Josué 2:11 - Chuj San Sebastian Bible

¹¹ Caw wal tzon̈ xiw chan̈ cab'n eyab'xil. Toc 'ayt junc on̈ tzqui te'wtzej qui b'a 'a eyojltac, yujto a Jehová e Diosal, sDiosal pax tas 'ay 'a satcha'an̈ yet' tas 'ay 'a sat lum lum tic.

Chuj San Mateo Bible

¹¹ Te xivnac on̈ ayic cab'annac specal jun chi'. Malaj mach syal stzac'van d'ayex, yujto a Jehová e Diosal, an̈ejton Dios d'a satchaan̈ yed' d'a sat lum luum tic.

Josué 2:11 Iomraidhean Croise

A Ch'an̈ B'ab'el Libro Yic Yab'ixal Eb' Rey 8:60

Wach' cab' tzyojquej 'el smasnil chon̈b' 'ay 'a sat lum lum tic, chajtlto cojn Jehová, atn Dios, may junc xo.

A Ch'an̈ Schab'il Libro Yic Yab'ixal Eb' Rey 5:15

Xlajw xoj cha, 'ix 'at yet' eb' ajun yet' chi 'a win schecb' Dios cha, atn Eliseo, 'ix c'och 'a yojltac winac, 'ix yaln Naamán 'ixtic: —¡A ticnec 'ix wojquej 'eli, chajtlto may junc xo Dios 'a smasnil yolyib'n̈q'uinl tic, palta cojn wal e Diosal ax israel ex tic, yuj cha, tzin tew 'ayach, to tza chaj jun in siylab' tic, xchi.

Nehemías 6:16

A yic 'ix yab'n smasnil eb' 'ajc'ojl yajch 'ayn̈ on̈, yet' jun tzo'n̈ xo nacion̈ 'ay 'a qui la'nil, caw 'ix xiw eb'. 'Ix can eb' 'a yalan̈, yujto sb'an̈jnac sb'a eb', 'ix yojquej 'el eb' to yuj scolwal Dios 'ix b'o jun munljel cha.

Ester 8:17

A yic xc'och jun ley chi 'a smasnil lugar yet' 'a smasnil chon̈ab', a smasnil eb' israel cha, caw wal stzalj chan̈ eb'. 'Ix ya'n 'och eb' jun q'uin̈, 'ix laj wa eb'. Til wal eb' 'anma 'aj chon̈b' chi xya'ch sb'a israelal yet' eb' israel cha, yuj xiwc'ojlal eb' 'a eb'.

Salmos 102:15

Smasnil lum nacion̈ yet' eb' rey 'ay 'a sat lum lum tic, 'oj xiw chan̈ eb', ax yi'n chan̈ eb' a b'i Mamin Jehová.

Salmos 22:14

'Icha wal tz'aj a a stob'i, 'ixta tzin 'aji. Caw 'ix 'el wip. 'Ix yactn sb'a in b'aquil, ax in pixan 'ix 'ulb'x can 'at 'a yol in c'ojl 'icha no chab'ic'.

Salmos 58:7

Sat cab' 'ejm eb' 'icha tz'aj stup 'ejm a a tzb'eyi. Lajn cab' tz'aj eb' 'icha te c'ultc tzte'x yuj 'anma'.

Salmos 83:18

sec 'oj 'ojcaxc 'eli to cojn ach Jehová ach, to cojn ach niwn el'ch 'a yib'n̈ lum lum tic.

Ex 15:14

A yic 'oj yab'nc jun tzo'n̈ xo nacion̈ jun tic, caw 'oj 'ib'xoc eb' yuj xiwlal, 'oj xiw chan̈ pax eb' filisteo.

Ex 15:15

A eb' syajlil eb' 'aj Edom, toxn̈ej 'oj sat sc'ojl eb'. Ax eb' syajlil eb' 'aj Moab, 'oj laj 'ib'xoc eb' yuj xiwlal cha. 'Ixta pax eb' cananeo, 'oj laj sc'ub'c 'el sb'a eb'.

Is 13:7

Yuj cha, ax smasnil 'anma', 'oj sicb'oc 'ejm eb' yuj xiwc'ojlal.

Is 19:1

Atn jun tzo'n̈ paxti tic 'ix alx can 'el 'a yib'n̈ Egipto: 'Iltec wal sjaw Jehová, wocn q'ue 'a yib'n̈ jun 'asun, caw ji'lti sb'eyi yic tz'at 'a Egipto. Caw wal tz'ib'x chan̈ jun tzo'n̈ comn dios yic Egipto yuj smay, caw tzxiw pax eb' 'aj chon̈b' chi yu'uj.

Ez 21:15

'Oj xiw smasnil 'anma yuj chaml 'oj 'och cha, 'etzn xo 'och jun espada chi 'a stitc chon̈ab', 'oj xib'tc sb'a 'anma yuj q'ue'en. A jun espada cha, atn q'uen jay yaj ye, q'uen tzictzni yel sc'aq'uil, lista xo yaj smilwji.

Nahúm 2:10

Tox xlajw 'ejm Nínive, cusltac xoj yilx cani. A wal eb' cajn 'a 'a, caw tz'el yip eb' yuj xiwlal. Toxn̈ej tzlan̈lni spenc eb' smasnil, man̈x 'a mach 'ay yip. Caw tzsacb'el sat eb' yuj xiwlal.

Dt 1:28

Ax ticnec, ¿'aj wach' tzon̈ c'ochec? A eb' quit chon̈b'ec tic, 'ix yal eb' to a 'a jun lugar cha, 'ay eb' 'anma caw jeln to 'a quib'n̈ec. Caw niwc stel eb', caw niwc pax ab' schon̈b' eb', chan̈ pax ab' ya'jt smuroal schon̈b' eb' cha. Xyiln pax ab' eb' ewin yin̈tl win Anac, atn eb' niwc ste'il, caw 'ay smay eb', atn wal yuj jun tzo'n̈ eb' cha, caw tzon̈ xiwec, xe chi.

Dt 20:8

Tzlajw cha, tzyaln pax eb' syajlil eb' soldado chi 'ixtic: Toto 'ay junc ex caw tzex xiwi, mto matz techj eyuj tzeyab'i, tztac' tzex pax 'a eyatut, yic wach' ma'oj somchjoc chan̈ eb' quit soldadoil tic eyu'uj, xchi cab' eb'.

Dt 4:39

Yuj cha, can cab' 'a e nab'en to cojn Jehová Dios, sDiosal satcha'an̈ yet' 'a sat lum tic, may junc xo.

Josué 14:8

Ax pax jun tzo'n̈ xo ewin xwulc' quet'oc, caw man̈ wach'c xyutj ewin yalni, caw xib'tj ewin eb' 'anma'. Palta an̈ xo tic, caw wach' xcutj calni, tojl xcutj qui nab'en 'a sat Jehová qui Diosalec.

Josué 2:24

'Ix yaln eb' 'ixtic: A Jehová a tz'a'n jun lugar chi 'ayn̈ec, ax eb' 'anma 'ayc' ta', 'ac'b'ilx eb' 'a yol qui c'ab'ec. Man̈x 'anmac yaj snab'en eb' smasnil yuj xiwlal, xchi eb'.

Josué 5:1

Ax smasnil eb' sreyl eb' amorreo cajn 'a junx sc'axpil 'ec' sti a Jordán, 'a stojlal 'aj tz'em c'u, yet' pax eb' sreyl eb' cananeo cajn 'a sla'nil sti a Mar Mediterráneo, 'ix yab' eb' yab'xil, to tacjnac chan̈ a Jordán yuj Jehová yic ye't chon̈b' Israel 'a yojl a'. Yuj cha, caw wal xiw chan̈ eb', may xon junc eb' ste'wtzej sb'a sjaw yac' owl yet' eb' israel.

Josué 7:5

'Ix pechx eb' yuj ewin 'a 'aj 'ay spuertail chon̈b' cha, masnto 'a jun lugar 'a 'aj tz'ijx 'elt q'uen q'uen tzeyxi. Ax 'a spa'nil 'ejm jun chon̈b' cha, ata xmilx 36 eb' soldado israel cha. Yuj cha, 'ix jaw schab'c'ojlal eb' israel, caw tzsicb' 'el eb' tzyab'i.

Josué 9:24

'Ix ta'w eb' 'a Josué 'ixtic: —'Ixta 'ix cutj qui b'a, yujto on̈ xiw 'ayex, lemb'il tzon̈ e mil chamoc, yujto xcab'i tas yaj yaln can Jehová e Diosal 'a jun schecab' atn Moisés, to a smasnil jun tzo'n̈ lugar tic, a tz'a'n eyico'oc, tze satn can 'el smasnil 'anma cajn 'a lu'um.

Apoc 6:16

Xlaj cob' yalnc eb' 'ixtc 'a lum witz, yet' 'a eb' q'uen niwc q'ue'en: —Cotn̈ec 'a quib'n̈ on̈. Tzon̈ laj e c'ub'c 'el 'a sat jun wocn 'ejm 'a sdespacho. Yujto a yowl sc'ojl jun tzcuch Calnelu, caw matz qui nib'j tzjaw 'a quib'n̈ on̈, xchi cob' eb'.