Josué 7:12 - Chuj San Sebastian Bible

¹² Yuj cha, matz tac' ste'wtzan sb'a eb' 'a yojltac eb' 'ajc'ojl cha. To smoj wal satl eb', 'oj 'atx eb' 'elc yuj eb' 'ajc'ojl cha. Toto ma'oj e satl jun tzo'n̈ chi 'a e cal, atn jun tzo'n̈ xwal to yowlal tzsatx 'eli, 'oj wi'l in b'a 'a e cal, man̈x 'oj in colwj eyet'oc.

Chuj San Mateo Bible

¹² Yuj val chi' maxtzac yal-laj e tec'b'an e b'a d'a eb' eyajc'ol chi', tzex el d'a eb'. Yuj chi' a ticnaic smoj val tzex sateli. Tato man̈ ol e satel masanil tas ix vala' to tze sateli, val yel man̈xo ol in och eyed'oc.

Josué 7:12 Iomraidhean Croise

Salmos 44:10

Ach on̈ ac' 'at 'elc 'a eb' 'ajc'ojl yajch 'ayn̈ on̈. Ax eb' tzchichn 'och 'ayn̈ on̈, tzlaj yelc' eb' tas 'ay 'ayn̈ on̈.

Salmos 60:10

Ach qui Diosal on̈, 'in to on̈ a patquilj can 'eli; yuj cha, man̈xtoc ach colwj yet' eb' qui soldado on̈.

Pr 28:1

A mach tzb'on maysch'olnil, wach'xam may mach tzpechni, palta mun tz'at 'eloc; ax pax mach wach' snab'en, te'tec' yaj 'icha junc no león.

Is 59:2

¡Palta man̈ 'ichc ta'! A tas maysch'olnil tze b'o'o, a chi 'ayc' 'a e nan̈l yet' Dios. A jun tzo'n̈ e mul cha, a tz'ec' jen̈n 'a e nan̈l yet'oc, yuj cha, man̈xtzac snib'j yab' tas tzeyala.

Jeremías 23:33

'Ix yaln Jehová 'ayn 'ixtic: Ach Jeremías, toto 'ay junc 'anma 'a jun chon̈b' tic, mto junc tzyalch sb'a in checb'oc, mto junc ya'mal 'och sti eb' 'ayin, tzc'anb'n 'aych 'ixtic: ¿Tas wal tzyal schecnb'il Jehová? toto xchi eb'. Ach xo tzal 'ixtc 'a 'a: Ach tic, lajn ach 'icha junc 'ictz 'a Jehová, yuj cha, 'oj ach ya'cn 'ejmi, xa chi 'a 'a.

Jeremías 6:8

B'oc e b'eyb'al ex 'aj Jerusalén, sec wach' ma'oj wi'l in nab'en 'ayex, to ma'ay, 'oj wa'cn 'och e lum 'a cusltaquil. Man̈x 'a junc mach 'oj cajnoc, xchi Dios.

Os 9:12

Toto 'ayt 'aj 'oj cob' q'uib' eb' 'unn chi jun, palta an xo 'oj wi'cc sq'uinl eb' 'a eb'. Man̈x 'a xon junc 'oj wactc cani. 'Oltac wal jun tzo'n̈ eb' 'anma cha, yic 'oj wi'nc 'el in b'a 'a stz'ey eb'.

Habacuc 1:13

Ach tic, caw wal matz chaj a c'ojl tas tu', matz a nib'j el jun tzo'n̈ qui maysch'olnilal an̈ 'anman̈ tic on̈. ¿Tas pax yuj ton̈j tzach 'och q'ueln 'a eb' 'anma maysch'olnil tic jun? 'In a eb' 'anma wach' to wal 'a yib'n̈ eb', 'a eb' wan satx 'el yuj eb'.

Nm 14:39

A yic 'ix yaln Moisés 'a eb' israel cha, yuj tas xyutj Jehová yaln 'a 'a, yuj cha, 'ix cuschan̈ eb' 'anma chi smasnil.

Nm 14:42

Man̈ ex 'atoc, yujto a Jehová man̈ 'ayc 'och eyet'oc. A eb' 'ajc'ojl cha, 'oj ex yac' ganar eb'.

Nm 14:43

Macb'il e c'och yuj eb' amalecita yet' eb' cananeo 'a jun tzo'n̈ lugar cha, sec tzyac' eb' owl eyet'oc, ax ex smiln eb'. Yujto ax tic, xeyij 'el e nab'en 'a Jehová, yuj cha, ma'oj colwjoc eyet'oc, xchi.

Nm 14:45

A eb' amalecita yet' eb' cananeo cajn 'a jun tzo'n̈ lugar cha, 'ix 'elt eb' yac' owl yet' eb'. Ax 'ix 'aji, ma'ix techj yuj eb' israel cha, 'ix pechx eb', masnto xjapx can eb' 'a lum Horma.

Dt 7:26

Yuj cha, may wal junc tas yajb'il 'el 'oj stac' eyi'n 'at 'a eyatut, sec wach' ma'oj e satl pax jun xo. A jun tzo'n̈ cha, yowlal tzeyajcn 'el eb', tze satl smasnil, xchi Moisés.

Josué 6:18

Ax xo tic, tzeyil wal e b'a, man̈ e comn 'i'c junc tas 'ay 'a eb' 'anma tzsatl cha, yujto a jun tzo'n̈ cha, to tzsatl smasnil, man̈ e nib'c 'ochi. Toto 'ay tas 'oj eyic' 'a jun tzo'n̈ 'anma tzsatl cha, 'oj eyi' cot catb' 'a quib'n̈ec. Eyu'uj ax qui lajwec 'el qui masnil.

Jueces 16:20

'Ix 'el yaw 'ix 'ixtic: —Sansón, tic tzjaw eb' filisteo ach wul smil chamoc, xchi 'ix. Yajn̈j cha, 'ix 'el swayn̈ Sansón. A yalni to 'oj stac' to scoln sb'a, 'icha 'a junjn 'ejem. Palta man̈ yojcoc toto tox 'ix 'actx can yuj Jehová.

Jueces 2:14

Yuj wal cha, xcot yowl sc'ojl Jehová 'a eb'. 'Ix 'ajx 'och eb' 'a yol sc'ab' nan̈l eb' soldado xwul 'elc'noc tas 'ay 'a eb'. 'Ix 'ajx 'och pax eb' 'a yol sc'ab' eb' 'ajc'ojl 'ayc' 'a stz'ey, man̈x 'ic stac' scoln sb'a eb' 'a eb' 'ajc'ojl cha.

Jueces 2:4

A yic xlajw yaln jun yángel Jehová chi jun tzo'n̈ tic 'a eb', 'ix syamn 'och eb' yoq'ui, caw x'el yaw eb' yoc' si'mb'il.

A Ch'an̈ B'ab'el Libro Samuel 14:38

Yuj cha, xyaln Saúl: —Cotn̈ec 'a tic e masnil ex syajlil chon̈ab' yic tzqui saynec quila', mach x'och smul 'a qui calc ticnec.