Josué 6:3 - Chuj San Sebastian Bible

³ E masnil ax soldado israel ex tic, 'a junjn c'u tzex oyy 'ec' junjn 'ejm 'a spatquil 'elt chon̈b' tic, waque c'u 'oj e b'o jun tic.

Chuj San Mateo Bible

³ E masanil ex soldado israel ex tic, junjun c'u ol ex ec' oyoyoc juneloc d'a spatictac jun chon̈ab' tic, vaque' c'ual ol e c'ulej icha chi'.

Josué 6:3 Iomraidhean Croise

2 Cr 4:3

Ax 'a yaln̈ sti jun pila cha, ata 'aych chatzol yechl wacax, lajn̈e x'och 'a junjn 45 centímetro, junn̈j 'ix 'aj sb'o yet' jun pila cha.

Nm 14:9

Palta comnoc matz eyij 'el e nab'en 'a Jehová, man̈ ex comn xiw yuj eb' 'anma chi 'ay 'a lum lum cha. 'Ichan̈ej wal qui wan junc pan, 'ixta 'oj 'aj eb' satl cujec, toc 'ay mach 'oj colnc 'el eb' 'ayn̈ec. An̈ec xo tic, a Jehová a 'aych quet'ec. Yuj cha, man̈ ex comn xiwoc, xchi eb'.

2 Co 4:7

'Ay ton jun caw wach' tic 'ayn̈ on̈, palta an̈ tic on̈, lajn on̈ 'icha junc lum chen on̈, yujto may jac quel'ch on̈. Yuj cha, tzcheclj 'eli, to a jun niwquil poder tic, man̈ quico'oc on̈, cojn Dios 'ay yico'.

Josué 6:11

'Ix yaln Josué to tz'ec' eb' yet' te caxa chi jun 'ejmoc 'a spatquil 'elt chon̈b' cha. Xlajw cha, 'ix meltzj pax eb' 'a 'aj 'ay scamplamento, ata x'ec' jun 'ac'wl yuj eb'.

Josué 6:14

Ax 'a schab'l c'ul cha, 'ix yoymtan pax eb' jun chon̈b' cha, xlajw cha, 'ix meltzj eb' 'a 'aj 'ay scamplamento. 'Ixtan̈ej xyutj eb' jun chon̈b' chi 'a waque c'ual.

Josué 6:2

Palta xyaln Jehová 'a Josué 'ixtic: A ticnec tzwac' chon̈b' Jericó 'a yol e c'ab' yet' sreyal yet' pax eb' soldado.

Josué 6:4

Tzb'ab'lj ucwn̈ eb' ya'mal 'och sti eb' 'anma yuj te scaxail trato, junjn eb', tzyij eb' scacha b'ob'il 'a no sch'ac calnelu; ax 'a yucl c'u cha, uc 'ejm tzex oyy 'ec' 'a spatquil 'elt jun chon̈b' tic, ax eb' ya'mal 'och sti eb' 'anma cha, 'oj yutz'c eb' scacha cha.

Josué 6:7

'Ix yaln pax 'a smasnil eb' 'anma chi 'ixtic: 'Ixquec, 'at oymtejc jun chonb' cha, ax ewin soldado, b'ab'lj cab' ewin yuj te scaxail strato Jehová, xchi.