Josué 23:16 - Chuj San Sebastian Bible

¹⁶ Toto ma'oj eyiclc jun strato Jehová qui Diosalec, jun xya'cn 'ayn̈ec, ax 'a jun tzo'n̈ comn dios 'aj 'oj eyac' 'emmquilal, tzex 'em n̈ojn 'a yojltac eb'; toto 'ixta', caw 'oj cot yowl 'ayex, yajn̈ej ax ex satn 'el 'a sat jun lum caw wach' tic, xchi Josué.

Josué 23:16 Iomraidhean Croise

A Ch'an̈ B'ab'el Libro Yic Yab'ixal Eb' Rey 14:15

'Oj stzicb'tan̈c Jehová chon̈b Israel tic 'icha tz'aj stzicb'tan̈x eb' te 'aj yuj a a'. 'Oj quijxec 'el an̈ israel on̈c tic 'a sat lum lum caw wach' 'ix 'ajx 'a eb' qui mam quichmec. 'Oj quijxec 'at 'a sc'axpil 'at a Eufrates, yujto 'ix qui b'oc jun sch'oxnb'il jun comn dios tzcuch Asera. Caw 'ix qui tzuntzjec cot yowl sc'ojl Jehová 'a quib'n̈ec.

A Ch'an̈ B'ab'el Libro Yic Yab'ixal Eb' Rey 9:6

Palta toto ax tic yet' eb' eyunnal, 'oj eyi'l e b'a 'a in tz'ey, toto ma'oj eyiclc in checnb'il yet' in ley 'ix wa'cn 'ayex, ax 'a jun tzo'n̈ comn dios 'oj eyac' 'emmquilal, ax eya'n servil eb',

A Ch'an̈ B'ab'el Libro Yic Yab'ixal Eb' Rey 9:7

toto 'ixta', 'oj wi'l in chon̈b' Israel tic 'a sat lum lum wa'jnac can 'ayx tic. A jun n̈a 'ix in si'cn 'och wico'oc can tic, 'oj wi'cn 'el 'a wojltac, nachji ax ex sb'uchn smasnil eb' nacion̈.

A Ch'an̈ Schab'il Libro Yic Yab'ixal Eb' Rey 17:7

'Ixtnta 'ix 'aj eb' israel yujto 'ix 'och smul eb' 'a Jehová sDiosal, atn eb' yin̈tl eb' 'eln̈cta 'a Egipto, yic 'ix colx 'elt eb' 'a yol sc'ab' sreyl Egipto cha. Atn tic sb'ojnac eb': 'Ix ya'ch sb'a eb' 'emmquilal 'a jun tzo'n̈ comn dios,

A Ch'an̈ Schab'il Libro Yic Yab'ixal Eb' Rey 24:20

Yuj cha, 'ix cot yowl sc'ojl Jehová 'a Jerusalén yet' 'a Judá, masnto 'ix yij 'el eb' 'a yojltac. 'Ix meltzj 'och Sedequías 'ajc'ojlal 'a sreyl Babilonia.

Is 24:5

Caw wal xjuw 'el lum lum tic yuj eb' cajn 'a 'a, yujto matz yiclj eb' 'icha tzyal ley, matz yiclj eb' jun tzo'n̈ checnb'il, caw xyixtj 'el eb' jun trato b'ob'il 'a jun 'ejmn̈ej.

Jeremías 32:23

Palta a yic x'och eb' scaj jun lum tic, yic 'ix schan eb' smacl lu'um, caw man̈x 'ic schaj eb' yab' tas 'ix ala, man̈x 'ic syiclj eb' a checnb'il, ma'ix sb'o eb' tas 'ix ac' sb'o'. Yuj cha, 'ix a'n cot jun niwquil yailal tic 'a quib'n̈ on̈.

Jeremías 32:24

Ax ticnec, tox 'ix sb'o chan̈ eb' caldeo jun tzo'n̈ b'achte 'a spatquil 'el chon̈ab', yic tzya'n eb' owl yet' jun chon̈b' tic, yuj cha, 'ay wejel yet' yab'il. 'Oj 'ajxoc ganar jun chon̈b' tic yuj eb' 'a'm owl cha. Mamin, 'in wan yuj 'icha wal yaj alni.

Nm 33:56

Ax 'a eyib'an̈, ata 'oj jawc tas to nab'ilx wuj 'a yib'n̈ eb', xchi Dios.

Dt 17:3

toto tz'at yal sb'a 'a junc comn dios, mto tzyac' 'ejm sb'a 'a 'a, toto tzyal sb'a 'a c'u, 'a 'uj, 'a jun tzo'n̈ c'anal, atn jun tzo'n̈ waljnac, to may mach tzyac' 'ejm sb'a 'a 'a,

Dt 28:15

Palta toto ma'oj eyiclc smasnil schecnb'il yet' sley Jehová qui Diosalec, atn jun tzo'n̈ wan waln 'ayx tic, to 'ixta', 'oj jawc wal jun tzo'n̈ scatb' 'a eyib'an̈:

Dt 6:15

A Jehová qui Diosalec 'ayc' wal 'a qui calec, 'ay smay tzcot yowl 'ayex. Toto tzeyal e b'a 'a jun tzo'n̈ comn dios cha, ax ex satn 'el 'a jun 'ejmn̈ej 'a sat lum lum cha.

Jueces 2:14

Yuj wal cha, xcot yowl sc'ojl Jehová 'a eb'. 'Ix 'ajx 'och eb' 'a yol sc'ab' nan̈l eb' soldado xwul 'elc'noc tas 'ay 'a eb'. 'Ix 'ajx 'och pax eb' 'a yol sc'ab' eb' 'ajc'ojl 'ayc' 'a stz'ey, man̈x 'ic stac' scoln sb'a eb' 'a eb' 'ajc'ojl cha.

Jueces 2:20

Yuj cha, xcot yowl Jehová 'a eb', xyaln yuj eb' 'ixtic: A jun tzo'n̈ 'anma tic, caw matz yiclj eb' jun trato ya'jnac can smam yichm eb' wet'oc, matz tzyab' eb' tas tzwala.

A Ch'an̈ B'ab'el Libro Samuel 12:25

Palta toto 'oj eyamx 'och e b'on tas tu', toto 'ixta', ax tic yet' jun qui reyl tic 'oj e satx'eli, xchi 'a eb'.