Josué 18:1 - Chuj San Sebastian Bible

¹ 'A yic tox 'ix yijcan 'ec' eb' israel lum lum cha, syamn sb'a eb' smasnil 'a chon̈b' Silo, 'ix sb'on chan̈ eb' jun Mantiado 'aj tzqui chaj qui b'a yet' Dios.

Chuj San Mateo Bible

¹ Ayic ix lajvi yac'an ganar masanil lum luum chi' eb' israel, ix smolb'an sb'a eb' smasanil d'a Silo, ix sb'oanq'ue scajnub' Jehová eb', aton b'aj sch'ox sb'a Jehová chi'.

Josué 18:1 Iomraidhean Croise

A Ch'an̈ Schab'l Libro Samuel 7:6

Yictax wi'n 'elt eb' e mam eyichm 'a Egipto, masnto 'a jun c'u tic, may xon 'ajtil in 'aj 'a yol junc n̈a, palta to an̈j 'a yoltc mantiado tzin 'eq'ui.

A Ch'an̈ B'ab'el Libro Yic Yab'ixal Eb' Rey 14:2

Yuj cha, 'ix yaln win Jeroboam chi 'a 'ix yistzil 'ixtic: —A ticnec, 'ixc 'a chon̈b' Silo muc'uc, yujto ata 'ay win Ahías win schecb' Dios, win 'ix aln 'ayin chajtlto an 'oj woch reyl 'a jun chon̈b' tic. Jel-l a pichul, mac a sat, sec ma'oj ach yilch eb' toto wistzil ach.

A Ch'an̈ B'ab'el Libro Yic Yab'ixal Eb' Rey 14:4

'Ix sb'on sb'a 'ix 'icha xyutj win yaln 'a 'ix. Xlajw cha, 'ix 'at 'ix 'a chon̈b' Silo, xc'och 'ix 'a yatut win Ahías. A win Ahías cha, man̈xtzac stac' yiln winac, yujto tox xjuw yol sat win yuj 'ichm wincal,

A Ch'an̈ B'ab'el Libro Yic Yab'ixal Eb' Rey 2:27

'Ixtnta 'ix 'aj yel Abiatar 'a yopiso ya'n 'och sti eb' 'anma 'a Dios yuj Salomón. 'Ix 'el'ch tas alb'il can yuj Jehová 'a Silo 'a yib'n̈ eb' yin̈tl Elí.

Nehemías 9:24

'Ix c'och eb' yunnal eb' yi'c lum Canaán. Ach 'ix ac' 'ajxc ganar eb' 'anma cajn 'a sat lu'um. A eb' rey yet' eb' 'anma cajn 'a jun lum cha, 'ix a'ch eb' 'a yol sc'ab' eb'; 'ix sb'on eb' tas tznib'j sb'o 'a eb' cananeo cha.

Salmos 78:60

'ix yactn can jun scajnub' 'a Siló, atn jun yatut yaj 'a qui calec.

Salmos 78:66

'Ix satn 'el eb' 'ajc'ojl yajch 'a 'a, x'at eb' 'elc yu'uj, 'ix ya'n q'uixwc 'el eb' 'a jun 'ejmn̈ej.

Jeremías 26:6

Toto an̈ja ma'oj eyicloc, to 'ixta', 'ixtc 'oj wutc can watut 'icha wutjnac jun in cajnub' 'a Silo. 'Oj wa' cot catb' 'a yib'n̈ jun chon̈b' tic 'a scal smasnil nacion̈ 'ay yolyib'n̈q'uinl tic, xchi Dios, xa chi 'a eb', xchi 'ayin.

Jeremías 26:9

¿tas wal yuj xa te'wtzej a b'a aln 'a sb'i Jehová, chajtlto a jun yatut Dios tic, lajn 'oj 'ajcn 'icha 'ajnc jun scajnub' 'ay 'a Silo? 'Ix aln paxi to 'oj lajwc 'ejm jun chon̈b' tic, man̈x 'a junc 'anma 'oj can cajn 'a 'a, xchi eb'. Smasnil eb' chon̈b' cha, 'ix jaw eb' 'a yatut Dios cha, 'ix 'och oyn̈joc eb' yac' owl wet'oc.

Jeremías 41:5

'ix jaw 80 eb' winc xcot 'a Siquem, 'a Silo, yet' 'a Samaria. Joxb'il 'el xil sti eb' yu'uj, tzilquixtac spichl eb' 'aychi, lajwnac sniwnal eb', mun a eb' 'ixta xyutj sb'a. Yet' eb' 'ixm trigo, yet' incienso, yic tzya'n eb' xajmb'al-l 'a Jehová 'a yatut.

Nm 32:22

'Ixtnta 'oj eyutc eyi'n can 'ec' lum lum chi yuj Jehová. A yic tox xlajw 'el eb' 'anma chi 'a sat lu'um, tztac' xo e meltzj paxta, yujto tzeyiclj tas 'aj tzeyac' e ti 'a Jehová yet' 'a eb' quit chon̈b' tic. 'Ixta to b'i'an, ax eyica'an lum lum tic yuj Jehová.

A Tas Sc'ulejnac Eb' Schecab' Jesús Hechos 7:45

A jun mantiado cha, c'ojnc'ojnil xcan 'a yol sc'ab' jun tzo'n̈ xo eb' qui mam quichmec. Ax Josué, 'ix 'i'n 'at jun chi yet' eb', yic 'ix yica'an eb' lum slum eb' chuc chon̈b'al. A Dios, 'ix pechn 'el jun tzo'n̈ chuc chon̈b'al chi 'a sat slu'um. Ax eb' qui mam quichmec chi 'ix 'ica'an can jun slum eb' cha. A jun mantiado cha, yet'n̈j eb', masnto x'och David sreyloc eb'.

Josué 18:2

Palta 'ayt uque xo 'in̈tal eb' israel mantzac schaj slu'um.

Josué 18:8

Ax yic wan s'at eb' winc chi 'at yechtoc lum lum cha, xyaln Josué chi 'a eb' 'ixtic: —'Ixquec 'a sat smasnil lum lum cha, tzeyi'n chan̈ yechl lu'um, ax yic tzlajw eyiln lu'um, tzex meltzj paxi, sec an 'oj wa'ch suerte 'a yib'n̈ lum 'a yojltac Jehová 'a chon̈b' Silo tic, xchi 'a eb'.

Josué 19:51

Smasnil jun tzo'n̈ lum tic, 'ix pojx 'ec' 'a eb' israel yuj Eleazar, yuj Josué yet' yuj ewin syajlil eb' chon̈ab'. A yic spojn 'ec' eb' lu'um, ton̈j xya'ch ewin suerte 'a yib'n̈ lum 'a yojltac Jehová, 'a yamq'uil Mantiado 'aj tzqui chaj qui b'a yet' Dios 'a chon̈b' Silo. 'Ixta x'aj spojx can 'ec' lum lum cha. Caw tz'acn x'e'ch lum 'a eb'.

Josué 22:12

A yic xyab'n eb' jun cha, 'ix syamn sb'a eb' smasnil 'a chon̈b' Silo, yic tz'at eb' yac' owl yet' eb' xmeltzj cha.

Josué 22:19

Toto tze na'a, to a jun lum tic to man̈ wach'oc, to matz tac' eya'n 'emmquilal 'a Jehová, cotn̈ec quet' on̈, coyc quet 'a 'aj 'ay lum lum to yicn̈ej Jehová yaji, atn 'a 'aj 'ay scajnub'. Chajec e lum 'a qui cal on̈, palta man̈ ex meltzjoc 'och 'ajc'ojlal 'a 'a, yet' 'ayn̈ on̈ yic tze b'on pax junc xo yet'l xajmb'al chuc yel 'a jun yet'l xajmb'al yic Jehová qui Diosalec 'ay 'a Silo.

Josué 22:9

'Ixtn tic xyutj eb' yin̈tl Rubén, eb' yin̈tl Gad, yet' pax spaclxo eb' yin̈tl Manasés, spojn can 'el sb'a eb' 'a scal eb' yit israelal 'a chon̈b' Silo 'a yol yic Canaán. 'Ix meltzj eb' 'a 'aj 'aycn smacl lum 'a yol yic Galaad, 'icha yaj yaln can Jehová 'a Moisés.

Jueces 18:31

A jun yechl sb'o Micaía, a xya'ch eb' sdiosalc 'a smasnil tiempo, yic 'ayc' scajnub' Dios 'a chon̈b' Silo.

Jueces 21:12

A 'a scal eb' cajn 'a Jabes cha, ata 'ix 'ilchj chan̈e ciente eb' 'ix cob's 'ix mant 'a xon winc tzc'umej. 'Ix 'ijx cot eb' 'ix 'a camplamento 'a Silo 'a yol yic Canaán.

Jueces 21:19

Palta 'in 'a junjn ab'il tznax jun niwquil q'uin̈ 'a yojltac Jehová 'a Silo, atn jun 'ay 'a stojlal norte yic Bet-el. Tzcan 'a stojlal 'aj tz'ejm c'u 'a jun b'e tz'at 'a Bet-el tzc'och 'a Siquem jun 'ay 'a stojlal sur yic Lebona, xchi eb'.

A Ch'an̈ B'ab'el Libro Samuel 1:24

Ax yic x'el win 'unn chi 'a yim, a win smam win 'unn cha yet' snun winac, 'ix yi'n 'at eb' win 'a scajnub' Jehová 'a Silo, caw wal yune to winac. 'Ix yi'n 'at eb' jun no quelm wacx 'oxe ab'il sq'uinal, jun 'echtab' 'ixm trigo yet' jun no tz'um b'ut'n yet' yal uva.

A Ch'an̈ B'ab'el Libro Samuel 1:3

'A junjn ab'il tzxit'c win Elcana chi 'a schon̈b' 'at yac' xajmb'al 'a Jehová tztac' yuj smasnil, atn 'a chon̈b' Silo. Ata 'ay chawn̈ eb' ya'mal 'och sti eb' 'anma 'a Dios, atn Hofní yet' Finees. A eb' cha, yunnal win Elí.