Josué 15:45 - Chuj San Sebastian Bible

^45-47 Lum yoc'ajil atn eb' lum chon̈b' 'ay 'a sti a Mar Mediterráneo yet' yaldeail: Atn chon̈b' Ecrón, yet' pax jun tzo'n̈ xo chon̈b' 'ayc' 'a tz'ey. Chon̈b' Asdod yet' jun tzon̈ xo chon̈b' 'ayc' 'a tz'ey. Chon̈b' Gaza yet' jun tzon̈ xo chon̈b' 'ay 'a sti' a Mar Mediterráneo masnto tzc'och 'a smon̈jonal Egipto.

Chuj San Mateo Bible

^45-47 Axo lum yoil macan̈, a d'a sti' a' mar Mediterráneo ay luum. Aton juntzan̈ chon̈ab' tic yed' yaldeail junjun: Aton Ecrón yed' juntzan̈xo chon̈ab' ay d'a slac'anil, Asdod yed' juntzan̈xo nivac chon̈ab' ay d'a slac'anil yed' Gaza yed' juntzan̈xo chon̈ab' d'a stitac a' mar Mediterráneo masanto sc'och d'a a' eluma' d'a yol yic Egipto.

Josué 15:45 Iomraidhean Croise

Josué 13:3

tz'atn̈j lum 'a a a tzcuch Sihor 'ay 'a stojlal 'aj tzq'uel c'u 'a Egipto, masnto 'a smon̈jonal Ecrón, 'a stojlal norte, atn lum yic eb' cananeo. A 'a jun lum cha, ata 'ay own̈ eb' syajlil eb' filisteo, atn eb' yajl yaj 'a Gaza, 'a Asdod, 'a Ascalón, 'a Gat yet' 'a Ecrón. 'Ayt can pax lum yic eb' heveo 'a stojlal sur,

Sofonías 2:4

A chon̈b' Gaza 'oj can 'a sictaquil, ax chon̈b' Ascalón, cusltac 'oj 'ajcni. C'ul wali, ax spechx 'el eb' cajn 'a Asdod, a pax eb' 'aj Ecrón, 'icha sto'x q'uet sch'an̈lyib' junc te', 'ixta 'oj 'aj eb'.

Am 1:8

'Oj in satl eb' cajn 'a chon̈b' Asdod, yet' eb' yajl yaj 'a chon̈b' Ascalón. Yet' wal smasnil in poder 'oj in c'och tza'njoc 'a chon̈b' Ecrón, man̈x 'a junc eb' filisteo chi 'oj canoc, xchi Jehová.

A Ch'an̈ B'ab'el Libro Samuel 6:17

A o'e eb' q'uen oro b'ob'il 'icha yilx malel, yuj ya'n eb' filisteo stojloc smul 'a Jehová, 'ix yac' eb' yuj chon̈b' Asdod, yuj chon̈b' Gaza, yuj chon̈b' Ascalón, yuj chon̈b' Gat yet' yuj chon̈b' Ecrón.

A Ch'an̈ B'ab'el Libro Samuel 5:10

Yuj cha, 'ix yi'n eb' filisteo chi te scaxail strato Dios cha, axta x'at ya'x can eb' te 'a chon̈b' Ecrón. Palta ax xyiln eb' 'aj chon̈b' cha, to xc'och te caxa chi ta', 'ix 'el yaw eb' yuj xiwlal, 'ix yaln eb' 'ixtic: 'Ix wul can wal te scaxail strato sDiosal Israel 'a qui calc tic, sec tzon̈ chamc am qui masnil yu'uj, xchi eb'.

Gn 25:16

Atn sb'i eb' lajchwan̈ yunnal Ismael tic. A sb'i ewin chi x'och sb'ic slu'um, lum 'aj xcan cajn junjn ewinac. Junjn eb', yajl x'ajcn eb' 'a junjn schon̈b' cha.

Josué 15:11

masnto 'a stojlal norte yic Ecrón. Tz'atxi, masnto tzc'och 'a Sicrón, tz'e'x 'a lum witz yic Baala, tz'e'x 'a Jabneel, axta tzlajw c'och lum 'a a Mar Mediterráneo.