Josué 22:4 - Chuj San Sebastian Bible

⁴ A ticnec, a Jehová xyac' 'el'choc sti ya'jnac cani, a eb' quit chon̈b'ec smasnil 'ayx sjunc'ojlal eb'. Yuj cha, a ticnec meltzjan̈ec, paxn̈ec 'a eyet'l 'a 'aj 'aycn e macl lum ya'jnac can Moisés 'ayx 'a stojlal 'aj tzq'uel c'u 'a sc'axpil 'ec' a Jordán.

Chuj San Mateo Bible

⁴ A ticnaic, toxo ix elc'och b'aj yac'nac sti' Jehová d'ayon̈, yujto a eb' quetchon̈ab' smasanil, junc'olalxo yaj eb'. Yuj chi' meltzajan̈ec d'a e luum yac'naccan vin̈aj Moisés d'ayex d'a sc'axepalec' a' Jordán.

Josué 22:4 Iomraidhean Croise

1 Cr 22:18

A Jehová qui Diosalec, a 'aych quet'ec, atn x'a'n junc'ojlal 'a smasnil qui macb'en, yujto a pax x'a'n 'och smasnil 'anma cajn 'a jun tzo'n̈ nacion̈ tic 'a yol in c'ab', yuj cha, 'ix 'ochcn eb' 'a yol sc'ab' Jehová, yet' 'a yol qui c'ab'c an̈ schon̈b' on̈c tic.

Ex 33:14

—An wal 'oj in 'at eyet'oc, ax e can 'a junc'ojlal 'a sat lum lum cha, xchi Dios 'a Moisés.

Nm 32:18

An̈ tic, matz on̈ meltzj 'a catut muc'uc, ya' sb'a to mantzac 'ochcn eb' quit chon̈b' 'a sat slum cha. Masnto tz'ochcn eb', 'ixta to b'i'an, tzon̈ meltzj 'a catut on̈.

Dt 12:9

Wal yel, mantzac ex c'och 'a jun lugar 'aj man̈x 'a tas 'oj e na', atn jun 'oj yac' Jehová eyico'oc.

Dt 29:8

Xqui'nec can 'ec' slum eb', xca'n lum yico'oc eb' yin̈tl Rubén, eb' yin̈tl Gad, yet' spacl eb' yin̈tl Manasés.

Dt 3:20

Colwjan̈c yet' eb' quit israelal tic, masnto 'oj yi'cn eb' slum tzyac' Jehová, atn lum 'ay 'a stojlal 'aj tz'em c'u 'a sc'axpil 'ec' a Jordán. At yic 'oj ya'nc Jehová junc'ojlal 'a eb', 'icha 'ix yutj ya'n 'ayx ax tic, 'ixta to b'i'an, tzex meltzj paxt 'a lum eyic 'ix wa'cn tic, xin chi 'a eb'.

A Ch'an̈ Carta D'a Eb' Hebreo 4:8

Q'uinloc x'och eb' quit israelal 'iljoc yuj Josué, to 'ixta', man̈x 'ic yal Dios yuj junx tiempoal tic.

Josué 1:15

masnto 'oj yac' Jehová jun slum eb' 'aj 'oj can cajn cha, 'icha 'ix yutj ya'n eyic ax tic. At yic tzyique'ej eb' lum lum chi yuj Jehová qui Diosalec, 'ixta to b'i'an, tzex meltzj paxt 'a lum eyic 'ay 'a stojlal 'aj tzq'uel c'u 'a a Jordán tic yic tzeyica'an can lum 'a jun 'ejmn̈ej, atn lum xya'cn Moisés 'ayex, win schecb' Jehová, xchi Josué.

Josué 12:6

Atn eb' rey chi 'emnc yuj Moisés win schecb' Jehová, yet' pax yuj eb' soldado israel. Ax Moisés cha, a 'ix 'a'n can jun tzo'n̈ lum tic 'a eb' yin̈tl Rubén, 'a eb' yin̈tl Gad yet' 'a spacl eb' yin̈tl Manasés.

Josué 13:15

Ya'jnac can Moisés slum eb' yin̈tl Rubén, a tzyal jayc'aj eb' 'a yin̈tl cha.

Josué 13:8

A eb' yin̈tl Rubén yet' eb' yin̈tl Gad, yet' spacl xo eb' yin̈tl Manasés, schajnacx can eb' smacl lum 'a Moisés, atn lum ya'jnac can 'a eb', lum 'ay 'a stojlal 'aj tzq'uel c'u 'a sc'axpil 'ec' a Jordán.

Josué 22:3

'A smasnil jun tzo'n̈ tiempo 'ix e'cni, masnto 'a yic jun c'ul tic, may xon jun 'ejmoc xeyactj can eb' eyit chon̈b' sch'ocoj, caw wach'n̈j xeyutj eyiclni schecnb'il Jehová qui Diosalec.