Josué 7:1 - Chuj San Sebastian Bible

¹ Palta 'ay jun win tzcuch Acán, yin̈tl can Judá, yunnal win Carmi, yixchicn Zabdi, schab'l 'ichicn Zera. 'Ix yij 'at win jun tzo'n̈ tas to 'ay yowlal yijx 'ati, atn jun tzo'n̈ to tz'ajx lajwoc. Ax x'aji, 'ix locchj c'och smasnil eb' yin̈tl Israel yab'n syal yuj smul jun winc cha, yujto 'ix yij 'at jun tzo'n̈ tas to 'ay yowlal, yuj cha, caw wal 'ix cot yowl Jehová 'a yib'n̈ eb' chon̈ab'.

Chuj San Mateo Bible

¹ Ay jun vin̈ scuch Acán d'a yin̈tilal Judá, yuninal vin̈aj Carmi, yixchiquin vin̈aj Zabdi, yin̈tilal vin̈aj Zera, ix yic'b'at juntzan̈ tas vin̈ ay yovalil yic'jib'ati. Masanil eb' israel ix och locan yuj smul vin̈ chi', yuj chi' ix cot yoval sc'ol Jehová d'a yib'an̈ eb'.

Josué 7:1 Iomraidhean Croise

Gn 34:27

Xc'och pax jun tzo'n̈ xo ewin yunnal win Jacob cha, tojln̈ej yec' ewin 'a yib'n̈ ewin chamnc cha, x'at yi'nc 'elt ewin smasnil tastc 'ay 'a eb' 'anma cha, 'ixta xyutj ewin ya'n spac, yujto xyixtj win Siquem 'ix yanb' ewin cha.

A Ch'an̈ Schab'l Libro Samuel 24:1

'Ix cot yowl Jehová 'a chon̈b' Israel, 'ix ya'n 'och 'a snab'en David, to tz'ijx chan̈ sb'isl eb' israel yet' eb' 'aj Judá.

A Ch'an̈ Schab'il Libro Yic Yab'ixal Eb' Rey 5:24

A yic 'ix c'och eb' 'a lum tzaln 'aj 'ayc' Eliseo cha, 'ix schan Giezi tastc chi yet' eb' schecb' Naamán, 'ix sc'ub'n can 'el 'a yol n̈a. Xlajw cha, schecn meltzjoc eb'.

1 Cr 21:7

An̈jtona pax Dios caw ma'ix schaj sc'ojl jun tzo'n̈ cha. Yuj cha, 'ix ya'n cot yailal 'a yib'n̈ chon̈b' Israel.

2 Cr 24:18

'Ixta xyutj eb' yactn can yatut Jehová sDiosal yet' smam yicham. 'Ix ya'n 'och sb'a eb' 'emmquilal 'a jun tzo'n̈ sch'oxnb'il comn dios Aserá, yet' 'a jun tzo'n̈ yechl b'ob'il yuj 'anma'. Yuj cha, xcot yowl sc'ojl Dios 'a yib'n̈ Judá yet' a Jerusalén yuj smul eb' cha.

Esdras 9:6

Xwaln 'a 'ixtic: Ach in Diosal, caw wal tzin q'uixw wi'n chan̈ in sat 'ayach, man̈xtzac nachj wu'uj tas tzwutj waln in b'a 'ayach. Yujto x'ec' 'a yib'n̈ yoch qui mul on̈, 'ix q'ue'ch wal qui mul 'a satchan̈ on̈.

Job 35:8

A eb' quit 'anma'il, a eb' tz'ixtx 'el yuj a mul; a pax eb', wach' tz'el'ch yuj tas wach' tza b'o'o.

Ec 9:18

Yel xo niwn yel'ch jelnal, 'a yib'n̈ yamc'ab' yic owal, yujto yel xo niwn tas tzjuw 'el cujec toto man̈ wach'c tzcutjec qui nani yic tzqui b'on junc tas.

Dn 9:7

Ach tic Mamin, caw tojl a nab'en. An̈ xo an̈ israel on̈ tic on̈, caw q'uixweltac quec' tzcab' on̈. 'Icha wal eb' cotnc 'a Judá yet' 'a Jerusalén, yet' jun tzo'n̈ xo eb' quit israelal cajn 'a lac'an, yet' 'a caw najat, on̈ a sactzicj can 'ati, yujto 'ix 'och qui tenmtacl 'ayach.

Lv 10:6

Yajn̈j wal cha, xyaln Moisés 'a Aarón, yet' 'a Eleazar yet' pax 'a Itamar, atn eb' yunnal Aarón pitznto cha: —Man̈ eyi'l sc'oxl e jolom, man̈ e tzil-l pax e pichul yic tze ch'oxn 'el e cusc'ojlal, axta laj x'aji, tzex chami. Nab'a 'oj cot yowl Jehová 'a quib'n̈ qui masnil an̈ israel on̈ec tic. Palta a smasnil eb' quit chon̈b'ec tic, tztac' scus eb' yuj ewin x'ajx cham yuj Jehová yet' te c'ac' tic.

Jonás 1:7

'Ix yaln eb' ch'umn barco chi 'a junjn 'ixtic: —A ticnec, ca'c 'och b'ul, sec wach' 'oj nachjoc 'el cujec mach 'ay smul, yuj cha, tzjaw jun tic 'a quib'n̈ec, xchi eb'. Xlajw cha, 'ix ya'n 'och eb' jun b'ul cha. Ax x'aji 'ix can 'a yib'n̈ Jonás chajtlto yu'uj 'ixta tz'aj eb'.

Josué 22:16

—An̈ tic on̈, tzwul cal smasnil tas 'ix yal eb' schon̈b' Jehová eyu'uj: ¿Tas jun man̈ wach'c xe b'o 'a qui Diosalec? ¿Tas yuj xe patquilj 'el can Jehová, xe b'on jun yet'l xajmb'al yic tzex meltzj 'och 'ajc'ojlal 'a 'a?

Josué 22:18

¿Tom man̈ colb'ilc jun chi 'ayex, a ticnec, xe patquilj can 'el Jehová? Toto tzex meltzj 'och 'ajc'ojlal toto 'ixta', ax q'uic'an, 'oj cot yowl 'a quib'n̈ec qui masnil an̈ israel on̈ec tic.

Josué 22:20

Nac coti, tas sb'ojnac Acán win yunnal Zera, yic yi'n cot win tas 'ay yowlal yuj Jehová, atn jun tzo'n̈ to tzlajw 'ejm can 'a owal. Yuj jun smul cha, xcot yowl Jehová 'a quib'n̈ec qui masnil. A win Acán cha, man̈ cojnoc win xcham yuj smul cha, xchi eb'.