Josué 5:5 - Chuj San Sebastian Bible

⁵ A eb' cha, 'ac'b'ilx circuncidar eb' yic yelt eb' 'a Egipto; ax pax eb' xlaj 'alj 'a yoltc b'e 'a lum cusltac lu'um, man̈ 'ac'b'ilc circuncidar eb'.

Chuj San Mateo Bible

⁵ Yujto a eb' vin̈ elnaccot d'a Egipto chi', ac'b'il circuncidar eb' vin̈ smasanil, axo eb' vin̈ ix alji d'a tz'inan luum chi', manto ac'b'iloclaj circuncidar eb' vin̈.

Josué 5:5 Iomraidhean Croise

Mt 12:7

Octom xnachj 'el eyu'uj, tas yaljnac can Dios 'a Cha'n̈ U'un̈, yic yaln 'ixtic: Tzin nib'j to tz'o'ch e c'ojl 'a eb' eyit 'anma'il, man̈ocn̈ej jun tzo'n̈ xajmb'al tzin nib'ej, xchi. Comnoc xnachj 'el jun tic eyu'uj, to 'ixta', ma'ix eyala to x'och smul eb' 'anma may smul.

Ro 2:26

Ax eb' man̈ 'ayc 'och jun senya chi 'a sniwnal, toto caw tzyiclj eb' tas tzyal jun ley cha, ax 'a sat Dios, 'icha to 'ac'b'il circuncidar eb'.

1 Co 7:19

Toxn̈ej chab'il jun yechl circuncisión chi cujec, toxn̈ej ma'ay, mayn̈ej yel'chi. Palta 'ay junx caw niwn yel'chi, to tzqui b'eylb'ejec 'icha tznib'j Dios.

Gl 5:6

Toto junxn̈ej tzon̈ 'aj yet' Cristo Jesús, man̈x 'a yel'chi, toto 'ac'b'iln̈ec circuncidar, mto ma'ay. Cojxn wal jun tic 'ay yel'chi, to caw tzca'c 'och qui c'ojl si'mb'il 'a Cristo. Toto 'ixta', 'oj qui ch'oxc 'el qui chamc'ojlal.

Gl 6:15

Toto junxn̈ej tzon̈ 'ajc yet' Cristo Jesús, man̈x 'a yel'chi, wach'xam 'ac'b'iln̈ec circuncidar, mto ma'ay. Cojxn jun tic 'ay yel'chi, toto jelmjnac qui nab'enec.

Josué 5:4

'Ix yac' 'ajxoc circuncidar eb' winc cha, yujto a smasnil eb' winc stiempoal xo yoch soldadoil yic yelt eb' 'a Egipto, c'uxn xchamcn eb' 'a yol b'e 'a lum cusltac lu'um.

Josué 5:6

Yujto chawinc ab'il 'ix b'eyc' eb' 'a lum cusltac lu'um, ax smasnil ewin quelmtac stiempoal xo yoch soldadoil, a eb' cha, caw pit xyutj sb'a eb'. Yuj cha, xya'n can Jehová sti', to ma'oj yil eb' 'anma chi lum lum 'aj ya'jnac sti ya'n 'a smam yichm eb', atn lum til wal syaxil sat.