Josué 3:7 - Chuj San Sebastian Bible

⁷ Xlajw cha, xyaln Jehová 'ixtc 'a Josué: A ticnec, tz'el yich ach wi'n chan̈ yet' opiso 'a sat eb' et israelal tic, sec 'oj yil eb' to 'ayn 'och et'oc, 'icha 'ix wac' yet' Moisés.

Chuj San Mateo Bible

⁷ Ix lajvi chi', ix yalan Jehová d'a vin̈aj Josué chi': A ticnaic ol in chael yich ach vic'anchaan̈ yed' opisio, yic vach' syil eb' to ayinn̈ejoch ed'oc, icha ix in ochn̈ej yed' vin̈aj Moisés.

Josué 3:7 Iomraidhean Croise

1 Cr 29:25

'Ix 'ijx chan̈ sb'inab'ilal win yuj Jehová 'a sat smasnil eb' yit israelal, caw rico x'aj 'el'ch winac. Caw niwn x'aj 'el'ch 'a yopiso chi yu'uj, mant 'a xon junc sreyl chon̈b' Israel sb'inax 'icha rey Salomón tic.

2 Cr 1:1

A Salomón yunnal David, 'ix yij yip 'a sreyal, yujto a Jehová sDiosal a 'aych yet'oc, yel xo 'ix 'ijx chan̈ yopiso.

Job 7:17

¿Toc 'ay quel'ch an̈ 'anman̈ tic? ¿Tas cob' yuj tzach 'och 'il cuj on̈?

Salmos 18:35

Mamin ach tzin a molo, tzin a coln paxi. A wal a wach' c'ab', a tzin yamn 'och wa'an. Yuj a wach' nab'enal, wach' tzin 'el'chi.

Jn 17:1

Xlajw yaln Jesús jun tzo'n̈ cha, 'ix q'ue q'ueln 'a satcha'an̈. 'Ix yaln 'ixtic: —Mamin, tox xjaw stiempoal yic tza ch'oxn 'eli to niwn wel'ch an Onnaln tic. Ax in ch'oxn paxi, to caw niwn pax el'chi.

A Scarta San Pablo D'a Eb' Aj Filipos 1:20

Tzwa'ch yipc in c'ojol, to ma'oj wac' in q'uixwloc. Tzin nib'ej, caw te'n 'oj wutc waln 'eli, 'icha xon tzwutj in b'a. Toto 'ixta', wach'xam pitzn in, wach'xam tzin chami, wu'uj 'oj checljoc can 'eli, chajtlto caw niwn yel'ch Cristo.

Josué 1:17

'Icha wal xcutj qui yiclni tas xyal Moisés 'ayn̈ on̈, 'ixtnta 'oj qui yiclc pax tas tzal 'ayn̈ on̈. Cojn b'i'an, 'och cab' Jehová qui Diosalec et'oc, 'icha 'ix yac' yet' Moisés.

Josué 1:5

May xon wal junc mach 'oj techjoc ya'n owl et'oc yujto 'aynn̈ej 'ec' et' 'icha xwac' yet' win Moisés. May wal b'a'n̈ 'oj ach waccan a ch'ocoj.

Josué 1:9

An tzwala, te'wtzej a b'a, man̈ ach xiwoc, may cab' a chab'c'ojlal, yujto Jehová in, a Diosal in, 'aynn̈ej 'och et' 'aj tzach 'eq'ui, xchi Dios 'a Josué.

Josué 3:6

Xyaln 'ixtc 'a eb' ya'mal 'och sti eb' 'anma cha: 'Ijec te scaxail trato, tzex b'ab'lj yuj eb' 'anma tic yic tzex 'ec' 'a yojl a tic, xchi 'a eb'. Yuj cha 'ix sb'achn eb' te scaxail trato cha, 'ix b'ab'lj eb' yuj eb'.

Josué 3:8

Ax ticnec, ach 'oj al 'a eb' ya'mal 'och sti eb' 'anma 'et'jnac te scaxail trato, to a yic tzc'och eb' 'a sti a cha, tzaln 'a eb' to tz'och wan lin̈n eb' 'a spacl snan̈l a', xchi.

Josué 4:14

A 'a yic jun c'u cha, 'ix yac' Jehová 'ijxoc chan̈ sjelnal Josué yuj eb' yit chon̈ab', to niwn yel'ch 'a sat eb', 'icha ya'jnac eb' yet' Moisés yic pitznto yet' eb'.