Josué 4:13 - Chuj San Sebastian Bible

¹³ 'Aym junc chawinc mil eb' winc chi xyac' lista sb'a yet' syamc'ab' yic owal. 'Ix b'ab'lj eb' yuj eb' 'anma chi 'a yojltac Jehová, axta x'och wan eb' smasnil 'a lum ya'lical chon̈b' Jericó.

Josué 4:13 Iomraidhean Croise

A Ch'an̈ Schab'il Libro Yic Yab'ixal Eb' Rey 25:5

Palta ax eb' soldado caldeo, 'ix 'at eb' 'a spatquil win rey cha, axta 'ix yamchj win yuj eb' 'a span̈nil Jericó. Sactzicnac s'atnc smasnil eb' soldado win Sedequías cha.

Ex 13:18

Yuj cha, 'ix 'ec' oyyoc eb' yuj Dios 'a lum cusltac lu'um, yet' 'a sti a Chac Mar. A yic 'ix 'elt eb' israel 'a yol yic Egipto, yet' eb' syamc'ab' yic owal, 'icha yic eb' soldado.

Jeremías 39:5

Palta ax eb' soldado Babilonia cha, 'ix 'ochn̈j tza'n eb' yuj eb', axta xyamchj Sedequías yuj eb' 'a ya'lical Jericó. 'Ix yi'n 'at eb' 'a win rey Nabucodonosor. Ata 'ayc' win 'a chon̈b' Ribla 'a yol yic Hamat. Ata 'ix yal winac tas tz'aj winac. Wal 'a sat Sedequías cha, 'ix ya'n win rey chi milxoc cham eb' yunnal Sedequías cha, yet' pax smasnil eb' niwc winc yaj 'a Judá.

Jeremías 52:8

Palta 'ix pechx win rey Sedequías yuj eb' soldado yic Babilonia cha. Ata 'ix yamchj win yuj eb' 'a ya'lical Jericó. 'Ix 'actx can win yuj smasnil eb' soldado, 'ix sactzic can 'at eb'.

Nm 32:17

An̈ xo an̈ tic on̈, tzca'x lista pax qui b'a on̈, tzon̈ b'ab'lj pax yuj eb' quit israelal tic, masnto tzc'ochcn eb' 'a sat slum cha. Ya' sb'a ax eb' 'ix quistl on̈ yet' eb' cunnal on̈, junc'ojlal yajcn eb' 'a jun tzo'n̈ chon̈b' tic, yujto wach' tz'ajcn 'och smuroal, sec may tz'aj eb' yuj eb' 'anma cajn 'a jun tzo'n̈ lugar tic.

Ef 6:11

Qui chac jun tzo'n̈ tas tzyac' Dios 'ayn̈ec. 'Icha jun tzo'n̈ syamc'ab' eb' soldado, 'ixta yopiso jun tzo'n̈ tic 'ayn̈ec, sec wach' 'oj stac' qui te'wtzanec qui b'a 'a win diablo, yic tzya'lni on̈ ya'nec prowal yet' sjelnal.

Dt 3:18

A 'a jun tiempoal cha, ata xwalcn jun tzo'n̈ checnb'il tic 'a eb' yin̈tl Rubén, 'a eb' yin̈tl Gad, yet' 'a spacl eb' yin̈tl Manasés. 'Ix waln 'a eb' 'ixtic: A Jehová qui Diosalec, a tz'a'n jun lugar tic eyico'oc. Jantcn̈ej ex to tztac' eya'n owal, 'ijec eyamc'ab' yic owl cha, tzlajw cha, tzex b'ab'lj yuj eb' quit israelal tic.

Josué 4:12

An̈jtona', 'ix 'e't pax eb' soldado yic Rubén, eb' yic Gad yet' spacl eb' yic Manasés. A eb' cha, yet'n̈j eb' syamc'ab' yic owal, xb'ab'lj eb' yuj jun tzo'n̈ xo eb' yit israelal, 'icha yaj yaln can Moisés 'a eb'.

Josué 4:14

A 'a yic jun c'u cha, 'ix yac' Jehová 'ijxoc chan̈ sjelnal Josué yuj eb' yit chon̈ab', to niwn yel'ch 'a sat eb', 'icha ya'jnac eb' yet' Moisés yic pitznto yet' eb'.

Josué 5:10

A yic 'ayc' eb' 'anma chi yet' scamplamento 'a lum Gilgal 'a lum span̈nil chon̈b' Jericó, ax 'a yemc'ul 'a yic chan̈lajn̈e yoch jun 'uj cha, 'ix snan eb' israel chi q'uin̈ yic yel eb' 'a libre.

Jueces 20:1

Yuj cha, 'ix syamn sb'a eb' israel 'a yojltac Jehová 'a Mizpa. 'Ix cot eb' 'a smasnil yol yic Israel, a chon̈b' Dan 'ay a stojlal norte masnto 'a Beerseb'a 'ay 'a stojlal sur yet' 'a Galaad 'a stojlal 'a 'aj tzq'uel c'u. Junxn̈ej xyutj sb'a eb'.