Josué 15:7 - Chuj San Sebastian Bible

⁷ Tzlajw cha, tzq'uex lum 'a ya'lical yic Acor, tzc'ochx 'a Debir, axta tzmeltzj 'a Gilgal, 'a yojltac lum witz 'a Adumín, 'a stojlal sur 'a sti' a b'eymal a'. Tz'e'x jun mon̈jon chi 'a 'aj tzpac' a a yic En-semes, masnto tzc'och 'a 'aj tzpac' a a yic En-rogel;

Chuj San Mateo Bible

⁷ Slajvi chi', sq'ue d'a sch'olanil yic Acor sc'och d'a Debir, axo ta' smeltzajb'at d'a Gilgal ay d'a yichan̈cot lum vitz d'a Adumín, d'a stojolal sur d'a jun a a' sb'eyi. Slajvi chi', tz'ec' jun mojon chi' d'a sjaj a a' yic En-semes, masanto sc'och d'a sjaj a' yic En-rogel,

Josué 15:7 Iomraidhean Croise

A Ch'an̈ Schab'l Libro Samuel 17:17

Ax win Jonatán yet' win Ahimaas, ata 'ayc' eb' 'a sti jun a spac'b'a 'a En-rogel, sec may mach tz'iln ewin 'a yol chon̈b' cha, ax jun 'ix ya'mal servil eb' x'at alnc 'a ewinac. Yajn̈j wal cha, 'ix 'at ewin 'at yal jun 'ab'x chi 'a win rey David.

A Ch'an̈ B'ab'el Libro Yic Yab'ixal Eb' Rey 1:9

A yic jun tiempoal cha, 'ix ya'ch Adonías jun niwquil wa'el, 'a yich q'uen q'uen tzcuch Zohelet, 'a sla'nil jun a pac'b'a 'a Roguel. 'Ix smiln win no calnelu, no mam wacax, yet' no quelmtac wacx to caw b'aq'uech. 'Ix yawtn cot win smasnil eb' yu'tac, atn eb' yunnal win rey, yet' smasnil eb' 'aj Judá tzmunlj yet' win rey cha.

Is 65:10

A eb' chon̈b' 'oj yic' 'ejm sb'a 'ayin, ata 'oj 'em tzicn scalnelu eb' swa 'a lum ya'lical Sarón, ax lum ya'lical Acor, ata 'oj wa swacx eb'.

Os 2:5

A e nun tic, xya'ch sb'a 'ajmulal. 'Ix yixtj 'el sb'a, yuj cha yaln 'ixtic: 'Oj 'at in sayc' eb' nib'b'il wu'uj, atn eb' tz'a'n tas tzin c'uxu, yet' tas tzwuq'uej, eb' tz'a'n in lana, yet' in lino, tzya'n pax eb' waceite yet' yal wuva, xchi.

Josué 10:43

Xlajw xoj cha, 'ix meltzj Josué yet' smasnil eb' soldado 'a 'aj 'ay scamplamento 'a Gilgal.

Josué 15:15

Xlajw cha, x'at ya'nc pax owl yet' eb' cajn 'a lum Debir, atn lum Quiriat-sefer sb'i 'a yic pecti'.

Josué 15:6

tzq'ue'ch 'a Bet-hogla, tz'e'x 'a snorteal Bet-arabá, tz'atx lum ta', masnto tzc'och 'a q'uen tenm yic Bohán. (tzyal 'el'chi yunnal Rubén)

Josué 18:17

Axta tzmeltzji, tzc'ochx 'a stojlal norte, tz'elx c'och 'a En-semes, tz'atxi masnto 'a Gelilot, atn jun 'ayc' 'a yojltac 'ec' spa'nil Adumín, tz'emxi masnto 'a sjolm q'uen tenm yic Bohán, atn win yunnal Rubén.

Josué 4:19

A yic sc'axw can 'e't eb' chon̈b' chi 'a yojl a Jordán, lajn̈e yoch b'ab'l 'uj, ax 'a jun lugar tzcuch Gilgal 'a yojltac Jericó, 'a stojlal 'aj tzq'uel c'u, ata x'och wan eb' chon̈b' cha.

Josué 7:24

Xlajw xoj cha, 'ix ya'n Josué 'ijxoc 'at win Acán chi yuj eb' 'anma 'a jun niwn 'a'lic tzcuch Acor. 'Ix 'ijx 'at yet' q'uen plata, te pichl wach' yilxi, jun teln̈ oro, eb' yunnal, yisil, swacax, sb'uru, scalnelu, smantiado yet' smasnil tas 'ay 'a 'a.

Josué 7:26

Xlajw cha, 'ix si'n can eb' syam sb'a q'uen q'uen chi 'a yib'n̈ eb'. 'Ix q'uecn b'uln̈ q'ue'en. A jun b'uln̈ q'uen q'uen cha, 'ix cann̈j q'uen ta'. Yuj cha, a jun niwn 'a'lic cha, an̈j 'ijnoc Acor sb'i. 'Ixtnta wal 'ix 'aj yoch wan yowl sc'ojl Jehová 'a yib'n̈ chon̈b' Israel 'a jun tiempoal cha.