Josué 17:13 - Chuj San Sebastian Bible

¹³ Palta ax yic xyi'n eb' israel chi yip si'mb'il, 'ix 'ajx pural eb' cananeo chi ya'n stojlb'al yuj eb', palta ma'ix pechx 'el eb' yuj eb'.

Chuj San Mateo Bible

¹³ Palta axo yic ix yic'an yipoc eb' israel chi', ix yac'an pural eb' cananeo chi' eb' yochcan smunlajvumoc.

Josué 17:13 Iomraidhean Croise

Gn 49:15

A yic tzyiln 'ochi, to caw wal wach' jun lugar 'aj caw wach' yilj cha, yuj cha, tzya'n 'och yich spatquil 'a yaln̈ 'icatz, man̈x 'a tas tzyala yic tz'och 'a yaln̈ 'ictz caw 'al.

A Ch'an̈ Schab'l Libro Samuel 3:1

A eb' soldado 'aych yet' win yunnal Saúl, caw najtl tiempo 'ix yac' eb' owl yet' eb' 'aych yet' David, palta 'ipn swach' 'el yip eb', ax eb' 'aych yet' David cha, caw 'ipn swach' 'i'n eb' yip.

Ef 6:10

A ticnec ex wu'tac, ex wanab', caw te'n tzcutjec qui b'a 'a yol sc'ab' Cajlilec. 'Och cab' qui te'nalec yuj spoder.

A Scarta San Pablo D'a Eb' Aj Filipos 4:13

Tzann̈j tas tzta'n̈j wu'uj, yujto a Cristo tzyac' spoder 'ayin.

Josué 16:10

Palta a eb' yin̈tl Efraín, ma'ix pechx 'el eb' cananeo cajn 'a Gezer yuj eb', 'ix 'ajx pural eb' ya'n stojlb'al. Yuj cha, 'ix cann̈j eb' cananeo chi 'a scal eb'.

A Schab'il Carta San Pedro 3:18

Yowlal tze wach' 'ojquej 'el Cajlilec, atn Jesucristo qui Colmalec. An̈jtona', caw tze wach' chaj swach'c'ojlal 'a junjn c'u. Niwn cab' yel'ch Cajlilec ticnec, yet' 'a smasnil tiempo. Ya' cab'i'.

Jueces 1:28

Palta a yic caw xjelnb'i eb' yin̈tl Manasés cha, 'ix 'ajx pural eb' cananeo chi yoch munljoc 'a eb', ma'ix pechx 'el eb' yuj eb'.

Jueces 1:30

An̈jtona pax eb' yin̈tl Zabulón, ma'ix stac' spechx 'el eb' cananeo cajn 'a Quitrón yuj eb', yet' pax eb' cajn 'a Naalal, 'ix can cajn eb' cananeo chi 'a scal eb', 'ix 'ajx pural eb' cananeo yoch munljoc 'a eb'.

Jueces 1:33

An̈jtona eb' yin̈tl Neftalí, ma'ix stac' spechx 'el eb' cananeo cajn 'a Bet-semes yuj eb', yet' eb' cajn 'ec' 'a Bet-anat. 'Ix can cajn eb' 'a scal eb' cananeo cha, 'ix 'ajx pural eb' cajn 'a Bet-semes yet' eb' cajn 'a Bet-anat yoch munljoc 'a eb' israel.

Jueces 1:35

'Ixta 'ix 'aj scan cajn eb' amorreo chi 'a lum jolm witz tzcuch Heres, 'a Ajalón, yet' 'a Saalbim, palta a wal yic xyi'n eb' yin̈tl José chi yip, 'ix ya'n pural eb' yoch eb' amorreo chi munljoc 'a 'a.