Josué 2:18 - Chuj San Sebastian Bible

¹⁸ A yic 'oj qui jaw 'a jun chon̈b' tic, ach xo tic, tza locl jun chac lasu tic 'a wentnu, ch'an̈ 'aj 'oj on̈ 'ac' 'em t'un̈n̈oc tic on̈. Tzlajw cha, tzawtn cot a mam 'a atut tic, a nun, ewin a nul'ej yet' eb' 'ix a nul'ej, yet' pax smasnil eb' ecan.

Chuj San Mateo Bible

¹⁸ palta ayic ol on̈ javoc cac' oval yed' a chon̈ab' tic, yovalil locanocab'em jun chacchac lasu d'a ventena b'aj ol on̈ aq'uem d'un̈un̈oc tic. Tza molb'ancot a mam a nun, eb' a nulej yed' eb' ayto uj a b'a yed'oc d'a yol a pat tic.

Josué 2:18 Iomraidhean Croise

Gn 12:2

A en̈til, a 'oj 'och niwc chon̈b'al wu'uj. 'Oj in ch'ox in wach'c'ojlal 'ayach. Yel xo wal 'oj a b'inaxi, o'oj ax schan eb' 'anma yaxilal.

Gn 7:1

Ax yic xc'och sc'ual, 'ix yaln Jehová 'a win Noé 'ixtic: 'Ij 'och 'ix estzil 'a yol te barco cha, tze'n 'och eb' onnal yet' pax eb' 'ix alib', yujto cojxn ach yiclum ach 'ayn 'a scal smasnil 'anma 'a jun tiempoal tic.

Ester 8:6

Yujto caw ma'oj techjoc wu'uj, yic 'oj wilnc tas 'oj jawc 'a yib'n̈ eb' wit chon̈ab', yet' 'a yib'n̈ eb' wican, yuj tas tzon̈ satn 'el qui masnil on̈, xchi 'ix.

Ex 12:13

A schic'l no noc' chi 'oj e succh 'a smac eyatut cha, a 'oj ch'oxnoc 'ajtil 'ay te n̈a chi 'aj cajn ex, sec a yic 'oj wec' in mil cham eb' b'ab'l 'unn 'a eb' 'aj Egipto tic, may junc ex 'oj e chami. A yic 'oj wilnc 'och chic' cha, c'ax'e'l 'oj weq'ui.

Cantares 4:3

Caw chac yilx yol a ti' 'icha te chac ch'al, caw nib'jub'tac pax yilxi. A spac'b'il a ti', lajn yilx 'icha yojl chat'axc sat te granado polb'il 'ati, checl a sat chi 'a yojl te nip cha.

Lv 14:4

Toto wach'xo, to 'ixta', tzyac' 'ijxoc cot chawn̈oc e no ch'ic pitzan, atn e no caw wach', tzcot pax te c'ute', te chac nip, yet' pax te hisopo.

Nm 19:6

Ya' sb'a tz'a no', tzyi'n cot Eleazar chi te c'ute', junc sc'ab' te hisopo yet' te chac ch'al, tzya'n 'och 'a scal c'ac' 'aj wan stz'a no wacx cha.

Nm 4:8

Ax 'a yib'n̈ jun tzo'n̈ cha, ata tzeyac' q'ue junc chac nip, tze macn pax yib'n̈ chi yet' junc no tz'um caw wal wach', tzeya'n 'och sb'achnub'al, sec wach' yijx b'eyoc.

Lc 19:9

Yuj cha, xyaln Jesús 'ixtic: —A ticnec, 'ix schaj eb' 'ajn̈a tic colnb'il, yujto a Zaqueo tic yel yin̈tl can Abraham.

A Tas Sc'ulejnac Eb' Schecab' Jesús Hechos 10:27

Wan spaxtin eb', x'och eb' 'a yol n̈a cha. 'Ix yiln Pedro chajtlto niwn eb' syam sb'a ta'.

A Tas Sc'ulejnac Eb' Schecab' Jesús Hechos 10:33

Xlajwn̈ej cha, xin checn 'at eb' in checb' ach sayq'ui. Yuj wal dios 'ayach, caw xa yiclj a jawi. A ticnec, 'ayn̈ec 'ec' qui masnil 'a sat Dios. Yuj cha, tzqui nib'j tzcab' on̈, jantcn̈ej tas alb'il yuj Cajlilec 'ayach, al 'ayn̈ on̈, xchi 'a 'a.

A Tas Sc'ulejnac Eb' Schecab' Jesús Hechos 11:14

A 'oj wul alnc 'ayach', chajtl 'oj aj a colchji, yet' jantcn̈ej eb' jun aj et' 'a yol atut, xchi ab' jun ángel chi 'a winac.

2 Ti 1:16

Palta caw tzin nib'j tz'o'ch sc'ojl Cajlil 'a eb' 'ay 'a yol yatut Onesíforo, yujto niwn 'ejm xwul yac' sniwnal in c'ojol. Wach'xam preso waji, palta ma'ix q'uixw sjaw 'ayin.

A Ch'an̈ Carta D'a Eb' Hebreo 9:19

Yujto a Moisés 'awtjnac 'elt smasnil jun tzo'n̈ checnb'il yic jun ley chi 'a eb' qui mam quichmec. Xlajw cha, syamn chan̈ jun chac lana, yet' jun sc'ab' te hisopo. Ax 'a scal schic'l no quelm wacax, no quelm chiwo, caln yaj yet' a', slab'jnac 'ejmi, stzicn 'at 'a yib'n̈ ch'an̈ ley, yet' 'a yib'n̈ eb' 'anma'.

Josué 2:21

—'Ixta cab' tz'aj 'icha tzeyutj eyaln tic, xchi 'ix 'a ewinac. Xlajw xoj cha, xyaln can sb'a ewin 'a 'ix, 'ix 'at ewinac, spixn can 'och 'ix ch'an̈ chac lasu chi 'a swentnual yatut cha.

Josué 6:23

Yuj cha, x'at ewin yic' 'elt 'ix Rahab 'a yol yatut cha, smam 'ix, snun 'ix, eb' snul'ej yet' smasnil eb' yican. 'Ix yi'n can 'el ewin eb' 'a sti 'el scamplamento cha.

Josué 6:25

A Josué 'ix scolcn 'el 'ix Rahab yet' smasnil eb' yican yet' pax smasnil tas 'ay 'a 'ix, yujto a 'ix c'ub'jnac 'el eb' 'ilwjum schecjnac cot Josué 'a chon̈b' Jericó. Atxo 'a yic jun tiempoal cha, ata x'el yich scan eb' yin̈tl 'ix Rahab 'a scal eb' israel.