Josué 3:4 - Chuj San Sebastian Bible

⁴ 'Ixta 'oj eyutc eyojcan 'el jun b'e 'aj 'oj eyec' cha, yujto mant 'a xon junc mach 'ojtnac jun b'e cha. Palta man̈ ex c'och 'a sla'nil jun caxa cha, najt tza'n e 'ati. Tzex can cab' junc kilómetro 'a spatquil, xchi eb' 'a eb' 'anma cha.

Chuj San Mateo Bible

⁴ Icha chi' ol aj eyojtacaneli, b'ajtil ol ex b'atoc, yujto mantalaj junoc ex eyojtac jun b'e chi', man̈ ex te c'och d'a slac'anil te', najat tzac'anto e b'at yuj te', icha am junoc kilómetro tzac'an ex d'a spatic te', xchi eb'.

Josué 3:4 Iomraidhean Croise

Gn 31:2

Xyiln pax 'och Jacob to a win Labán ow xoj tzyutj win sat 'a 'a, man̈x 'ichaoc 'a yic yalan̈.

1 Cr 11:2

A 'a yic yaln̈taxi, wach'xam 'aych Saúl reyal, palta ach on̈ a jucb'tzej an̈ israel on̈ tic, yic qui 'atc 'a owal. An̈jtona', 'ix yaln pax Jehová qui Diosalec 'ayach, to ach 'oj on̈ a jucb'tzoc, ax a'n pax reyl 'a quib'n̈ an̈ israel on̈ec tic, xchi eb' 'a 'a.

Salmos 25:12

A mach 'ay el'ch 'a sat, 'oj a ch'ox 'a jun b'e wach' 'aj 'oj b'eyoc.

Salmos 89:7

Dios ach ton Mamin, caw niwn el'chi, 'ay smay a b'inaxi, oyn 'och eb' ángel 'a a tz'ey.

Ex 19:12

Tza'n 'ejm junc yechl 'a yich jun witz tic, sec man̈xtzac stac' yec' eb' 'anma ta'. Tzaln pax 'a eb', to niwn cab' yel'ch jun witz tic 'a sat eb', matz tac' sq'uet eb' 'a sjolm lu'um, matz tac' pax yochl eb' 'a yich lu'um. Toto 'ay junc eb' tz'ochl 'a yich lu'um, tojln̈ej cab' schami.

Ex 3:5

'Ix yaln Dios 'ixtc 'a 'a: —Man̈ ach 'ochlc 'a tic, 'ij 'el a xan̈ab', yujto a jun lugar 'aj tzach jaw tic, an 'ay wico', an 'ayn 'ec' 'a tic.

Ex 4:10

Xlajw cha, 'ix yaln Moisés 'ixtc 'a Jehová: ¡'Ay, Mamin Jehová! comnoc wal man̈oc in tzin a checb'ti, yujto caw wal matz tac' in paxtini; man̈ octo yic tzaln 'ayn tic tzwaln 'ixta', palta toxn in c'ojlb'al to teb'il tztac' in paxtini, xchi.

Is 30:33

Pectix b'ob'il jun yet'l eb' 'aj Asiria chi yet' sreyl 'aj 'oj tz'a sniwnal eb', caw lewn sat, xab' pax yich, b'ut'n yet' c'atzitz. A Jehová a 'oj 'a'nc 'och sc'a'l yet' spaxti', 'oj n̈ilchjoc 'icha wal azufre.

Is 48:17

A Jehová qui Diosal an̈ israel on̈ tic, jun Dios To Cojxni, a tzaln 'ixtic: An Jehová e Diosal in, an tzin ch'ox 'ayex tas wal 'oj 'och e wach'loc, an tzin ch'ox pax e b'e 'aj smoj 'oj e 'ati.

Josué 3:3

'Ix laj yalnc eb' 'ixtc 'a eb' 'anma cha: A yic tzeyiln yi'n 'ec' eb' levita ya'mal 'och qui ti 'a Dios, te scaxail strato Jehová 'a yojl a Jordán tic, ax xo, tzex 'och tza'n e masnil yuj te'.

Josué 3:5

'Ix yaln Josué 'ixtc 'a eb': A ticnec sacb'tzejc e b'a, yujto q'uic'an 'oj sch'ox Jehová quilc tas satjub'tac yilx 'a qui calc tic, xchi 'a eb'.