Josué 3:1 - Chuj San Sebastian Bible

¹ Ax 'a junx c'u cha, 'ix seb' q'ue wan Josué, x'ochx 'a b'eyl yet' eb' yit chon̈ab'. 'Ix 'el paxt eb' 'a lum Sitim, 'ix jaw eb' 'a sti a Jordán. 'Ix 'och wan eb' ta 'oxe c'u.

Chuj San Mateo Bible

¹ Axo d'a junxo c'u te ac'valto, ix b'at vin̈aj Josué yed' eb' yetisraelal, ix el eb' d'a Sitim, ix c'och eb' d'a sti' a' Jordán, ix och vaan eb' d'a sti' a' chi', majto ec'laj eb'.

Josué 3:1 Iomraidhean Croise

Gn 21:14

A yic caw sq'uin̈b'il to 'a yic junx c'u, 'ix yac' win Abraham pan yet' jun tz'um b'ut'n yet' a 'a 'ix Agar. Xya'n scuch 'ix, xya'n pax 'och win 'unn chi 'a yol sc'ab' 'ix. 'Ix 'at 'ix, palta man̈ checloc 'aj tzc'ochi, a 'a cusltac lum 'a yol yic Beerseba, ata 'ix satcn 'at 'ix yet' win 'unn cha.

Gn 22:3

Yic wal caw sq'uin̈b'ilto, 'ix q'ue wan Abraham, 'ix ya'n 'och stz'um jun no sb'uru, stzu'n win sc'atzitz yic tz'a te yet' jun xajmb'al cha. 'Ix 'at 'a jun lugar 'aj 'ix yal Dios 'a 'a. Xyi'n 'at Isaac, yet' pax chawn̈ eb' schecab'.

Salmos 119:60

Caw yajn̈j cha, xin yiclni jun tzo'n̈ a checnb'il tic, may niwn tiempo xwij 'eq'ui.

Jeremías 25:3

Atxo 'a yic yoxlajn̈il ab'il yoch Josías yunnal Amón reyl 'a Judá tic, masnto ticnec, tzyal 'el'chi, 'ayx yoxlschawinc ab'il ticnec spaxtin Jehová 'ayin, yuj cha, caw niwn xo 'ejm 'ix wal 'ayex, palta ax xo tic, caw man̈ jac tze chaj eyab' 'ayin.

Jeremías 26:5

Ma'ix e chaj eyab' pax tas xwac' yal eb' in checab', caw niwn 'ejm yaljnac eb' 'ayex, atn jun tzo'n̈ an̈ja matz e chaj eyab' ticnec.

Jeremías 7:13

An Jehová in, an xwal 'ayx 'a b'ab'el, yet' 'a schalal yuj e b'eyb'al cha, palta ax tic, ma'ix e chaj eyab' tas xwala.

Miqueas 6:5

Ex in chon̈ab', nac cot tas snajnac win Balac sreyl Moab 'a yib'n̈ eb' e mam eyichm cha, yet' pax tas yutjnac spacn win Balaam yunnal Beor. Nac cot paxi, tas 'ajnc yec' eb' 'a snan̈l Sitim yet' Gilgal, tze nan coti tas wutjnac in coln eb' an Jehová in tic, xchi Dios.

Nm 25:1

A yic 'ix can cajn eb' israel 'a lum Sitim, til wal eb' winc israel 'ix muln yet' eb' 'ix moabita.

Mr 1:35

Ax 'a yic 'ayt sacb'i, q'ui't wal jab'xo 'ix q'ue wan Jesús, 'ix 'at 'a sti 'el chon̈ab', axta xleslwi.

Josué 2:1

A yic 'ayt 'ec' Josué 'a lum Sitim, 'ix schecn 'at chawn̈ eb' 'ilwjum 'a c'ultaquil, xyaln 'a eb' 'ixtic: 'At macljec eyil lum lum cha, tzeyiln coti tas yilx chon̈b' Jericó, xchi 'a eb'. 'Ix 'at eb' 'ilwjum cha, axta xc'och eb' sc'an sposada 'a yatut jun 'ix 'ajmul 'ix Rahab sb'i 'a yol chon̈b' Jericó, ata xcan eb' ta'.

Josué 6:12

Ax 'a yic junx c'u cha, 'ix seb' q'ue wan Josué, 'ix sb'achn pax eb' ya'mal 'och sti eb' 'anma chi te caxa cha.

Josué 6:15

Ax 'a yucl c'ual, caw seb' q'ue wan eb', 'ix yoymtan eb' jun chon̈b' chi 'icha xon tzyutej, palta a 'a jun c'u cha, uc 'ejm 'ix yoymtej eb'.

Josué 7:16

Ax 'a junx c'u cha, 'ix seb' q'ue wan Josué, 'ix yaln 'a eb' 'anma cha, to yamn tzcan junjn 'in̈tal eb' 'a stz'ey. Yajn̈ej 'ix sch'oxn 'och Jehová eb' yin̈tl Judá.

Josué 8:10

Ax 'a junx c'u cha, caw 'ix seb' q'ue wa'an, 'ix ya'n lista eb' soldado tz'at yet'oc. 'Ix b'ab'lj yuj eb', yet' eb' yichm wincal chon̈ab', 'ix c'och eb' yac' owl 'a chon̈b' Hai.

Jueces 20:19

Caw 'ix seb' q'ue wan eb' israel 'a sq'uin̈b'ial. 'Ix 'at sb'onc eb' scamplamento 'a sla'nil Gabaa.

A Ch'an̈ B'ab'el Libro Samuel 17:20

Ax 'a yic caw sq'uin̈b'ilto 'a junx c'u, 'ix ya'n can David 'ab'enal no calnelu chi 'a junx mach. Xlajw cha, 'ix 'ati, xyi'n 'at jun tzo'n̈ tas xya't Isaí chi 'a 'a. Ax yic xc'och 'a scamplamento eb' soldado cha, wan s'at eb' 'a owal, tzya'n 'el eb' yaw s'at 'a owl cha.