyutj pax e b'a 'icha junc no parama.

Ef 5:15

Yuj cha, caw tzeyac' cuenta e b'a yuj e b'eyb'al, man̈ 'ichaoc eb' may snab'en 'a sat Dios. 'Ay cab' e nab'en 'a sat.

Josué 12:9

A eb' lum chon̈b' 'emnc sreyl yuj eb' israel, atn eb' lum tic: Jericó, Hai, jun 'ayc' 'a sla'nil Bet-el, Jerusalén, Hebrón, Jarmut, Laquis, Eglón, Gezer, Debir, Geder, Horma, Arad, Libna, Adulam, Maceda, Bet-el, Tapua, Hefer, Afec, Sarón, Madón, Hazor, Simron-merón, Acsaf, Taanac, Meguido, Cedes, Jocneam 'a yol yic jolm witz Carmelo, Dor jun 'ay 'a yol yic Dor cha, Goím 'a yol yic Gilgal, yet' Tirsa. 'Ay 31 sb'isl eb' lum chon̈b' chi 'a smasnil, 'ixta pax sb'isl eb' rey chi chamnac.

Josué 18:12

Ax smon̈jonal jun slum eb' cha, a 'a norte tz'el yich 'a a Jordán, tz'at lu'um, axta tz'ec' lum 'a stojlal norte yic Jericó, tz'atx lu'um, tz'e'x lum 'a lum jolmctac witz 'a stojlal 'aj tz'em c'u, axta tz'el'ch lum 'a cusltac lum yic Bet-avén.

Josué 2:1

A yic 'ayt 'ec' Josué 'a lum Sitim, 'ix schecn 'at chawn̈ eb' 'ilwjum 'a c'ultaquil, xyaln 'a eb' 'ixtic: 'At macljec eyil lum lum cha, tzeyiln coti tas yilx chon̈b' Jericó, xchi 'a eb'. 'Ix 'at eb' 'ilwjum cha, axta xc'och eb' sc'an sposada 'a yatut jun 'ix 'ajmul 'ix Rahab sb'i 'a yol chon̈b' Jericó, ata xcan eb' ta'.

Josué 7:3

Ax yic xmeltzj ewinac, 'ix yaln eb' 'a Josué 'ixtic: Matz 'at cab' eb' 'anma tic yac' owl smasnil 'a chon̈b' Hai cha. Nab'an̈ej tz'at yixtc sb'a eb', yujto man̈ niwnoc eb' tan̈wjnac jun chon̈b' cha. Colb' cab' s'at chab'oc mil mto 'oxe'oc mil eb' soldado tic, xchi eb'.

A Ch'an̈ B'ab'el Libro Samuel 13:5

'Ix syamn pax sb'a eb' filisteo yic tzya'n eb' owl yet' eb'. 'Ay lajn̈schawinc mil scaruaje eb' yic owal, waque mil eb' winc 'ay q'ue 'a yib'n̈ chej, niwnto pax eb' tzb'ey 'a yoc. 'Icha wal yarenail sti a mar, 'ixta eb'. 'Ix cot eb' axta sb'o eb' scamplamento 'a Micmas 'a stojlal 'aj tzq'uel c'u 'a Bet-avén.

A Ch'an̈ B'ab'el Libro Samuel 14:23

masnto xc'och eb' ya'n owl 'a Bet-avén. 'Ixta 'ix yutj Jehová scoln 'el chon̈b' Israel 'a jun c'u cha.

A Ch'an̈ B'ab'el Libro Samuel 30:27

'Ix ya'n 'at jun tzo'n̈ siylab' chi 'a eb' cajn 'a Bet-el, 'a Ramot 'a yol yic Neguev, 'a Jatir,