Josué 13:9 - Chuj San Sebastian Bible

⁹ 'Ix yique'ej eb' lum tz'atn̈j 'a chon̈b' Aroer, lum 'ay 'a sti a a tzcuch Arnón, yet' jun chon̈b' 'ayc' 'a spacl lum span̈nil sti a cha, yet' pax smasnil ya'lical Medeba, masnto 'a Dibón,

Chuj San Mateo Bible

⁹ Ix yic'n̈ej lum sb'atn̈ej d'a chon̈ab' Aroer eb', aton d'a sti' a a' scuch Arnón yed' jun chon̈ab' ay d'a sti' a' chi' yed' masanil span̈anil yic Medeba masanto d'a Dibón,

Josué 13:9 Iomraidhean Croise

A Ch'an̈ Schab'l Libro Samuel 24:5

'Ix 'ec' eb' 'a a Jordán, 'ix schan 'el eb' yich sb'isn 'a Aroer, jun chon̈b' 'ay 'a snan̈l jun lum pan̈n 'a'lic, 'ix 'ec' eb' 'a yol yic Gad masnto 'ix c'och eb' 'a Jazer.

1 Cr 19:7

'Ix stojn eb' 32 mil caruaje yic owal, stojn pax eb' win sreyl Maaca yet' eb' soldado. A eb' tic, ata sb'o chan̈ eb' scamplamento 'a sla'nil chon̈b' Medeba. An̈jtona pax eb' amonita cha, 'ix 'elt eb' 'a yol schon̈ab', xjaw pax eb' ta', yic tz'och eb' 'a owal.

Nehemías 11:25

'Ay eb' yin̈tl Judá xcan cajn 'a Quiriat-arba, 'a Dibón, 'a Jecabseel, 'a Josué, 'a Molada, 'a Bet-pelet, 'a Hazar-sual, 'a Beerseba, 'a Siclag, 'a Mecona, 'a En-rimón, 'a Sora, 'a Jarmut, 'a Zanoa, 'a Adulam, 'a Laquis, 'a Azeca yet' 'a yaldeail eb', yet' a 'aj tzlaj 'och munljel, tzchaj 'at 'a Beerseba masnto 'a lum pan̈n 'a'lic yic Hinom.

Is 15:2

Ax eb' 'anma 'aj Dibón, 'oj q'ue'choc eb' 'o'c 'a jun n̈a 'aj tzyam sb'a 'a lum jolm tzalan. Caw 'oj cus sc'ojl eb' 'aj Moab yuj tas 'oj 'aj satl chon̈b' Nebo yet' Medeba. Smasnil eb' winac, 'oj sjoxl eb' xil sjolom yet' xil sti yuj sch'oxn 'el eb' scusc'ojlal.

Jeremías 48:18

'Actjec can e b'inab'ilal ex 'aj Dibón, 'emmquilal tzeyutj e b'a, yujto a jun mach wan satn 'el Moab, wan sc'och 'ayex, wan xo sma'n lan̈chjoc smuroal e chon̈ab'.

Jeremías 48:22

Dibón, Nebo, Bet-diblataim,

Jeremías 48:8

An Jehová in, an tzwala: A jun owl cha, 'oj c'och 'a smasnil chon̈b' Moab, may junc 'oj 'elcni. Smasnil tas 'ay 'a lum ch'olctac' yet' 'a lum pan̈ctac, 'oj satxoc 'el smasnil.

Nm 21:30

Ax ticnec, tox 'ix lajw 'ejm sjelnal eb' 'aj Hesbón. 'Ix lajw 'el eb' 'aj Dibón masnto xc'och slajw 'el eb' 'a Nofa 'a stz'ey Medeba, xchi eb'.

Dt 2:36

'Ix 'el yich qui satnec 'el eb' 'a lum chon̈b' Aroer, lum 'ay 'a span̈nil sti a Arnón, masnto on̈ jawc 'a Galaad. May xon junc eb' chon̈b' chi stac' scoln sb'a 'ayn̈ec; yujto a Jehová qui Diosalec, a 'ix 'a'n eb' 'a yol qui c'ab'ec.

Dt 3:12

'Ix yaln pax Moisés 'ixtic: A lum lum xquijec 'ec' 'a eb' 'anma 'a jun tiempoal cha, 'ix wa'cn lum 'a eb' yin̈tl Rubén yet' 'a eb' yin̈tl Gad. Smasnil lum 'ay 'a yol yic Aroer, yet' lum 'ay 'a sti a Arnón, masnto tzq'ue'ch 'a spacl lum stzalnil Galaad, 'ix can lum 'a eb', yet' jun tzo'n̈ chon̈b' cha.

Dt 3:16

Ax 'a eb' yin̈tl Rubén yet' eb' yin̈tl Gad, ata xwac' lum 'ay 'a snan̈l Galaad yet' a niwquil a Arnón. Ata tz'ec' smon̈jonal lum 'a spacl lum ch'olan, masnto tzc'och 'a sti a Jaboc, atn a 'aych smon̈jonoc eb' amonita.

Josué 12:2

A jun rey b'ab'l 'emnc cha, atn win Sihón sreyl eb' amorreo cajn 'a chon̈b' Hesbón. A smacb'en 'aj xyac' yajlil, tz'eln̈j yich 'a chon̈b' Aroer, jun 'ay 'a sti a a tzcuch Arnón, tz'ec' 'a spacl snan̈l lum span̈nil sti a Jaboc, atn a 'aych smon̈jonoc lum slum eb' yin̈tl Amón, (tzyal 'el'chi atn nan̈loc lum yic Galaad).

Josué 13:10

smasnil jun tzo'n̈ chon̈b' yic win Sihón, sreyl eb' amorreo 'a Hesbón, masnto 'a smon̈jon eb' amonita.

Josué 13:16

Tz'atn̈j slum eb' chi 'a Aroer, tz'ec' 'a sti a a Arnón, yet' pax jun chon̈b' 'ayc' 'a spacl snan̈l span̈nil sti a cha, yet' smasnil lum ya'lical Medeba, masnto tzc'och 'a Hesbón yet' smasnil jun tzo'n̈ chon̈b' 'ay 'a span̈nil cha: Atn Dibón, Bamot-baal, Bet-baal-meón, Jahaza, Cademot, Mefaat, Quiriataim, Sibma, Zaret-sahar, jun 'ay 'a stzalnil lum pan̈n cha, Bet-peor, Bet-jesimot, yet' lum spa'ctacl Pisga.

Josué 13:8

A eb' yin̈tl Rubén yet' eb' yin̈tl Gad, yet' spacl xo eb' yin̈tl Manasés, schajnacx can eb' smacl lum 'a Moisés, atn lum ya'jnac can 'a eb', lum 'ay 'a stojlal 'aj tzq'uel c'u 'a sc'axpil 'ec' a Jordán.