Josué 2:14 - Chuj San Sebastian Bible

¹⁴ 'Ix ta'w ewin 'a 'ix 'ixtic: —Toto may 'aj tzal-l jun tic, tzcac' qui ti o'oj, to a yic 'oj ya'noc Jehová quico'oc jun lum tic on̈, 'oj ach qui na coti, ax ach qui coln can 'el on̈, xchi ewinac.

Chuj San Mateo Bible

¹⁴ Ix tac'vi eb' vin̈ chavan̈ chi' icha tic: —Scac' co ti' to ol ex co nacoti, an̈ej tato malaj b'aj tzal jun tic. Ayic ol yac'anoch jun lum tic Jehová d'a yol co c'ab', ol ach co colcaneli, xchi eb' vin̈ d'a ix.

Josué 2:14 Iomraidhean Croise

Gn 24:49

A ticnec b'i'an, paxtinan̈ec, ¿tom wach' 'oj eyutc e nab'en 'a in patron̈ cha, mto ma'ay? Alc pax 'ayin, sec wach' 'oj in na tas 'oj wutoc, xchi win checb' cha.

Gn 47:29

A yic jab'xoj scham win Israel chi tzyab'i, xya'n 'awtxoc cot José, atn win yunnal, xyaln 'a 'ixtic: —Toto 'ay wal a chamc'ojlal 'ayin, tzin tew 'ayach, to tza'ch a c'ab' 'a yaln̈ in xub' tic, yic tza ta'wni a tic 'ayin, to matz in a muc 'a Egipto tic.

A Ch'an̈ Schab'l Libro Samuel 2:5

yuj cha, 'ix schecn 'at David chi jun tzo'n̈ eb' schecb' 'at yal 'a eb' 'ixtic: Ya' cab' Jehová syaxilal 'a eyib'an̈, yujto caw 'ix 'o'ch e c'ojl 'a Saúl, atn jun eyajlil, wach' eyutjnac e mucni.

A Ch'an̈ Schab'l Libro Samuel 2:6

A ticnec jun, ya'cab' Jehová swach'c'ojlal yet' schamc'ojlal 'a eyib'an̈. An̈jtona pax an tic, wach' 'oj wutc in b'a 'ayex, yuj jun tas xe b'o cha.

A Ch'an̈ Schab'l Libro Samuel 9:1

'Ix yaln David 'ixtic: ¿'Ayt am junc yin̈tl Saúl xcani, 'a 'aj wach' tzin colwj yuj in chamc'ojlal 'a Jonatán? xchi.

A Ch'an̈ B'ab'el Libro Yic Yab'ixal Eb' Rey 20:39

Ax yic x'ec' win rey cha, caw 'ip 'ix 'awj 'a winac, xyaln 'ixtic: —An a checb' in tic, in c'och 'a scal owal, at wal cha, 'ix jaw jun win soldado 'ayn yet' jun win winac, xyaln win soldado chi 'ixtc 'ayin: Tza tan̈wj jun winc tic, toto tz'at win 'elc 'ayach, ach xo 'oj a tup lajwc smul winac, mto tzac' 'oxe'oc mil q'uen tumn plata yuj winac, xchi win soldado chi 'ayin.

Pr 14:22

A eb' cojn maysch'olnil tznib'j sb'o', satnc xo eb' 'a sb'e; ax eb' to a wach' tznib'j sb'o', caw tzchaml sc'ojl eb' 'anma yet' eb', tz'o'ch pax sc'ojl eb' 'a eb'.

Pr 18:24

'Ay eb' caw niwn eb' swach'c'ojl yalni, ax yic tzjaw yailal 'a yib'n̈ eb', toc 'ay mach tzcoln eb'; palta 'ay pax eb' 'ay swach'c'ojol, yel xo wach' eb' 'a yib'n̈ eb' to yu'tac sb'a yet' eb'.

Mt 5:7

A eb' tz'o'ch sc'ojl 'a eb' yit 'anma'il, caw wach' yic eb', yujto 'oj 'o'ch pax sc'ojl Dios 'a eb'.

A Tas Sc'ulejnac Eb' Schecab' Jesús Hechos 23:22

Xlajw cha, 'ix checn pax win comandante chi jun quelm cha, 'ix yaln win 'a 'ixtic: —May junc mach 'aj tzala, toto xwul al jun tic 'ayin, xchi winac.

Josué 2:13

Tze coln can 'el in mam in nun, ewin in nul'ej, eb' 'ix in nul'ej yet' smasnil tas 'ay 'a eb'. Tzon̈ e colcn 'el qui masnil 'a yol sc'ab' chaml on̈, xchi 'ix 'a ewinac.

Josué 2:15

A 'ix Rahab cha, a 'a yib'n̈ smuroal jun chon̈b' cha, ata b'ob'il q'ue jun n̈a 'aj cajn 'ix; yuj cha, ax 'a swentnual jun n̈a cha, ata xya'l 'ix ewinac. 'Ix 'emt t'un̈n̈oc ewin 'a spatc 'el jun chon̈b' chi yuj 'ix 'a jun lasu.

Josué 6:17

Tox 'ix yala to tzsatl jun chon̈b' tic yet' smasnil 'anma cajn 'a 'a. Cojxn 'ix Rahab, 'ix 'ajmul 'ix, cojxn 'ix 'oj colchjoc can 'el yet' eb' xc'och scol sb'a 'a yatut 'ix, yujto a 'ix xc'ub'n 'el eb' 'ilwjum qui checjnaquec coti.

Josué 6:22

Ax Josué cha, yaljnacx 'a eb' chawn̈ xit'nc 'ilj lum cha, to tz'at yic' 'elt eb' 'ix 'ajmul 'ix 'a yol yatut, tzyi'n 'elt eb' smasnil eb' 'ayc' scol sb'a 'a yol yatut 'ix cha, 'icha yaj ya'n can eb' sti 'a 'ix.

Josué 6:25

A Josué 'ix scolcn 'el 'ix Rahab yet' smasnil eb' yican yet' pax smasnil tas 'ay 'a 'ix, yujto a 'ix c'ub'jnac 'el eb' 'ilwjum schecjnac cot Josué 'a chon̈b' Jericó. Atxo 'a yic jun tiempoal cha, ata x'el yich scan eb' yin̈tl 'ix Rahab 'a scal eb' israel.

A Ch'an̈ B'ab'el Libro Samuel 20:8

Yuj cha, 'o'ch cab' wal a c'ojl 'ayn an a checb' in tic, ya' sb'a tox 'ix cac' qui ti qui chawn̈il 'a yojltac Jehová. Palta toto 'ay in mul jun, tztac' ach tzin a mil cham xon ticnec, man̈x yowlalc tzin ej 'at 'a yojltac a mam cha, xchi David.