Josué 3:16 - Chuj San Sebastian Bible

¹⁶ Span̈tzan sb'a a 'a snajtil 'el sti chon̈b' Adam, masnto 'ix c'och a ste'n sb'a 'a 'aj 'aych smuroal chon̈b' Saretán. Ax a xcan 'a yaln̈ 'ejm cha, 'ix b'eyn̈j 'at a', masnto xlajw c'och 'a a Mar Muerto. 'Ix tacj can chan̈ sb'e a cha, ya sb'a x'ec' eb' israel 'a yojl a'.

Chuj San Mateo Bible

¹⁶ elan̈chameln̈ej ix och vaan a' yemuli. Najatto ix smolb'ejcan sb'a a' d'a stojolal chon̈ab' Adán masanto ix c'och a' d'a chon̈ab' Saretán. Axo pax a' ix can d'a yalan̈ chi' jun, ix b'atn̈ej a' masanto ix lajvib'at a' d'a yol a' mar Muerto. Ichaton chi' ix aj spojan sb'a a' Jordán chi. Ix ec' eb' israel d'a staquin̈al d'a yol a' chi', d'a yichan̈cot chon̈ab' Jericó.

Josué 3:16 Iomraidhean Croise

Gn 14:3

A own̈ eb' rey tic, 'ix smol alj eb', xya'n eb' syam sb'a eb' soldado 'a span̈nil lum Sidim, 'a 'aj 'ay a Mar Muerto.

A Ch'an̈ B'ab'el Libro Yic Yab'ixal Eb' Rey 4:12

Baana yunnal Ahilud, a 'ajcuenta yi'n cot jun tzo'n̈ chi 'a Taanac, 'a Meguido yet' 'a smasnil yol yic Bet-seán. A jun cha, junn̈j yaj yet' Saretán 'a yaln̈ 'emt Jezreel, tzchaj cot 'a Bet-seán, masnto tzc'och 'a Abel-meholá, yet' 'a junx scaxpil yic Jocmeam.

A Ch'an̈ B'ab'el Libro Yic Yab'ixal Eb' Rey 7:46

'Ix ya'n win rey Salomón tz'acxoc 'a smoldeal 'a scal arena, 'a lum chab'ic lum 'ay 'a span̈nil sti a Jordán, 'a snan̈l Sucot yet' Saretán.

Salmos 114:3

A yic xch'oxn sb'a Jehová 'a eb' israel, ax a mar 'ix 'at a 'elc yu'uj; 'ix 'och wan a Jordán sb'eyi.

Salmos 114:5

¿Tas yuj 'ix 'at a mar chi 'eloc? ¿Tas yuj 'ix 'och wan a Jordán sb'eyi?

Salmos 29:10

A Jehová syajlil a niwc mar. Yajl yaj 'a jun 'ejmn̈ej.

Salmos 33:7

A tz'a'n syam sb'a a a', yet' pax a mar to xab' yich.

Salmos 66:6

'Ix meltzj 'och a mar 'a tacn̈ lumal yu'uj, axta 'ix 'ec' eb' qui mam quichmec yet' yoc 'a yojl a'. Ca'c tzaljoc qui c'ojl yet' qui Diosal.

Salmos 74:15

Ach xac' q'ueloc a a 'aj tzlaj paq'ui, yet' eb' a tzb'eyi, xa'n pax tup 'ejm a niwc a may xon 'aj tztupi.

Salmos 77:19

'Ix a jac a b'e 'a yol a mar, til wal a a 'aj 'ix ach 'eq'ui, palta may junc mach x'iln 'aj x'em oc.

Salmos 78:13

'Ix poj snan̈l a mar yu'uj, schecn 'ec' eb' 'anma 'a yojol, syamn can 'och wan jun a chi 'icha junc muro.

Ex 14:21

'Ix ya'n cot Moisés sc'ab' yet' sc'occh 'a yib'n̈ a mar, ax Jehová 'ix 'a'n cot jun niwquil 'ic' caw ow. 'Ix cot jun 'ic' chi 'a stojlal 'aj tzq'uel c'u, jun 'ac'wl xyac' jun 'ic' cha. A x'a'n spoj sb'a a mar, 'ix ya'n checljoc lum tacn̈ lum 'a snan̈l a'.

Ex 14:22

Caw wal tacn̈ jun b'e 'aj 'ix 'e't eb' israel 'a yojl a mar, yujto chab' x'ajcn 'el a', 'icha wal muro 'ix 'aj yochcn wan a 'a sti jun b'e cha.

Ex 14:29

Ax smasnil eb' israel, caw wach' 'ix 'aj eb' yec' 'a jun b'e tacn̈ 'a yojl a mar cha, atn 'a snan̈l chab' a 'icha muro 'ix 'ajcn chan̈ 'a sti b'e cha.

Ex 15:8

'Ix otz'j 'at ec' 'a yib'n̈ a a', yajn̈j wal cha spojn sb'a a'. 'Icha muro 'ixta 'ix 'ajcn a 'a sti b'e, 'ix 'ochcn yip a'.

Is 50:2

¿Tas yuj a yic in jawi, may mach x'ilchj wu'uj? ¿Tas yuj a yic in 'awji, may mach xta'w 'ayin? ¿Tom matz tztechj ex in coln 'el tze na'a? ¿Tom matz tac' ex wa'n 'el 'a libre tze na'a? Cojn junc paxti'al tzwala tztup chan̈ a mar, cusltac tz'ajcn sb'e a niwn a 'aj tzb'eyi, tzlaj cham no chay yuj tacn̈ti'al, tzc'a pax no', yujto man̈x 'a a a cha.

Ez 47:8

'Ix yaln 'ayn 'ixtic: A jun a tic tz'atcn 'a stojlal 'aj tzq'uel c'u, 'oj c'och a 'a sch'olnal a Jordán, ax stupch a 'a sti a Mar Muerto, ax a mar cha, 'oj b'o a yuj a'.

Nahúm 1:4

A tzalni, yic tztup chan̈ a mar yet' eb' a niwc a tzb'eyi. A pax tzalni, yic tztacj chan̈ eb' lum lum yax sat, atn lum Basán, lum jolm witz Carmelo, yet' lum Líbano, atn lum 'aj 'ay te nichte' wan laj stacj 'ejm lojljoc.

Habacuc 3:8

Mamin Jehová, man̈oc 'a eb' a niwc a xcot owal. Man̈oc 'a a mar xc'ac'b' 'och yowl a c'ojol, yic ach 'at ac' owal, yuj a satn 'el eb' 'ajc'ojol, 'icha to ach q'ue 'a yib'n̈ a chej, yet' 'a yojl a caruaje yic owal.

Nm 34:3

A smon̈jonal 'a stojlal sur, ata tz'ec' 'a lum cusltac lum yic Zin, 'a sti smon̈jonal lum Edom. Tzchaj 'el yich 'a stojlal 'aj tzq'uel c'u, masnto tzc'och 'a stojlal sur yic 'a Mar Muerto.

Dt 1:1

A 'a jun libro tic tz'ib'b'il can jun tzo'n̈ paxti 'ix yal Moisés 'a eb' israel yic 'ayc' eb' 'a lum cusltac lum 'a sla'nil xo sti a Jordán 'a stojlal 'aj tzq'uel c'u 'a lum tzcuch Arabá. Ata 'ay lum 'a yojltac a Chac Mar, 'a snan̈l jun tzo'n̈ chon̈b' tic, atn Parán, Tofel, Labán, Hazerot yet' Dizahab.

Dt 3:17

Ax lum 'ay 'a stojlal 'aj tzq'uel c'u, 'ix wac' lum span̈nil sti a Jordán 'a eb'. Lum tzq'ue'ch 'a span̈nil lum tzaln Pisgá 'a stojlal 'aj tzq'uel c'u, atn jun chi mon̈jon yaj 'a a niwquil a Jordán. Tz'atn̈j sti a Jordán cha, tzc'och 'a jun a niwquil pama tzcuch Quinéret masnto tzc'och 'a a mar yic Arabá, atn pax a tzcuch Mar Muerto.

Josué 12:3

A pax tz'a'n yajlil 'a yib'n̈ lum span̈nil sti a Jordán 'a stojlal 'aj tzq'uel c'u, tz'el yich 'a a niwquil pama tzcuch Cineret, masnto 'a a Mar Muerto, 'a stojlal Bet-jesimot, 'a stojlal sur, masnto 'a yich witz Pisga.

Josué 15:2

A lum cha, tz'ec' smon̈jonal lum 'a stojlal sur yic a Mar Muerto,

Josué 16:7

tz'atx ta', axta tz'emch 'a Atarot yet' 'a Naarat, masnto tzyamchj Jericó yu'uj, axta tz'el'ch 'a a Jordán.

Josué 3:13

Ax eb' ya'mal 'och qui ti 'a Dios 'et'jnac te scaxail strato Jehová, atn jun Dios 'ay yic lum lum tic. Cojn wal yic 'oj ste'nc 'ejm eb' yoc 'a yojl a Jordán, ax spojn sb'a snan̈l a', a a tz'eml tic, 'oj 'och wan a sb'eyi, ax span̈b'tzan sb'a a', xchi 'a eb'.

Josué 4:22

Tzeyaln 'a eb', chajtlto tacjnac chan̈ a Jordán yic que'tec 'a yojl a'.

Josué 5:1

Ax smasnil eb' sreyl eb' amorreo cajn 'a junx sc'axpil 'ec' sti a Jordán, 'a stojlal 'aj tz'em c'u, yet' pax eb' sreyl eb' cananeo cajn 'a sla'nil sti a Mar Mediterráneo, 'ix yab' eb' yab'xil, to tacjnac chan̈ a Jordán yuj Jehová yic ye't chon̈b' Israel 'a yojl a'. Yuj cha, caw wal xiw chan̈ eb', may xon junc eb' ste'wtzej sb'a sjaw yac' owl yet' eb' israel.

Jueces 7:22

Ya' sb'a tzyutz'j eb' 'oxe ciente israel chi scacha, ax eb' soldado madianita cha, 'ix ya'n Jehová somchjoc eb'. Mun a eb' xlaj smil cham sb'a 'a scamplamento cha. 'Ay pax eb' xlaj 'at 'eloc, masnto xc'och eb' 'a Bet-sita 'a stojlal cot Serera, 'a sti smon̈jonal lum Abel-mehola 'a stz'ey Tabat.