Josué 6:15 - Chuj San Sebastian Bible

¹⁵ Ax 'a yucl c'ual, caw seb' q'ue wan eb', 'ix yoymtan eb' jun chon̈b' chi 'icha xon tzyutej, palta a 'a jun c'u cha, uc 'ejm 'ix yoymtej eb'.

Chuj San Mateo Bible

¹⁵ Axo d'a yuquil c'ual, te ac'valto ix q'ue vaan eb' vin̈, ix b'atxi eb' vin̈ junelxo. Uquel ix ec' oyoyoc eb' vin̈ d'a jun c'u chi'.

Josué 6:15 Iomraidhean Croise

Salmos 119:147

A yic mantzac sacb'i tzin q'ue wan in c'an a colwal wet'oc, yujto tzwa'ch a paxti yipc in c'ojol.

Mt 28:1

Xlajw yec' sc'ul 'iljelal, 'ix sacb' 'el 'a Domingo, sb'ab'l c'ul seman. 'Ix 'at María Magdalena yet' junx María 'a 'aj 'ix 'ajx can 'och sniwnal Jesús.

A Ch'an̈ Carta D'a Eb' Hebreo 11:30

A 'a jun 'el, yic yoyy 'ec' eb' israel 'a spatquil smuroal lum chon̈b' Jericó, caw ya'jnac 'och eb' Dios 'a sc'ojol. Yuj cha, a yic slajw uque c'u yoyy 'ec' eb' cha, c'uxn xtelw can 'ejm lan̈njoc smuroal sti jun chon̈b' cha.

Josué 3:1

Ax 'a junx c'u cha, 'ix seb' q'ue wan Josué, x'ochx 'a b'eyl yet' eb' yit chon̈ab'. 'Ix 'el paxt eb' 'a lum Sitim, 'ix jaw eb' 'a sti a Jordán. 'Ix 'och wan eb' ta 'oxe c'u.

Josué 6:14

Ax 'a schab'l c'ul cha, 'ix yoymtan pax eb' jun chon̈b' cha, xlajw cha, 'ix meltzj eb' 'a 'aj 'ay scamplamento. 'Ixtan̈ej xyutj eb' jun chon̈b' chi 'a waque c'ual.

Josué 6:16

A yic xyutz'n eb' no scacha chi 'a yuc 'ejmal, 'ix yaln Josué 'a eb' 'anma chi 'ixtic: Ca'c 'el caw, yujto a Jehová tox 'ix yac' jun chon̈b' tic 'a yol qui c'ab'ec.

A Schab'il Carta San Pedro 1:19

An̈jtona', 'aycto sjaw Cajlilec, stz'ib'n can eb' schecb' Dios yab'xil. An̈ja 'ayc' Ch'an̈ Un̈ chi ticnec. A tas tzyal Ch'an̈ Un̈ cha, caw yel. Caw wach' tzcutjec qui b'a, toto an̈ja ca'nec 'och qui nab'en 'a tas tz'ib'b'il can yuj eb' cha. Yujto a Ch'an̈ Un̈ cha, lajn 'icha junc cantil tzqui tzic 'a 'aj caw q'uic'q'uinal. Tzyac' yoc 'ayon̈, masnto yic wan sacb'i, yic tzq'uel jun niwquil chac c'anal. 'Icha jun c'anal cha, 'ixta 'oj 'aj Cristo yic 'oj jawc paxi, ax swach' 'a'n sacq'uinl 'a qui pixnec.