Josué 14:6 - Chuj San Sebastian Bible

⁶ A eb' yin̈tl Judá, 'ix jaw eb' 'a lum Gilgal, yic xpaxtin eb' yet' Josué, ax Caleb win cenezeo yunnal Jefone, 'ix yaln win 'ixtc 'a Josué cha: Na cot tas 'ix yalcn Jehová 'a win Moisés atn win schecab', yic xyaln oj ach tic yet' pax wuj an tic, yic 'ayn̈ 'ec' 'a lum Cades-barnea.

Chuj San Mateo Bible

⁶ A eb' yin̈tilal Judá ix javi eb' d'a Gilgal yic slolon eb' yed' vin̈aj Josué. Axo vin̈aj Caleb cenezeo yuninal vin̈aj Jefone, ix alan d'a vin̈aj Josué chi' icha tic: Nacot tas yalnac Jehová d'a vin̈ schecab', aton vin̈aj Moisés, ayic yalannac uuj yed' vuuj ayic ayon̈ ec' d'a Cades-barnea.

Josué 14:6 Iomraidhean Croise

A Ch'an̈ B'ab'el Libro Yic Yab'ixal Eb' Rey 13:1

A yic wan ya'n tz'a Jeroboam incienso 'a yib'n̈ jun yet'l xajmb'al cha, 'ix c'och jun schecb' Dios 'a Betel 'a 'a, ata xcot 'a chon̈b' Judá, caw a Jehová xchecn coti.

A Ch'an̈ B'ab'el Libro Yic Yab'ixal Eb' Rey 13:14

A win schecb' Dios 'ichm winc xo cha, 'ix 'at 'a spatc junx win schecb' Dios cha, 'ix yamchj win yu'uj. Ata wocn 'ejm win 'a yich jun te ma'ach', 'ix sc'anb'n 'a win 'ixtic: —¿Ach am tic schecb' ach Dios ach cot 'a chon̈b' Judá? xchi 'a winac. —An toni, xchi winac.

A Ch'an̈ Schab'il Libro Yic Yab'ixal Eb' Rey 4:16

Xlajw cha, 'ix yaln Eliseo 'a 'ix 'ixtic: —Yab'n 'ixtc junab', mec'b'ilx chan̈ junc one o'oj, xchi 'a 'ix. —May mamin, ach schecb' Dios, man̈ ach b'uchwjoc 'ayin, xchi 'ix.

A Ch'an̈ Schab'il Libro Yic Yab'ixal Eb' Rey 4:42

Xlajw cha, 'ix c'och jun win 'aj Baal-salisá 'a Eliseo, yet' win junc'l pan cebada 'a 'ixm b'ab'l sat cebada cha, yet' 'ixm sjolm trigo to 'unn to sat. 'Ix yaln Eliseo 'a win schecb' chi 'ixtic: —'Ac' wa eb' 'anma tic, xchi 'a winac.

A Ch'an̈ Schab'il Libro Yic Yab'ixal Eb' Rey 4:9

Xlajw cha, 'ix yaln 'ix 'a win yichmil chi 'ixtic: —A ticnec tznachj 'el wu'uj, to a jun tz'e'n̈j 'ayn̈ 'a catut 'a junjn 'ejem, caw schecb' Dios yaji.

A Ch'an̈ Schab'il Libro Yic Yab'ixal Eb' Rey 8:11

'Ix cham wal yoch q'ueln Eliseo 'a win Hazael, masnto tu 'ix yil winac. Yajn̈ej 'ix 'oc' chan̈ win schecb' Dios cha.

A Ch'an̈ Schab'il Libro Yic Yab'ixal Eb' Rey 8:7

Xlajw cha, 'ix 'at Eliseo 'a Damasco scapitalil chon̈b' Siria. A yic jun tiempoal cha, caw wal ya'ay win Ben-adad sreyl chon̈b' cha. 'Ix alx 'a 'a chajtlto tox 'ix c'och win schecb' Dios 'a jun chon̈b' cha,

1 Cr 23:14

Ax pax eb' yin̈tl Moisés, atn schecb' Dios, 'ix 'och eb' stz'acb'oc eb' yit levitail.

Salmos 90:1

Mamin, 'a yictax pecti', yic xlaj 'ec' jun tzo'n̈ tiempo 'a yalan̈, toxn to qui Colmal aj on̈.

Jeremías 35:4

Xlajw cha, xwi'n 'at eb' 'a yatut Dios, atn 'a jun cuarto yic eb' yunnal Hanán, win yunnal Igdalías, atn jun caw 'ay yel'ch Dios 'a sat. A jun cuarto cha, junn̈j yaj yet' yic eb' yajl yaj 'a yatut Dios cha, a 'a yib'n̈ scuarto Maasías yunnal Salum, ata 'ay. A win cha, yajl yaj 'a eb' tztan̈wni yatut Dios cha.

Nm 13:26

A 'a lum Cades yic lum cusltac lum yic Parán, ata 'ayc' Moisés, Aarón yet' smasnil eb' chon̈ab'. A yic xjapx eb' 'ilm lum cha, 'ix laj yalnc eb' tas xlaj yil eb'. Sch'oxn eb' 'ilxoc sat te 'awb'ente 'ay 'a lum lum cha.

Nm 13:30

Xlajw cha, 'ix yaln Caleb to sictac tz'aj eb' 'anma 'ayc' 'a yojltac Moisés cha, xyaln 'a eb' 'ixtic: —¡A ticnec, coyec! ¡'At qui'c 'ec' lum lum cha, a eb' 'anma 'aych 'a lu'um, 'oj 'el xon eb' cujec, yujto 'ec'b'al qui jelnalec 'a yib'n̈ eb'! xchi.

Nm 14:24

Cojn wal win in checb' Caleb, cojn wal yiclum xyutj sb'a 'ayin. Yuj cha, 'oj c'och win 'a sat lum lum xit' yil cha, ax eb' yin̈til, a eb' 'oj cajnoc lu'um.

Nm 14:30

Cojn Caleb yet' Josué, a eb' 'oj c'och 'a sat lu'um. Ax xo ax tic e masnil, may junc ex 'oj e c'och 'a sat lu'um, atn lum xwal wac' 'ayex.

Nm 14:6

Ax Josué yet' Caleb, locn eb' xit' 'ilnoc lum lum cha, 'ix stzilnjat eb' spichul, yic tzch'oxn 'el eb' to tzcus eb' yab'n jun tzo'n̈ paxti cha.

Nm 26:65

Yujto a Jehová, a 'ix alni to smasnil eb' cha, yowlal tzchamcn eb' 'a lum cusltac lu'um, man̈x 'a xon junc eb' 'ix cani, cojxn Caleb win yunnal Jefone, yet' win Josué yunnal Nun, cojn eb' xcani.

Nm 32:12

Cojn Caleb win yunnal Jefone win yin̈tl Cenaz, yet' Josué win yunnal Nun, cojn eb' 'oj c'och 'a lu'um, yujto tojl xyutj sb'a eb' 'a in sat, xchi Dios.

Dt 33:1

A yic jab'xoj sc'och stiempoal scham Moisés win schecb' Dios, 'ix syamn 'och yaln can wach' paxti 'a yib'n̈ eb' yit israelal.

Dt 34:10

Yictax cha, man̈x 'a 'ajtil 'ay junc xo schecb' Dios 'ilchjnac 'a scal eb' yin̈tl Israel 'icha wal Moisés, yujto a win cha, caw q'uelc'mb'a x'aj yet' Jehová yic xpaxtin yet'oc.

Dt 34:5

Yuj cha, a win Moisés schecb' Dios, ata chamnc can win 'a yol yic lum Moab, 'icha wal yutjnac Jehová yaln 'a winac.

1 Ti 6:11

Ach xo Timoteo, yic xo Dios aji. Caw man̈ a b'o jun tzo'n̈ maysch'olnil xwal tic. Caw tojl tzotj a b'eyb'al. Cojn Dios 'aj tza'ch a c'ojol, yet' a nab'en. 'Ay cab' a chamc'ojlal. Caw te'n tzotj a b'a ab'n syail. Caw 'emmquil tzotj a b'a.

2 Ti 3:17

'Ixta yopiso ch'an̈, sec an̈ yic on̈ xo Dios, tz'acn tznachj 'el cu'uj, tzta'n̈j qui b'on jantcn̈ej tas tznib'j Dios.

Josué 10:43

Xlajw xoj cha, 'ix meltzj Josué yet' smasnil eb' soldado 'a 'aj 'ay scamplamento 'a Gilgal.

Josué 14:14

'Ixta 'ix 'aj yochcn lum Hebrón yico'oc win Caleb yet' eb' yin̈til, yujto caw tojl yaj snab'en win 'a sat Jehová Dios.

Josué 15:17

Ax mach x'a'n ganar yi'n 'ec' jun chon̈b' cha, atn win Otoniel, yunnal Cenaz, win yu'tac Caleb cha. Yuj cha, xya'n Caleb 'ix yisl chi yistloc win Otoniel cha.

Josué 4:19

A yic sc'axw can 'e't eb' chon̈b' chi 'a yojl a Jordán, lajn̈e yoch b'ab'l 'uj, ax 'a jun lugar tzcuch Gilgal 'a yojltac Jericó, 'a stojlal 'aj tzq'uel c'u, ata x'och wan eb' chon̈b' cha.