Josué 6:24 - Chuj San Sebastian Bible

²⁴ Xlajw xoj cha, xya'n 'och eb' soldado sc'a'l jun chon̈b' cha, c'uxn stz'a smasnil tas 'ay 'a 'a, cojxn q'uen plata, q'uen oro, q'uen bronce yet' q'uen hierro xyij can 'elt eb'. 'Ix 'at smolnc can eb' 'a 'aj 'ay yet'l yuj eb' 'a scajnub' Jehová.

Chuj San Mateo Bible

²⁴ Ix lajvi chi' ix yac'anoch sc'ac'al jun chon̈ab' chi' eb', ix tz'ab'at masanil tastac. An̈ej tastac b'ob'il d'a q'uen plata, q'uen oro, q'uen bronce, ma q'uen hierro ix yic'b'at eb', ix sic'anb'at eb' b'aj sic'chaj tas tz'ac'chaj d'a Jehová.

Josué 6:24 Iomraidhean Croise

A Ch'an̈ Schab'l Libro Samuel 10:5

A yic xyab'n sb'a David to 'ixta x'aj eb', 'ix ya'n 'at schamal eb' 'a yol b'e, yujto caw q'uixweltac yilx eb'. 'Ix yaln win rey cha, to ata tzcan eb' 'a chon̈b' Jericó, at tzq'uib'x xil sti eb' cha, 'ixta to b'i'an tzjapx eb' 'a Jerusalén.

A Ch'an̈ Schab'il Libro Yic Yab'ixal Eb' Rey 25:9

'Ix ya'n n̈usxoc can yatut Dios yet' sdespacho win rey yet' smasnil yatut eb' 'aj Jerusalén, yet' pax smasnil yatut eb' niwc winac.

1 Cr 18:11

'Ix yac' rey David smasnil jun tzo'n̈ q'uen yamc'ab' chi 'a Jehová. Junn̈j 'ix yutj ya'n yet' q'uen plata yet' q'uen oro, atn q'uen xit' yijc' 'a jun tzo'n̈ eb' chon̈b' tic: atn 'a eb' edomita, 'a eb' moabita, 'a eb' amonita, 'a eb' filisteo yet' 'a eb' amalecita.

Nm 31:10

Sn̈usn can tz'a eb' schon̈b' eb' 'anma cha, yet' yaldeail.

Dt 13:16

Tze molb'tzej smasnil tas 'ay 'a eb', tzeyi'n 'at 'a plas 'a yol chon̈b' cha. Tzlajw cha, tzeya'n 'och sc'a'l jun chon̈b' chi yet' smasnil jun tzo'n̈ tzeyij 'ec' 'a eb' cha. 'Ixta wal tzeyutj eya'n tz'a 'a yojltac Jehová qui Diosalec. A jun chon̈b' cha, jun 'eln̈ej tzlajw can 'ejmi, man̈x 'a b'a'n̈ tzb'ox sjel.

Dt 13:17

Ax xo tic, man̈ eyi'cn jac eyic 'a jun tzo'n̈ tz'ajx lajwc cha, sec ma'oj cot yowl Jehová 'a eyib'n̈ yuj jun tzo'n̈ cha. Yujto caw 'ay schamc'ojlal 'ayex, yuj cha, 'oj yac' q'uib' e b'isl 'a yol e chon̈ab', 'icha wal yaj yaln can 'a eb' qui mam quichmec.

Dt 20:16

Palta a jun tzo'n̈ chon̈b' 'oj yac' Jehová qui Diosalec eyico'oc, c'uxn tze mil eb' 'anma chi smasnil, man̈x 'a junc tzeyactj cani.

Josué 6:19

Cojn q'uen oro, q'uen plata, q'uen bronce yet' q'uen hierro, cojn tzeyij 'at yico'oc Jehová, tze moln can 'aj 'ay yet'ul, xchi 'a eb'.

Josué 6:25

A Josué 'ix scolcn 'el 'ix Rahab yet' smasnil eb' yican yet' pax smasnil tas 'ay 'a 'ix, yujto a 'ix c'ub'jnac 'el eb' 'ilwjum schecjnac cot Josué 'a chon̈b' Jericó. Atxo 'a yic jun tiempoal cha, ata x'el yich scan eb' yin̈tl 'ix Rahab 'a scal eb' israel.

Josué 8:28

'Ix ya'n Josué n̈usxoc chon̈b' Hai. 'Ix lan̈chj 'ejm smasnil n̈a, jun b'uln̈ xoj x'ajcni, cojxn yet'l chi checl x'ajcni.

Apoc 17:16

Ax lajn̈e ch'ac 'ix ela, yet' jun noc' sb'i cha, 'oj meltzjc 'och eb' 'a jun 'ix 'ajmul 'ix cha. 'Oj yi'c eb' jantcn̈ej tas 'ay 'a 'ix. Caw 'oj 'elcn jitn 'ix. Ax schin pax eb' schib'jal 'ix, ax sn̈usn pax tz'a eb'.

Apoc 18:8

Yuj wal cha, junn̈j c'u, 'oj jawc smasnil yailal 'a yib'an̈. Caw 'oj cusoc. 'Oj 'och swejel. 'Oj n̈usxoc tz'a 'a scal c'ac', ax schami. 'Ixta 'oj 'aj 'ix, yujto caw niwn spoder Dios Cajlil, atn wal 'oj b'eyc'ojlanc 'ix, xchi jun 'aw cha.