Josué 2:1 - Chuj San Sebastian Bible

¹ A yic 'ayt 'ec' Josué 'a lum Sitim, 'ix schecn 'at chawn̈ eb' 'ilwjum 'a c'ultaquil, xyaln 'a eb' 'ixtic: 'At macljec eyil lum lum cha, tzeyiln coti tas yilx chon̈b' Jericó, xchi 'a eb'. 'Ix 'at eb' 'ilwjum cha, axta xc'och eb' sc'an sposada 'a yatut jun 'ix 'ajmul 'ix Rahab sb'i 'a yol chon̈b' Jericó, ata xcan eb' ta'.

Chuj San Mateo Bible

¹ Ayic ayec' vin̈aj Josué d'a lum Sitim, ix schecanb'at chavan̈ eb' vin̈ vinac vin̈, yic sb'at yil lum eb' vin̈ d'a elc'altac, ix yalan vin̈ d'a eb' vin̈ icha tic: Ixiquec b'at eyil lum luum chi', tzeyilan val tas yaj chon̈ab' Jericó, xchi vin̈ d'a eb' vin̈. Ix b'at eb' vin̈ b'ian, axo d'a jun ix ajmul ix scuchan Rahab d'a yol chon̈ab' chi' ix c'och eb' vin̈ sc'an sposado. Ix can eb' vin̈ d'a spat ix.

Josué 2:1 Iomraidhean Croise

Gn 42:16

A ticnec, tzex 'at junc ex 'at eyi' cot winac; ax xo ax tic tzex cancn presoal 'a tic, yic wach' tzquila toto yel tzeyala. Palta toto man̈ yelc tzeyala, yel ton b'i'an to 'ilwjum ex, 'a sb'i win rey tzwaln jun tic 'ayex, xchi win 'a eb'.

Gn 42:9

Atta xnachj cot yuj José yuj swaych 'a eb' 'a yic pecti'. Xyaln 'ixtc 'a eb': —Ax tic 'ilwjum ex, ton̈j tzwul eyila', toto 'ay 'aj wach' yoxt eb' 'ajc'ojl 'a jun chon̈b' tic, xchi.

Miqueas 6:5

Ex in chon̈ab', nac cot tas snajnac win Balac sreyl Moab 'a yib'n̈ eb' e mam eyichm cha, yet' pax tas yutjnac spacn win Balaam yunnal Beor. Nac cot paxi, tas 'ajnc yec' eb' 'a snan̈l Sitim yet' Gilgal, tze nan coti tas wutjnac in coln eb' an Jehová in tic, xchi Dios.

Nm 13:1

'Ix yaln Jehová 'a Moisés 'ixtic:

Nm 13:2

Checb't jaywn̈oc eb' winc 'at yil lum Canaán, atn lum 'oj wac' e yico'oc ax israel ex tic. A junjnoc eb' 'ay yopiso 'a scal junjn 'in̈tal israel, a eb' tza checb'ti, xchi.

Nm 25:1

A yic 'ix can cajn eb' israel 'a lum Sitim, til wal eb' winc israel 'ix muln yet' eb' 'ix moabita.

Nm 33:49

A jun camplamentoal eb' 'anma 'a sti a Jordán cha, 'ix 'atn̈j eb' 'a Bet-jesimot masnto xc'och eb' 'a Abel-sitim, 'a lum ya'lical Moab.

Mt 1:5

A Salmón a 'ay yunnal Booz, Rahab sb'i snun Booz cha. Ax Booz a 'ay yunnal Obed, Rut sb'i snun Obed cha. A Obed a 'ay yunnal Isaí.

Mt 10:16

'Ab'ec, 'oj ex in checb't 'icha jun tzo'n̈ calnelu tz'at 'a scal no 'oques, 'ixta 'oj eyaji. Yuj cha, caw lista tzeyutj e b'a 'icha junc chan caw jelan, palta caw manso tzeyutj pax e b'a 'icha junc no parama.

Ef 5:5

Cojquec xo, to a eb' tzb'on 'ajmulal, yet' eb' tzb'on tzann̈j junc maysch'olnil yet' sniwnal, yet' eb' tznib'n 'och ricoal, may xon yaln eb' yic yoch 'a yol sc'ab' Cristo, yet' 'a yol sc'ab' Dios. Toto tzqui nib'jec 'och ricoal, a 'a sat Dios, wan ca'nec 'och jun chi qui diosaloc.

A Ch'an̈ Carta D'a Eb' Hebreo 11:31

Ax jun 'ix Rahab sb'i, caw 'ajmul 'ix, palta ya'jnac 'och 'ix Dios 'a sc'ojol. Yuj cha, ma'ix cham 'ix yet' eb' man̈ yiclumoc yutjnac sb'a, yujto wach' yutjnac 'ix schan eb' israel xit' 'iljnac tas yaj jun chon̈b' cha.

Santiago 2:25

'Ixta pax jun 'ix Rahab sb'i 'a pecti', atn jun 'ix 'ajmul 'ix. Ya'jnac 'ix sposada eb' schecb' eb' quit israelec. Xlajw cha, schecn pax 'at 'ix eb' 'a junx b'e, sec matz yamchj eb'. Yuj wal tas sb'ojnac 'ix cha, yoch 'ix wach'l 'a sat Dios.

Josué 1:18

Tzann̈j mach matz yiclni mto tztenn tas tzala, tojl cab'n̈ej schami. Cojn tas tzcal 'ayach, to te'n tzotj a b'a, man̈ ach xiwoc, xchi eb' 'a Josué.

Josué 2:2

Palta 'ay eb' 'anma chi x'iln sc'och eb', yuj cha, 'ix 'at yalnc eb' 'a win sreyl chon̈b' Jericó chi 'ixtic: —'Ay wal jun tzo'n̈ ewin israel xjaw 'a yol qui chon̈b'ec tic, yic tzwul smaclnoc ewin yila' tas yilxi, xchi eb'.

Josué 3:1

Ax 'a junx c'u cha, 'ix seb' q'ue wan Josué, x'ochx 'a b'eyl yet' eb' yit chon̈ab'. 'Ix 'el paxt eb' 'a lum Sitim, 'ix jaw eb' 'a sti a Jordán. 'Ix 'och wan eb' ta 'oxe c'u.

Josué 5:10

A yic 'ayc' eb' 'anma chi yet' scamplamento 'a lum Gilgal 'a lum span̈nil chon̈b' Jericó, ax 'a yemc'ul 'a yic chan̈lajn̈e yoch jun 'uj cha, 'ix snan eb' israel chi q'uin̈ yic yel eb' 'a libre.

Jueces 18:14

Ax eb' own̈ xit'nc 'ilj lum chi 'a yol yic Lais, 'ix yaln eb' 'a eb' yitb'eym chi 'ixtic: —Sictac tzex 'aji, 'ab'ec, a 'a yojl jun n̈a tic, ata 'ay jun chaleco, yet' jun tzo'n̈ yechl comn dios, yet' pax jun yechl tzeyb'il 'aych plata 'a 'a. ¿Tas 'oj cutquec qui b'a yet' tze na'a? xchi eb'.

Jueces 18:17

Ya' sb'a 'ayc' jun ya'mal 'och sti eb' 'anma chi 'a sti puerta yet' eb' waque ciente soldado cha, ax eb' own̈ 'ilm lum cha, 'ix b'ab'l 'och eb' 'a yol n̈a. 'Ix yi'n 'elt eb' jun yechl to tzeyb'il cha, jun chaleco cha, yet' jun tzo'n̈ xo yechel.

Jueces 18:2

Yuj cha, 'ix checn 'at eb' own̈ soldado to caw wal 'ay yip, yic tz'at eb' sayj lum 'aj tzcan cajn 'a Zora yet' 'a Estaol. Ax eb' own̈ cha, 'ix 'ec' eb' 'a lum jolmctac witz 'a yol yic Efraín. Xlajw cha, xc'och eb' 'a yatut Micaía, sec ata tzcan eb' 'a jun 'ac'wl cha.