Josué 21:44 - Chuj San Sebastian Bible

⁴⁴ A Jehová, xyac' 'el'choc smasnil tas 'aj ya'jnac can sti', xya'n can junc'ojlal 'a sat smasnil lum lum cha. Man̈x 'ic stac' ste'wtzan sb'a eb' 'ajc'ojl 'a eb' israel, yujto a Jehová, a x'a'n eb' 'anma chi 'a yol sc'ab' eb'.

Chuj San Mateo Bible

⁴⁴ Ix eln̈ejc'och b'aj yac'nac sti' Jehová chi', ix can eb' ta' d'a junc'olal d'a masanil jun luum chi'. Majxo yal-laj stec'b'an sb'a eb' ajc'ol d'a yichan̈ eb', yujto a Jehová ix ac'anoch eb' d'a yol sc'ab' eb' israel.

Josué 21:44 Iomraidhean Croise

2 Cr 13:16

'Ixtnta 'ix 'aj eb' israel chi s'at 'elc 'a sat eb' yic Judá, yujto a Dios x'a'n 'och eb' 'a yol sc'ab' eb'.

Ex 23:31

Tox 'ix wac' 'ejm smon̈jonal 'ajtil 'oj 'ec' lum e lum cha: tz'el yich lum 'a a Chac Mar, masnto tzc'och lum 'a a Éufrates, tz'ec' pax lum 'a a Mar Mediterráneo 'a 'aj 'ayc' eb' filisteo, masnto tzc'och lum 'a cusltac lu'um. 'Oj wa'ch eb' cajn 'a jun lugar chi 'a yol e c'ab', ax xo 'oj e pechl eb' 'a sat lum lum cha.

Ex 33:14

—An wal 'oj in 'at eyet'oc, ax e can 'a junc'ojlal 'a sat lum lum cha, xchi Dios 'a Moisés.

Is 63:14

A Jehová a x'i'n b'ey eb' schon̈b' chi yet' Yespíritu, yic tzya'n 'iljoc eb', 'icha tzyac' no wacx tz'ijx 'ejm wac 'a junc lum niwn pan̈an. 'Ixta 'ix yutej sec tzb'inax sb'i 'a swach'il.

Dt 2:36

'Ix 'el yich qui satnec 'el eb' 'a lum chon̈b' Aroer, lum 'ay 'a span̈nil sti a Arnón, masnto on̈ jawc 'a Galaad. May xon junc eb' chon̈b' chi stac' scoln sb'a 'ayn̈ec; yujto a Jehová qui Diosalec, a 'ix 'a'n eb' 'a yol qui c'ab'ec.

Dt 21:10

A yic tzeya'n owl yet' eb' 'ajc'ojl yajch 'ayex, ax Jehová qui Diosalec, a tz'a'n eb' 'a yol e c'ab', yic tzeyi'n can eb' 'icha presoal.

A Ch'an̈ Carta D'a Eb' Hebreo 4:9

Yuj cha, 'ay wal jun 'iljelal tzyac' Dios 'ayn̈ec an̈ yic on̈c xo.

Josué 1:13

—Nac cot tas yaljnac can Moisés 'ayex, atn win schecb' Dios yic yaln can 'ixtic: A Jehová qui Diosalec, a x'a'n jun lum tic 'ayex, sec wach' ata 'oj e can cajan, xchi.

Josué 1:15

masnto 'oj yac' Jehová jun slum eb' 'aj 'oj can cajn cha, 'icha 'ix yutj ya'n eyic ax tic. At yic tzyique'ej eb' lum lum chi yuj Jehová qui Diosalec, 'ixta to b'i'an, tzex meltzj paxt 'a lum eyic 'ay 'a stojlal 'aj tzq'uel c'u 'a a Jordán tic yic tzeyica'an can lum 'a jun 'ejmn̈ej, atn lum xya'cn Moisés 'ayex, win schecb' Jehová, xchi Josué.

Josué 1:5

May xon wal junc mach 'oj techjoc ya'n owl et'oc yujto 'aynn̈ej 'ec' et' 'icha xwac' yet' win Moisés. May wal b'a'n̈ 'oj ach waccan a ch'ocoj.

Josué 11:12

'Ixta pax xyutj Josué smasnil jun tzo'n̈ xo chon̈b' junn̈j xyutj sb'a cob' yet' jun chon̈b' cha. C'uxn xmilx cham eb' rey 'a jun tzo'n̈ chon̈b' chi yet' q'uen espada, c'uxn satl smasnil tas 'ay 'a junjn chon̈b' cha, 'icha yaj yaln can Moisés, win schecb' Dios.

Josué 11:23

Yuj cha, 'ixta wal xyutj Josué yi'n can 'ec' smasnil lum lum cha, 'icha wal yaj yaln can Jehová 'a Moisés. Xlajw cha, spojn can 'ec' Josué chi lum 'a scal eb' yit israelal, yic tz'ochcn lum smacl lumoc eb'. A yic xlajw ye'cn jun tzo'n̈ cha, 'ixta to b'i'an, 'ix 'och wan owl 'a jun tzo'n̈ lugar cha.

Josué 11:8

Ax Jehová x'a'n 'och eb' 'a yol sc'ab' eb' israel, yuj cha, xlaj cham eb' yuj eb'. 'Ix 'och tza'n eb' israel chi yuj eb', masnto 'a niwquil chon̈b' Sidón, yet' 'a Misrefot-maim, 'a stojlal 'aj tzq'uel c'u, masnto 'a lum ya'lical Mizpa. Man̈x xon junc xcan ta', c'uxn xcham eb' 'anma chi smasnil.

Josué 2:24

'Ix yaln eb' 'ixtic: A Jehová a tz'a'n jun lugar chi 'ayn̈ec, ax eb' 'anma 'ayc' ta', 'ac'b'ilx eb' 'a yol qui c'ab'ec. Man̈x 'anmac yaj snab'en eb' smasnil yuj xiwlal, xchi eb'.

Josué 22:4

A ticnec, a Jehová xyac' 'el'choc sti ya'jnac cani, a eb' quit chon̈b'ec smasnil 'ayx sjunc'ojlal eb'. Yuj cha, a ticnec meltzjan̈ec, paxn̈ec 'a eyet'l 'a 'aj 'aycn e macl lum ya'jnac can Moisés 'ayx 'a stojlal 'aj tzq'uel c'u 'a sc'axpil 'ec' a Jordán.

Josué 22:9

'Ixtn tic xyutj eb' yin̈tl Rubén, eb' yin̈tl Gad, yet' pax spaclxo eb' yin̈tl Manasés, spojn can 'el sb'a eb' 'a scal eb' yit israelal 'a chon̈b' Silo 'a yol yic Canaán. 'Ix meltzj eb' 'a 'aj 'aycn smacl lum 'a yol yic Galaad, 'icha yaj yaln can Jehová 'a Moisés.

Josué 23:1

Niwn xo tiempo scan eb' israel 'a junc'ojlal yuj Jehová yet' eb' 'ajc'ojol, ax yic caw 'ichm winc xo Josué,