Josué 20:9 - Chuj San Sebastian Bible

⁹ Atn jun tzo'n̈ chon̈b' tic si'cn 'el eb', sec ata tzcol sb'a eb' israel mto eb' chuc chon̈b'al cajn 'a scal eb'. Toto 'ay mach tzmiln junc yit 'anma'il, to man̈ sc'anc sc'ojl tzmilwji, tztac' scoln sb'a 'a junc eb' chon̈b' cha. Palta yowlal tzb'eyc'ojlax yuj eb' chon̈b' cha. Toto man̈ sc'anc sc'ojl tzmilwji, matz tac' smilx yuj junc yican jun tzcham cha.

Chuj San Mateo Bible

⁹ Aton juntzan̈ chon̈ab' chi' ix sic'canel eb', yic vach' ata' sb'at scol sb'a junoc mach smac'ancham junoc anima to man̈ sc'anoc sc'ool. Taxon̈ej junoc eb' israel ma junoc eb' ch'oc chon̈ab'il ayec' d'a scal eb', syal b'at scolan sb'a ta' yic max mac'jicham yuj junoc ayto yuj sb'a yed' jun ix cham chi' ayic manto ch'olb'itaj yuj eb' yichamtac vinaquil chon̈ab'.

Josué 20:9 Iomraidhean Croise

Nm 35:13

A 'a scal smasnil chon̈b' cha, waque chon̈b' chi 'aj wach' scoln sb'a eb' 'anma cha:

Nm 35:15

A 'a waque chon̈b' cha, ata tzcol sb'a eb' 'anma tzmiln junc xo mach. Ata tzcol sb'a eb' et israelal, mto eb' chuc chon̈b'al cajn 'a e cal, yet' pax eb' ton̈j 'e'lb'a yec' 'a e cal, eb' to man̈ sc'anc sc'ojl tzmilwji.

Josué 20:4

A junc mach tz'at scol sb'a cha, yowlal tzc'och 'a smac jun chon̈b' cha, tzlajw cha, tzyaln 'a eb' yichm wincal chon̈b' cha, yuj tas tz'el-l 'a yib'an̈. Toto 'ixta', ax ewin tzchan 'och jun 'anma chi 'a yol schon̈b' cha; tzlajw cha, tz'ajx junc yet'l 'aj wach' scan cajan.

Josué 20:6

Palta a jun tz'at scol sb'a chi ta', yowlal tzb'eyc'ojlax 'a sat eb' chon̈b' chi smasnil. Toto may smul, tzcann̈j 'a jun chon̈b' cha, masnto tzcham win sat ya'mal 'och sti eb' 'anma 'a Dios, win 'aych yopiso 'a jun tiempoal cha. Tzlajw cha, tztac' smeltzj win 'a schon̈b' 'aj 'ix cot 'elc cha, xchi 'a Josué.

Josué 20:8

Ax 'a junx sc'axpil 'ec' a Jordán, 'a stojlal 'aj tzq'uel c'u 'a Jericó, ata si'l eb' 'oxe xo chon̈b' tic: Béser 'ay 'a lum span̈nil yic cusltac lu'um, 'a yol yic eb' yin̈tl Rubén. Ramot 'a yic Galaad, 'a yol smacb'en eb' yin̈tl Gad. Golán 'a yol yic Basán, 'a yol smacb'en eb' yin̈tl Manasés.