Josué 13:3 - Chuj San Sebastian Bible

³ tz'atn̈j lum 'a a a tzcuch Sihor 'ay 'a stojlal 'aj tzq'uel c'u 'a Egipto, masnto 'a smon̈jonal Ecrón, 'a stojlal norte, atn lum yic eb' cananeo. A 'a jun lum cha, ata 'ay own̈ eb' syajlil eb' filisteo, atn eb' yajl yaj 'a Gaza, 'a Asdod, 'a Ascalón, 'a Gat yet' 'a Ecrón. 'Ayt can pax lum yic eb' heveo 'a stojlal sur,

Chuj San Mateo Bible

³ aton lum sb'atn̈ej d'a a' Sihor, d'a stojolal b'aj sjavi c'u d'a Egipto, masanto sc'och d'a smojonal yic Ecrón d'a stojolal norte, aton juntzan̈ lum chi' yic eb' cananeo. A d'a jun macan̈ chi' ay ovan̈ eb' vin̈ yajalil eb' filisteo, aton eb' vin̈ yajal yaj d'a Gaza, d'a Asdod, d'a Ascalón, d'a Gat yed' d'a Ecrón. Axo smacb'en eb' aveo

Josué 13:3 Iomraidhean Croise

Gn 10:6

Atn sb'i eb' yunnal Cam tic: Cus, Mizraim, Fut yet' Canaán.

Gn 15:18

Atn 'a yic jun c'u cha, 'ix yac' Jehová strato 'a jun 'ejmn̈ej yet' Abram, 'ix yaln 'a 'ixtic: —A jun lum tic, 'oj wac' 'a eb' en̈til, atta tzcot lum 'a sti a b'eymal a yic Egipto, masnto 'a sti a niwquil a Éufrates.

A Ch'an̈ B'ab'el Libro Yic Yab'ixal Eb' Rey 8:65

A 'a jun tiempoal cha, uque c'u sna Salomón q'uin̈ yet' smasnil eb' israel 'a yojltac Jehová Dios. Caw wal niwn x'aj eb' 'anma syamn sb'a, xcotn̈j eb' 'a smon̈jonal chon̈b' Hamat, masnto 'a sti a b'eymal a yic smon̈jonal Egipto. A yic xlajw uque c'u q'uin̈ cha, 'ix schan 'el eb' yich uque xo c'u q'uin̈, yuj cha, chan̈lajn̈e c'u xyac' jun q'uin̈ chi yuj eb'.

1 Cr 13:5

Xlajw cha, 'ix ya'n David syam sb'a smasnil eb' yit israelal 'a smasnil yol smacb'en. Tzchaj cot 'a Sihor 'a smon̈jonal yic Egipto, masnto 'a 'aj tzon̈ 'och 'a Hamat, yic tz'at 'ijxc cot te scaxail strato Dios chi 'a Quiriat-jearim, tzcuch pax Baala, ata 'ay 'a yol yic Judá.

Is 23:3

Tzc'och eb' e manwjum chi 'a Sihor, tzmann eb' 'ixm trigo ta', atn 'ixm tz'el 'a sti a Nilo, tzlajw cha, tzchon̈n 'at eb' 'a jun tzo'n̈ xo nacion̈, atn ta tzeyij tas tzeyac' ganar.

Jeremías 2:18

Ax ticnec, ¿tas 'oj eyac' ganar, yuj cha, tzex 'at 'a Egipto yic tz'at eyu'nc a Nilo? ¿Tas 'oj eyac' pax ganar, yuj cha, tzex 'at 'a Asiria yic tz'at eyu'nc a Éufrates?

Dt 2:23

An̈jtona', 'ixta 'ajnc eb' aveo cajn 'a jun tzo'n̈ lugar 'a stz'ey Gaza. Lajwnac 'el eb' yuj eb' filisteo cotnc 'a Caftor. 'Ixta 'ajnc eb' yochcn 'a sat lu'um.)

Josué 13:13

Ax eb' gesureo, yet' eb' maacateo, ma'ix pechx 'el eb' yuj eb' israel, palta 'ix cann̈j cajn eb' 'a scal eb'.

Jueces 16:5

'Ix 'at eb' syajlil chon̈b' filisteo paxtinc yet' 'ix Dalila cha, 'ix yaln eb' 'a 'ix 'ixtic: —Tza montj wal Sansón cha, tza c'anb'j 'a 'a, 'aj wal tzcot yip yet' tas wal tzcutj qui jalni yic tzca'n ganar. Junjn on̈ on̈, tzcac' 1,100 q'uen tumn plata 'aych yuj a tojloc, xchi eb' 'a 'ix.

Jueces 3:3

Atn eb' tic cannac: O'e chon̈b'al eb' filisteo, smasnil eb' cananeo, eb' sidonio yet' eb' heveo, atn eb' cajn 'a lum jolmctac witz 'a Líbano, tz'atn̈j 'a lum yic Baal-hermón, masnto tzc'och 'a Hamat.

A Ch'an̈ B'ab'el Libro Samuel 5:1

A 'a Eben-ezer ata 'ix yij 'ec' eb' filisteo te scaxail strato Dios, axta xc'och yuj eb' 'a chon̈b' Asdod.

A Ch'an̈ B'ab'el Libro Samuel 5:10

Yuj cha, 'ix yi'n eb' filisteo chi te scaxail strato Dios cha, axta x'at ya'x can eb' te 'a chon̈b' Ecrón. Palta ax xyiln eb' 'aj chon̈b' cha, to xc'och te caxa chi ta', 'ix 'el yaw eb' yuj xiwlal, 'ix yaln eb' 'ixtic: 'Ix wul can wal te scaxail strato sDiosal Israel 'a qui calc tic, sec tzon̈ chamc am qui masnil yu'uj, xchi eb'.

A Ch'an̈ B'ab'el Libro Samuel 5:8

Yuj cha, 'ix 'at ya'nc eb' alxoc 'a eb' syajlil eb' filisteo cha, to tzyam sb'a eb' yic tzmol paxtin eb'. 'Ix yaln eb' 'a eb' 'ixtic: —¿Tas wal tzcutjec te scaxail strato sDiosal Israel? xchi eb'. —'Ijec te', tz'at eya'nc can te 'a chon̈b' Gat, xchi eb' yajl chi 'a eb'. Yuj cha, 'ix 'at ya'nc can eb' te 'a jun chon̈b' cha.

A Ch'an̈ B'ab'el Libro Samuel 6:4

—¿Tas wal wach' ca'n stojloc qui mul cha? xchi eb' 'anma cha. 'Ix yaln eb' ya'mal 'och sti eb' chi 'ixtic: —A tzyal sb'isl eb' syajlil eb' filisteo tic, 'ixta jun tzo'n̈ siylab' chi tzeyac'a, junjn 'a junjn eb', o'e q'uen oro tzeyac'a, 'icha wal yilx junc malel yab'il. Tzeya'n o'e'oc pax q'uen oro 'icha yilx no ch'o'ow, yujto an̈ec tic yet' eb' qui yajlil 'a qui cal, to tzon̈ 'ixtx yuj jun tzo'n̈ yailal cha.