Josué 24:14 - Chuj San Sebastian Bible

¹⁴ —Ax ticnec jun, 'ay cab' e xiwc'ojlal 'a Jehová yuj smasnil jun tzo'n̈ tic. 'A'c servil yet' wal smasnil e c'ojol. 'Ijec 'el jun tzo'n̈ comn dios 'a e cal, atn jun tzo'n̈ ya'jnac servil eb' qui mam quichmec, jun tzo'n̈ 'ayc' 'a sc'axpil 'ec' a Eufrates, yet' 'a Egipto. Cojn cab' Jehová tzeyac' servil.

Chuj San Mateo Bible

¹⁴ —Yuj masanil juntzan̈ tic ayocab' yelc'och Jehová d'a yol e sat, tzeyac'anem e b'a d'ay d'a smasanil e c'ool. Iq'uequel comon dios d'a e cal, icha juntzan̈ b'aj yac'naquem sb'a eb' co mam quicham d'a yichan̈b'at a' Éufrates yed' d'a Egipto, an̈ejocab' d'a Jehová b'aj tzex och ejmelal.

Josué 24:14 Iomraidhean Croise

Gn 17:1

A Abram 99 ab'il sq'uinal, yic sch'oxn sb'a Jehová 'a 'a, xyaln 'a 'ixtic: —An ton Dios in, tztac' wuj smasnil, wach' tzotj a b'a 'a in sat.

Gn 35:2

Yuj cha, xyaln win Jacob 'ixtc 'a eb' yunnal yet' 'a eb' yisil, yet' 'a smasnil eb' 'ayc' yet'oc: —'Ijec 'el smasnil jun tzo'n̈ yechl comn dios 'ayc' 'a e cal tic, tzlajw cha, tzex 'achni, tze jeln e pichl e masnil.

A Ch'an̈ Schab'il Libro Yic Yab'ixal Eb' Rey 20:3

Tzin tew 'aych Mamin Jehová, to tza na coti chajtlto wach' 'ix wutj ach wa'n servil, xin b'on tas tzchaj a c'ojol, xchi 'a slesal. 'Ix 'oc' wal si'mb'il.

Esdras 9:11

atn tas 'ix 'ac' yal eb' a checab', eb' tzach 'a'n servil. Ach tic 'ix al 'ayn̈ on̈ to jun 'eln̈ej maysch'olnil sb'eyb'al jun tzo'n̈ 'anma cajn 'a sat lum lum tzac' quico'oc on̈, b'ut'jnac 'el smasnil snacion̈ eb' yuj stu b'eyb'al.

Job 1:1

A 'a yol smacb'en lum Uz, ata 'ay jun winc Job sb'i, caw wal wach' sb'eyb'al may tas tu tzb'o'o, caw 'ay yel'ch Dios 'a sat, matz ya't sb'a 'a scal maysch'olnil.

Job 28:28

'Ix yaln Dios 'ixtc 'a eb' 'anma': Toto niwn wel'ch 'a e sat, atn jelnal cha; toto tzeyij 'el e b'a 'a scal maysch'olnil, caw 'ay e nab'en tzyal cha, xchi Dios, xchi Job.

Salmos 111:10

Toto tzqui nib'jec to jeln tzon̈ 'ajec, yowlal tzqui yicljec tas syal Jehová. Smasnil eb' tzcuyn schecnb'il, jeln tz'aj 'el'ch eb'. Smasnil cab' tiempo tzalx wach' paxti 'a 'a.

Salmos 119:1

Mamin Jehová, a eb' tojl sb'eyb'al 'a a sat, wach' yic eb', yujto tzb'eylb'ej eb' a cuynb'il.

Salmos 119:80

Te'n cab' yaj in nab'en 'a jun tzo'n̈ a checnb'il tic, sec may b'a'n̈ tzwac' in q'uixwloc.

Salmos 130:4

Ocxo jun, caw wal 'ay a niwnc'ojlal 'ayn̈ on̈, yuj cha, smoj wal 'ay el'ch 'a qui sat on̈.

Salmos 81:10

An Jehová e Diosal in, an ex wij 'elt 'a Egipto. Jacc e ti', ax wa'n tas tze c'uxu, xchi 'a eb'.

Ez 20:18

Yuj cha, xwaln 'ixtc 'a eb' yunnal eb' chi ta', man̈ e b'eylb'oc sb'eyb'al eb' e mam eyicham, man̈ e cha eyab' tas tzyalcn eb' 'ayex, man̈ eyixtc 'el e b'a yuj jun tzo'n̈ comn dios.

Ez 23:3

A chawn̈ 'ix tic, caw cob's to eb', xya'n 'och sb'a eb' 'ajmulal 'a Egipto; ata xyac' eb' yamxoc yim, 'ix 'e'cn scob'sal eb' chi ta'.

Os 3:5

'Oj lajwc cha, ax 'a yic slajb' tiempoal, 'oj yalx sb'a eb' wit israelal 'a Jehová qui Diosal jun 'ejm xo, ax schan pax sc'ojl eb' yoch junc yin̈tl David sreyloc. 'Ixta 'oj yutc yi'n 'ejm sb'a eb' 'a Jehová, ax schan eb' swach'c'ojlal.

Lv 17:7

Man̈x 'a wal b'a'n̈ tzeyac' e xajmb'al 'a eb' demonio, atn jun tzo'n̈ 'aj eya'jnac 'ejm e b'a. Yujn̈ej ton jun tzo'n̈ cha, yoch e mul. A jun tic ley tz'ajcn 'a e cal 'a smasnil tiempo, yet' 'a eb' eyin̈tl b'aq'uin̈.

Miqueas 6:8

Xin pacn 'ixtc 'a eb': Ex wit chon̈ab', tox 'ix yal Jehová tas wach' 'a sat yet' tas tznib'j 'ayn̈ec, atn jun tzo'n̈ tic: Yowlal tojl tzcutjec qui b'a, 'ay cab' qui chamc'ojlalec 'a eb' quit 'anma'il. 'Emmquilal pax tzcutjec qui yiclni 'a qui Diosal.

Lc 8:15

Palta ax jun tzo'n̈ 'in̈t x'emcn 'a 'aj 'ay syaxil lu'um, tzyal 'el'chi, 'ay eb' 'anma caw wach' tzyutj yab'n spaxti Dios 'a smasnil sc'ojol. Caw tzya'ch eb' 'a sc'ojl si'mb'il. Te'n tzyutj eb' snab'en, yuj cha, lajn eb' 'icha 'ixm trigo may xon tz'aj sjuwi, wach' tz'aj sc'anb' sjolom.

A Tas Sc'ulejnac Eb' Schecab' Jesús Hechos 9:31

'Ixta to b'i'an, 'ix 'och wan jun owl chi 'a yib'n̈ eb' creyente smasnil 'a Judea, 'a Galilea, yet' 'a Samaria. Caw xlaj 'och ste'nal eb'. 'Ay xiwc'ojlal eb' 'a Cajlil. 'Ix 'och Yespíritu Dios yet' eb'. Yuj cha, 'ix niwtj chan̈ sb'isl eb'.

2 Co 1:12

Caw tzon̈ tzalj on̈, yujto cojc yet' qui pixn on̈, caw tojl tzcutj qui b'eyb'al 'a smasnil 'anma 'on̈, yet' pax 'ayex. May spaltail qui b'eyb'al on̈, yujto tzyac' Dios spoder 'ayn̈ yuj swach'c'ojlal on̈. Man̈ yujoc qui jelnal on̈, wach' qui b'eyb'al on̈.

Ef 6:24

Jantcn̈ej eb' tzchamc'ojlan Cajlil Jesucristo 'a smasnil tiempo, 'ay cab' swach'c'ojlal Dios 'a eb'. [Ya' cab'i'.]

Dt 10:12

Ax ticnec ex wit chon̈ab', ¿tas wal junc tznib'j Dios 'ayn̈ec? A tas tznib'j 'ayn̈ec, to 'ay cab' yel'ch 'a qui satec, tza'n on̈c 'ochn̈ej cab' yu'uj. Tzqui chamc'ojlejec, tzcalnec qui b'a 'a 'a, yet' wal smasnil qui c'ojlec yet' smasnil qui nab'enec,

Dt 18:13

Ax xo tic, yowlal caw wach' tzeyutj e nab'en 'a yojltac Jehová.

Dt 6:13

Cojn 'a Jehová Dios tzex xiwi, a tzeyac' servil. Cojn sb'i tze b'inej, yic tze ya'n junc e ti'.

A Scarta San Pablo D'a Eb' Aj Filipos 1:10

Toto 'ixta', 'oj e wach' 'ojcoc 'eli, 'aja jun tzo'n̈ tastc wach' 'a sat Dios. 'Ixta to b'i'an, ax swach' tojlb'i e nab'en. Ax yic 'oj jawc Cristo, may jac e paltail 'a sat.

Josué 24:2

'Ix yaln Josué chi 'ixtc 'a smasnil eb' chon̈b' cha: —A Jehová qui Diosalec an̈ israel on̈c tic, a aljnac can 'ixtic: A yic pecti', ata cajn win e mam eyichm 'a sc'axpil 'ec' a Eufrates, atn win Taré yet' chawn̈ yunnal, jun win tzcuch Abraham, ax junx winac, Nacor sb'i, ata tzyac' servil eb' jun tzo'n̈ comn dios.

Josué 24:23

Xyaln pax Josué 'ixtic: —A ticnec, 'ijec 'el jun tzo'n̈ comn dios 'a e cal, 'a'c servil Jehová yet' smasnil e c'ojol, atn qui Diosalec, xchi 'a eb'.

A Ch'an̈ B'ab'el Libro Samuel 12:14

Toto yiclum 'oj eyutc e b'a 'a Jehová, ax eya'n servil, toto 'oj e cha eyab' tas 'oj yala', man̈ pitc 'oj eyutc e b'a 'a spaxti'. Toto ax tic yet' pax jun e reyl tic, 'oj eyac' servil Jehová qui Diosalec, toto 'ixta', wach' 'oj e b'ey 'a eyojltac.

A Ch'an̈ B'ab'el Libro Samuel 12:24

Cojnto tzex xiw 'a Jehová, tzeya'n servil wal yet' smasnil e c'ojol, tze nan coti, jantc tas wach' 'ix sb'o cujec.

A Ch'an̈ B'ab'el Libro Samuel 7:3

Yuj cha, 'ix yaln Samuel 'ixtc 'a eb' yit israelal cha: Toto yet' smasnil e c'ojol tzex meltzj pax 'a Jehová, yowlal tzeyij 'el jun tzo'n̈ comn dios 'ayc' 'a e cal, yet' jun tzo'n̈ sch'oxnb'il comn dios Astarté. Tzeya'n wal 'och e b'a 'a yol sc'ab' Jehová, cojxn tzeyac' servil. Toto 'ixta', 'oj ex scol 'elt 'a yol sc'ab' eb' filisteo, xchi.