Josué 21:1 - Chuj San Sebastian Bible

^1-2 A eb' yajl yaj 'a eb' yin̈tl Leví, x'at eb' 'a chon̈b' Silo, 'a yol yic Canaán, yic tzpaxtin eb' yet' win ya'mal 'och sti eb' 'anma 'a Dios, atn Eleazar, yet' Josué yet' pax eb' yajl yaj 'a junjn 'in̈tal eb' israel cha. Ata xyal eb' 'a eb' 'ixtic: —A Jehová 'a'jnac yalcn Moisés, chajtlto tz'ajx qui chon̈b' 'aj wach' tzon̈ can cajn on̈, yet' pax lum swalab' qui cajb'en noc' on̈, xchi eb'.

Chuj San Mateo Bible

^1-2 A eb' yajal yaj d'a scal eb' yin̈tilal Leví, ix b'at eb' d'a Silo d'a yol yic Canaán, yic sb'at yalan eb' d'a vin̈aj sacerdote Eleazar, d'a vin̈aj Josué yed' d'a eb' yajal yaj d'a junjun yin̈tilal eb' israel chi'. Ix yalan eb' icha tic: A Jehová aljinaccan d'a vin̈aj Moisés to tz'ac'ji co chon̈ab' b'aj tzon̈ aji yed' b'aj syal sva noc' co molb'etzal noc', xchi eb'.

Josué 21:1 Iomraidhean Croise

Gn 49:7

Caw wal maysch'olnil eyico', may swach'l e nab'en, c'un scot eyowal. Yuj jun e nab'en may swach'l cha, yuj cha, ton̈j 'oj e sactzic can 'at 'a scal eb' eyit israelal.

Ex 6:14

Atn stzol-l eb' yajl yaj 'a junjn macn̈il eb' israel tic: Rubén, win sb'ab'l 'unnal Israel, eb' yunnal winac, atn eb' tic: Hanoc, Falú, Hezrón yet' Carmi; a eb' tic yajl yaj 'a scal eb' yin̈tl Rubén cha.

Ex 6:25

A Eleazar yunnal Aarón, 'ix yij sb'a yet' 'ix yisl win Futiel, atn snun Finees, a eb' tic yajl yaj 'a junjn macn̈ eb' yin̈tl Leví.

Nm 35:1

'Ix yaln pax Jehová 'ixtc 'a Moisés yic 'ayc' eb' 'a lum ya'lical Moab, 'a sla'nil sti a Jordán 'a yojltac Jericó:

Nm 35:8

A 'a smacl lum eb' yit israelal eb' cha, ata tz'elt jun tzo'n̈ chon̈b' chi tz'ajx 'a eb' levita cha. Yuj cha, junjn 'in̈tal eb', 'oj yac' 'elt eb' jayjnoc chon̈b'al. A eb' niwc slu'um, niwn chon̈b' chi 'oj yac' 'elt eb', ax eb' jab' wal slu'um, jayen̈ej chon̈b' chi tzyac' eb', xchi Dios.

Josué 14:1

A nan̈l slajn̈c'ajil eb' yin̈tl Israel mantzac schaj slu'um, 'ix schaj eb' slum chi 'a lum Canaán, lum xpojx can 'ec' yuj win Eleazar ya'mal 'och sti eb' 'anma 'a Dios, yet' Josué yunnal Nun, yet' eb' yajl yaj 'a junjn c'aj eb' yin̈tl Israel. Ton̈j xya'ch eb' suerte 'a yib'n̈ lu'um yic xpojx 'ec' can lum 'a eb', 'icha wal yaj yaln can Jehová 'a Moisés.

Josué 17:4

Atn eb' 'ix tic, xjaw 'a yojltac win ya'mal 'och sti eb' 'anma 'a Dios, atn win Eleazar yet' 'a Josué yunnal Nun, yet' 'a eb' syajlil chon̈b' cha. Xyaln eb' 'ix 'ixtc 'a eb': —A Jehová 'ix aln can 'a Moisés, chajtlto tz'ajx qui lum on̈, 'icha tz'aj yajx yic eb' quican on̈, xchi eb' 'ix. Yuj cha, xya'n Josué slum eb' 'ix, 'icha yic eb' yican smam eb' 'ix cha, yujto 'ixta yutjnac Jehová yalni.

Josué 19:51

Smasnil jun tzo'n̈ lum tic, 'ix pojx 'ec' 'a eb' israel yuj Eleazar, yuj Josué yet' yuj ewin syajlil eb' chon̈ab'. A yic spojn 'ec' eb' lu'um, ton̈j xya'ch ewin suerte 'a yib'n̈ lum 'a yojltac Jehová, 'a yamq'uil Mantiado 'aj tzqui chaj qui b'a yet' Dios 'a chon̈b' Silo. 'Ixta x'aj spojx can 'ec' lum lum cha. Caw tz'acn x'e'ch lum 'a eb'.