Josué 3:3 - Chuj San Sebastian Bible

³ 'Ix laj yalnc eb' 'ixtc 'a eb' 'anma cha: A yic tzeyiln yi'n 'ec' eb' levita ya'mal 'och qui ti 'a Dios, te scaxail strato Jehová 'a yojl a Jordán tic, ax xo, tzex 'och tza'n e masnil yuj te'.

Chuj San Mateo Bible

³ ix yalan eb' d'a masanil eb' yetisraelal chi' icha tic: A val ol eyilan yec' te' scaxail strato Jehová co Diosal yuj eb' sacerdote, eb' yin̈tilalcan vin̈aj Leví, tzex och tzac'an yuj te'.

Josué 3:3 Iomraidhean Croise

A Ch'an̈ Schab'l Libro Samuel 6:13

A yic jab'nant scot eb' 'et'jnac te cha, 'ix ya'n David jun no quelm wacax yet' jun no mam calnelu caw b'a'ch xajmb'alil.

A Ch'an̈ Schab'l Libro Samuel 6:3

A 'a yatut win Abinadab, jun 'ayc' 'a tzalan, ata 'aycn scaxail strato Dios cha. Xya'n 'och eb' te 'a yol jun te careta caw wal 'a'to, xlajw cha, xyi'n cot eb'.

A Ch'an̈ B'ab'el Libro Yic Yab'ixal Eb' Rey 8:3

Ax yic xjaw smasnil eb' yichmtac wincal chon̈ab', yet' eb' ya'mal 'och sti eb' 'anma 'a Dios, xyi'n cot eb' te scaxail strato Jehová,

Jeremías 33:18

An̈jtona', may b'a'n̈ 'oj satl eb' ya'mal 'och sti eb' 'ayin, yet' jun tzo'n̈ xo eb' yin̈tl Leví, smasnil tiempo a eb' 'oj 'a'nc tz'a xajmb'al 'ayin. 'A junjn c'u ax ya'n tz'a eb' 'ixm trigo ofrendail 'ayin, ax ya'n eb' jun tzo'n̈ xo xajmb'al 'ayin, xchi Dios.

Nm 10:33

Xlajw cha, 'ix 'el paxt eb' 'a lum Sinaí, atn lum witz 'aj 'ix sch'ox sb'a Jehová, 'oxe c'u 'ix b'ey eb'. B'ab'l scot te scaxail strato Jehová yuj eb', yic sch'oxn junc lugar 'aj wach' yilj eb'.

Nm 4:15

A yic tzlajw e pichn smasnil jun tzo'n̈ tas caw niwn yel'ch tic, yic wach'x yaji, tztac' xo sjaw eb' yin̈tl Coat, yic tzyi'n 'at eb' smasnil. Palta a smasnil jun tzo'n̈ wic yaj tic, matz tac' syamn eb' yet' sc'ab', sec wach' matz cham eb' yu'uj. Smasnil jun tzo'n̈ syamc'ab'il Mantiado cha, a eb' yin̈tl Coat yowlal a eb' tz'i'n 'ati.

Mt 16:24

Xlajw cha, xyaln pax 'ixtc 'a eb' scuywum: —Toto 'ay mach tznib'j tz'och in cuywumoc, yowlal man̈x yico'oc sb'a sch'ocoj. Yab' cab' syail, toxn̈ej tz'ajx 'och 'a spenc culus. Toto 'ixta', 'och cab' in cuywumoc.

Mt 8:19

Palta a yic mantzac 'at eb', 'ay jun cuywjum 'a ley yic Moisés xc'och 'a 'a, xyaln win 'a 'ixtic: —Ach in Cuymal, tzann̈j 'aj 'oj a 'ati, 'oj in 'atn̈j et'oc, xchi win 'a 'a.

Dt 31:25

'ix yaln 'ixtc 'a eb' yin̈tl Leví, eb' 'ajcuenta yi'n b'ey scaxail strato Jehová:

Dt 31:9

'Ix stz'ib'n can Moisés smasnil jun tzo'n̈ ley tic, xya'n can 'a eb' ya'mal 'och sti eb' 'anma 'a Dios, atn eb' yin̈tl can Leví; eb' yi'mal b'ey scaxail strato Jehová. Xya'n pax 'a eb' yichmtac wincal chon̈ab'.

Josué 3:4

'Ixta 'oj eyutc eyojcan 'el jun b'e 'aj 'oj eyec' cha, yujto mant 'a xon junc mach 'ojtnac jun b'e cha. Palta man̈ ex c'och 'a sla'nil jun caxa cha, najt tza'n e 'ati. Tzex can cab' junc kilómetro 'a spatquil, xchi eb' 'a eb' 'anma cha.

Josué 3:6

Xyaln 'ixtc 'a eb' ya'mal 'och sti eb' 'anma cha: 'Ijec te scaxail trato, tzex b'ab'lj yuj eb' 'anma tic yic tzex 'ec' 'a yojl a tic, xchi 'a eb'. Yuj cha 'ix sb'achn eb' te scaxail trato cha, 'ix b'ab'lj eb' yuj eb'.

Josué 3:8

Ax ticnec, ach 'oj al 'a eb' ya'mal 'och sti eb' 'anma 'et'jnac te scaxail trato, to a yic tzc'och eb' 'a sti a cha, tzaln 'a eb' to tz'och wan lin̈n eb' 'a spacl snan̈l a', xchi.

Josué 4:10

Ax eb' 'et'jnac te caxa cha, 'ix 'ochcn wan lin̈n eb' 'a spacl a Jordán, ya sb'a ax eb' yit chon̈b' eb' cha, xlaj sb'o eb' tas xyal Jehová 'a Josué, caw ji'lti x'e't eb' 'a yojl a'.

Josué 6:6

Ax Josué, 'ix yawtj cot eb' ya'mal 'och sti eb' 'anma cha, xyaln 'a eb' 'ixtic; 'Ijec te scaxail strato Jehová, tzex b'ab'lj ucwn̈oc ex yet' e cacha 'a yojltac te caxa tic, xchi.

Apoc 14:4

A eb' cha, may xon jun 'ejmoc sayjnac eb' yix. May xon 'aj 'ochnc smul eb'. Tza'nn̈ej 'och eb' yuj jun tzcuch Calnelu 'a 'ajtc tz'eq'ui. 'Ix colchj 'el eb' 'a scal eb' 'anma'. Yuj cha, lajn eb' 'icha junc sb'ab'l sat 'awb'en tz'ajx 'a Dios, yet' 'a jun tzcuch Calnelu cha.