Josué 17:11 - Chuj San Sebastian Bible

¹¹ 'Ix yij pax eb' yin̈tl Manasés chi jun tzo'n̈ xo chon̈ab', atn eb' lum xcan 'a yol yic Isacar yet' 'a yic Aser, junjn eb' chon̈b' chi yet' yaldeail 'ay 'a stz'ey: Atn Bet-seán, Ibleam, Dor, Endor, Taanac, Meguido, yet' pax 'oxe xo chon̈b' yamn yaji.

Chuj San Mateo Bible

¹¹ Ix yic'anpax juntzan̈xo chon̈ab' tic eb' yin̈tilal Manasés chi' d'a slum eb' yin̈tilal Isacar yed' d'a yol yic Aser, junjun yed' yaldeail ay d'a slac'anil: Aton Bet-seán, Ibleam, Dor, Endor, Taanac yed' Meguido, a jun yoxil chon̈ab' tic, scuchpax Nafot Dor.

Josué 17:11 Iomraidhean Croise

A Ch'an̈ Schab'l Libro Samuel 21:12

Yuj cha, 'ix ya'n David 'ijxoc cot sb'acl Saúl, yet' yic win yunnal, atn Jonatán. A eb' 'aj Jabes 'a yol yic Galaad, a eb' xit' 'el'jnac cot 'a sla'nil plas yic Bet-sán, 'a 'aj t'un̈n q'ue eb' yuj eb' filisteo, yic xlajw smiln cham eb' 'a owl 'a Gilboa.

A Ch'an̈ B'ab'el Libro Yic Yab'ixal Eb' Rey 9:15

'Ix ya'ch win rey Salomón eb' yin̈tl eb' cananeo 'a munljel 'a 'ac'b'il puralil, atn eb' man̈ chamncoc yuj eb' israel yic yi'n can 'ec' eb' slum eb' cananeo cha. Tzyal 'el'chi atn eb' amorreo, eb' hitita, eb' ferezeo, eb' heveo yet' eb' jebuseo. Moson̈ej yaj eb', man̈ yico'oc sb'a eb'. Yuj smunljel eb', 'ix sb'on win Salomón yatut Dios yet' yatut winac. Sb'ojnac pax eb' 'anma chi jun tzo'n̈ xo chon̈ab': atn Hazor, Meguido yet' Gezer. (A win sreyl Egipto, ya'jnacx win owl yet' chon̈b' Gezer cha, 'emnc yuj winac, smiln cham win smasnil eb' 'anma cajn ta', sn̈usn can pax win jun chon̈b' cha. A jun chon̈b' chi siyj can win 'a 'ix yisil, yic xnupn 'ix yet' Salomón. Ax Salomón chi 'ix b'on pax jun chon̈b' chi jun 'ejm xo yuj smunljel eb' cananeo cha.) An̈jtona', a pax eb' xyac' win b'onc chon̈b' Bet-horon jun 'ay 'a yaln̈ 'ejmi, Baalat, yet' Tamar, ata 'ay 'a lum cusltac lum yic Judá, yet' jun tzo'n̈ chon̈b' 'aj tzmolx tas tzc'uxxi, yet' jun tzo'n̈ chon̈b' 'aj 'ay no chej tz'och 'a jun tzo'n̈ caruaje yic owal. Sb'on pax eb' smasnil jun tzo'n̈ xo tas 'ix yac' Salomón sb'o eb' 'a Jerusalén, 'a Líbano yet' 'a smasnil yol smacb'en. A pax eb' lan̈jnac jun tzo'n̈ lum ch'olctac 'a stojlal 'aj tzq'uel c'u 'a Jerusalén. Sb'o eb' jun tic, yic tox 'ix 'el 'ix yisl win sreyl Egipto, 'ix yistzil win Salomón 'a yol Schon̈b' David, 'ix c'och cajn 'ix 'a yatut 'ix sb'o win 'a junx lugar. 'Ay 550 eb' winc 'aych yilmalc jun tzo'n̈ munljel cha. May junc eb' yit chon̈b' Salomón chi xyac' pural smunlj 'a jun tzo'n̈ munljel cha. A yic eb', to x'och eb' syajlilc eb' soldado yic tz'ijx b'ey eb' yuj eb', x'och eb' comandanteil, capitan̈il 'a jun tzo'n̈ caruaje, yet' 'a jun tzo'n̈ eb' soldado tz'ec' 'a yib'n̈ chej.

A Ch'an̈ Schab'il Libro Yic Yab'ixal Eb' Rey 9:27

A yic 'ix yiln 'och Ocozías sreyl Judá tas 'ix uji, 'ix 'at 'eloc, ata x'atcn 'a sb'el Bet-hagan. Palta ax Jehú 'ix 'atn̈j 'a spatquil, 'ix yaln 'ixtic: —¡Milc pax chamoc! xchi. 'Ix yamchj yuj eb' 'a lum switzl Gur 'a sla'nil Ibleam. Ata xlajw yuj eb' 'a yol scaruaje, palta 'ix 'at 'elc 'a Meguido, axta xchami.

1 Cr 6:70

Ax 'a jaywn̈ xo eb' yin̈tl Coat xcani, ata 'ix 'ajx chon̈b' Aner chon̈b' Bileam, yet' ya'lical junjn chon̈b' 'aj tzwa scajb'en noc' eb' 'a yol yic spacl eb' yin̈tl Manasés.

1 Cr 7:29

A 'a yol yic Manasés, ata 'ay chon̈b' Bet-seán, Taanac, Meguido yet' Dor, yet' smasnil yaldeail jun jun. Atn 'a jun tzo'n̈ lugar chi 'ix can cajn eb' yin̈tl José, win yunnal can Israel.

2 Cr 35:22

Palta ax Josías ma'ix syiclj smeltzji, to 'ix ste'wtzej sb'a ya'n owl yet'oc. Ma'ix schaj yab' tas 'ix yal Necao, tic pax a Dios 'ix alni. Yuj cha, 'ix ya'n owl yet' 'a jun pan̈n 'a'lic 'a yol yic Meguido.

Salmos 83:10

Ata 'ix chamcn eb' 'a Endor, 'ix 'ochcn eb' syaxilc sat lum lu'um.

Jeremías 49:2

Palta an Jehová in, an tzwala: 'Ay wal jun c'u 'oj jawoc, caw 'oj 'ab'xoc yel 'aw yic owl 'a chon̈b' Rabá, atn sniwquil chon̈b' eb' amonita. Jun b'uln̈ 'oj 'ajcn chan̈ sma'x 'ejm lan̈chjoc. Smasnil jun tzo'n̈ yaldeail, 'oj tz'a yuj c'ac'. An Jehová in, an tzwala, to 'ixta 'oj yutc eb' israel yi'n can pax 'ec' slum jun 'ejm xo.

Zacarías 12:11

A wal 'a yic jun c'ul cha, 'oj 'och wal jun niwquil 'o'l 'a Jerusalén, 'icha wal cusc'ojlal 'ochnc yuj jun comn dios tzcuch Hadad-rimón 'a span̈nil Meguido.

Josué 11:2

Xya' alxoc 'a smasnil eb' rey cajn 'a jolmctac witz 'ay 'a stojlal norte 'a span̈nil sti a Jordán, lum tzcan 'a stojlal sur 'a a pama tzcuch Cineret, atn lum pan̈n 'a'lic 'ay 'a Dor 'a stojlal 'aj tz'em c'u.

Josué 16:9

'Ayt pax jun tzo'n̈ xo chon̈ab', yet' jun tzo'n̈ xo aldea 'ayc' 'a sat slum eb' yin̈tl Manasés, 'ix yij eb' yin̈tl Efraín pax yico'oc.

Josué 17:10

A lum yic Efraín cha, ata xcan lum 'a stojlal sur 'a sti a a cha, ax Manasés 'ix can 'a stojlal norte. Ax a Mar Mediterráneo 'ix 'ochcn smon̈jonoc eb' 'a stojlal 'aj tz'em c'u. A lum slum eb' yin̈tl Aser 'ix can lum 'a stojlal norte, ax lum yic eb' yin̈tl Isacar, 'ix can lum 'a stojlal 'aj tzq'uel c'u.

Josué 17:16

'Ix yaln eb' 'ixtic: —Wal yel, a lum jolmctac witz, caw ma'oj 'e'choc lum 'ayn̈ on̈. Palta ax eb' cananeo cajn 'a span̈nil jun lum cha, 'ay sq'uen caruaje eb' yic owal, 'ixta pax eb' cajn 'a Bet-seán yet' eb' cajn 'a junjn yaldeail lum ya'lical Jezreel, xchi eb'.

Jueces 1:27

Eb' 'anma ma'ix techj spechn 'el eb' yin̈tl Manasés: atn eb' 'aj Bet-seán, eb' 'aj Taanac, eb' 'aj Dor, eb' 'aj Ibleam, eb' 'aj Meguido, yet' eb' 'ay 'a yaldeail jun tzo'n̈ chon̈b' cha. A eb' cananeo 'a jun tzo'n̈ chon̈b' cha 'ix ste'wtzej sb'a eb' 'a owal, yuj cha 'ix can cajn eb' ta'.

Jueces 5:19

Xlajw cha, xjaw eb' rey yac' owal. Xjaw eb' sreyl Canaán yac' owl 'a Taanac, 'a sti a a tzcuch Meguido, palta may tumin, may ricoal xyij eb'.

A Ch'an̈ B'ab'el Libro Samuel 28:7

Yuj cha, 'ix yaln Saúl 'a eb' schecb' 'ixtic: —Sayc junc 'ix 'ix to tzc'umn spixn eb' chamnac, sec wach' a 'a tzin 'at in c'anb'c in nab'en, xchi winac. 'Ix ta'w eb' schecb' 'a 'a, xyaln eb' 'ixtic: —'Ay jun 'ix tztac' yuj 'a Endor, xchi eb'.

A Ch'an̈ B'ab'el Libro Samuel 31:10

'Ix ya'n 'och eb' syamc'ab' win Saúl chi 'a yol yatutal jun scomn diosal tzcuch Astarté, 'ix spixn can q'ue t'un̈n ewin sniwnal eb' chi 'a smuroal chon̈b' Bet-sán.

A Ch'an̈ B'ab'el Libro Samuel 31:12

'ix smol aln smasnil jun tzo'n̈ eb' winc caw wal matz xiwi. Smasnil 'ac'wl 'ix b'ey eb', 'ix c'och eb' 'a 'aj t'un̈n q'ue sniwnal Saúl chi yet' eb' yunnal 'a smuroal chon̈b' Bet-sán. Xlajw cha, 'ix yi'n 'emt eb' sniwnal eb' cha, 'ix meltzj paxt eb', 'ix c'ochx eb' yet' 'a chon̈b' Jabes. Ata sn̈us eb' sniwnal eb' cha.