Josué 2:12 - Chuj San Sebastian Bible

¹² Yuj cha, tzin tew 'och 'ayex, to tzeya'cn e ti 'ayn 'a sat Jehová, sec 'icha wal xwutj ex in colni, 'ixta pax tzeyutj e coln can 'el smasnil eb' wican. A ticnec b'i'an, toto tzeyac' 'el'choc tas wan waln tic, 'a'c junc senya 'ayin, sec wojtac to 'oj eyac' 'el'choc e ti cha.

Chuj San Mateo Bible

¹² Yuj chi' tzin tevi d'ayex to tze loc sb'i Jehová e Diosal yic tzeyac'ancan e ti' d'ayin to tze nacot masanil eb' ayto vuj in b'a yed'oc, icha val tzex vutej tic. Yuj chi' aq'uec junoc seña, tato yel tzeyala'

Josué 2:12 Iomraidhean Croise

Gn 21:23

Yuj cha, 'ac' a ti 'ayn 'a sat Dios, sec wach' matz in extj yet' eb' wunnal, yet' eb' win̈tl 'a jun lugar tic. Tza'n pax a ti 'ayin, to wach' 'oj otc a nab'en 'ayin, 'icha ach wutej, 'ixta 'oj otc pax a nab'en 'a smasnil eb' 'anma 'a jun chon̈b' 'a 'aj cajn ach 'ec' tic, xchi winac.

Gn 24:3

tza'n a ti 'a sat Jehová sDiosal satcha'an̈ yet' sat lum tic, to ma'oj a say yistzil ni wunnal Isaac 'a scal eb' 'ix yisl ewin 'aj Canaán 'aj cajn on̈ 'ec' tic.

Gn 24:9

'Ixta to b'i'an, 'ix ya'n 'och win checb' chi sc'ab' 'a yaln̈ xub' Abraham cha, 'ix ya'n sti', to tzyiclj win smasnil tas 'ix yal spatron̈ cha.

Gn 40:14

A yic 'oj 'el'choc jun tzwal 'aych tic, tzin a na coti, tzal 'a win rey chi wu'uj, toq'ue tzin yij 'el win 'a yol preso tic. 'O'ch cab' a c'ojl 'ayin.

2 Cr 36:13

An̈jtona', 'ix yac' tenmtacl sb'a 'a Nabucodonosor, atn jun 'aj 'ix yac' sti 'a sat Dios, to junxn̈ej tzyutj snab'en yet'oc. Jun 'eln̈ej 'ix yac' pitb'oc 'el snab'en, man̈xtoc 'ix yal sc'ojl xmeltzj 'a Jehová sDiosal chon̈b' Israel.

Ester 8:6

Yujto caw ma'oj techjoc wu'uj, yic 'oj wilnc tas 'oj jawc 'a yib'n̈ eb' wit chon̈ab', yet' 'a yib'n̈ eb' wican, yuj tas tzon̈ satn 'el qui masnil on̈, xchi 'ix.

Ex 12:13

A schic'l no noc' chi 'oj e succh 'a smac eyatut cha, a 'oj ch'oxnoc 'ajtil 'ay te n̈a chi 'aj cajn ex, sec a yic 'oj wec' in mil cham eb' b'ab'l 'unn 'a eb' 'aj Egipto tic, may junc ex 'oj e chami. A yic 'oj wilnc 'och chic' cha, c'ax'e'l 'oj weq'ui.

Jeremías 12:16

Yujto a jun tzo'n̈ chon̈b' cha, a xcuyn eb' in chon̈ab' yic tzlocn eb' sb'i jun comn dios tzcuch Baal 'a junc tas tzyala. Ax ticnec, yet' 'a yojltac, 'oj stac' yaj cajn eb' 'a scal eb' in chon̈ab', toto caw yel 'oj syiclc eb' scuynb'il eb' in chon̈b' tic, ax slocn eb' in b'i 'a tas 'oj yala'.

Mr 14:44

A win Judas chi x'a'n 'och Jesús 'a yol sc'ab' ewinac, tox 'ix yal win 'a eb' tas tzyutj sch'oxni. 'Ix yaln win 'ixtic: A jun 'oj in tz'ub' 'elt sti', a tzeyama, caw sin̈n̈i tzeyutj eyamni, tzeyi'n 'ati, xchi win 'a eb'.

Ro 1:31

Man̈ nab'enal tzyutj sb'a eb'. Matz yiclj eb' strato 'a junc mach. May schamc'ojlal eb'. [Matz yac' eb' niwnc'ojlal 'a junc xo mach.] Matz 'o'ch sc'ojl eb' 'a junc yit 'anma'il.

1 Ti 5:8

Toto 'ay eb' creyente matz colwj 'a smam snun, 'a smam yu'tac, yet' 'a eb' 'ay 'a yol yatut, may jac yel'ch scuynb'il Cristo 'a eb'. 'Ec'b'al xo stul eb' 'a yib'n̈ eb' man̈ creyenteoc xoni.

Santiago 2:13

Toto matz 'o'ch qui c'ojlec 'a eb' quit 'anma'il, ax Dios, ma'oj 'o'ch sc'ojl 'ayn̈ec jun xo, yic 'oj on̈ sb'oncyaji. Palta toto tz'o'ch qui c'ojlec 'a eb' quit 'anma'il, to 'ixta', 'oj 'o'ch pax sc'ojl Dios 'ayn̈ec yic 'oj on̈ sb'oncyaji.

Josué 2:13

Tze coln can 'el in mam in nun, ewin in nul'ej, eb' 'ix in nul'ej yet' smasnil tas 'ay 'a eb'. Tzon̈ e colcn 'el qui masnil 'a yol sc'ab' chaml on̈, xchi 'ix 'a ewinac.

Josué 2:18

A yic 'oj qui jaw 'a jun chon̈b' tic, ach xo tic, tza locl jun chac lasu tic 'a wentnu, ch'an̈ 'aj 'oj on̈ 'ac' 'em t'un̈n̈oc tic on̈. Tzlajw cha, tzawtn cot a mam 'a atut tic, a nun, ewin a nul'ej yet' eb' 'ix a nul'ej, yet' pax smasnil eb' ecan.

Josué 2:19

Toto 'ay junc mach tz'elt 'a yol atut tic, ax tz'aji tzcham yuj owl cha, mun tzyij cot chaml chi 'a yib'an̈, may caln quic 'a on̈. Palta toto 'ay junc quit chon̈b' on̈, to a tzmiln junc mach 'ayc' 'a yol atut tic, toto 'ixta', quib'n̈ tzcan b'in on̈.

Josué 6:22

Ax Josué cha, yaljnacx 'a eb' chawn̈ xit'nc 'ilj lum cha, to tz'at yic' 'elt eb' 'ix 'ajmul 'ix 'a yol yatut, tzyi'n 'elt eb' smasnil eb' 'ayc' scol sb'a 'a yol yatut 'ix cha, 'icha yaj ya'n can eb' sti 'a 'ix.

Josué 9:15

Ax Josué 'ix 'och 'a junc'ojlal yet' eb', sb'on jun strato yet' eb' yic matz cham jun tzo'n̈ eb' 'anma cha. 'Ixta pax eb' yajl yaj 'a scal eb' israel cha, 'ix yac' eb' sti' 'a yojltac Jehová, to matz milx eb' 'anma chi yuj eb'.

Jueces 1:24

Ax eb' 'ilm lum cha, 'ix yiln eb' yelt jun winc 'a sti chon̈b' cha, xyaln eb' 'ixtc 'a 'a: Tzon̈ tew 'ayach, ch'ox 'ayon̈ 'ajtil wach' coch 'a yol chon̈b' tic, may 'oj ach cutoc, xchi eb'.

A Ch'an̈ B'ab'el Libro Samuel 30:15

—¿Tztac' am tzon̈ ej 'at 'a 'aj 'ay eb' 'elc'm cha? xchi David. 'Ix ta'w win 'aj Egipto chi 'a David 'ixtic: —Tzex wij 'ati, toto tzeyac' e ti 'a yojltac Dios, to matz in e mil chamoc, matz in eya'ch 'a yol sc'ab' win in patron̈ cha, xchi.