Josué 12:7 - Chuj San Sebastian Bible

^7-8 Xlajw cha, ax Josué yet' eb' yit israelal cha, 'ix yac' eb' owl yet' jun tzo'n̈ eb' rey. 'Ix 'ejm eb' yuj eb' israel, atn eb' 'ay 'a sc'axpil 'ec' sti a Jordán 'a stojlal 'aj tz'em c'u, tz'atn̈j 'a lum Baal-gad 'a span̈nil lum Líbano yet' eb' 'ay 'a lum jolm witz Halac 'a stojlal norte, tzcan 'a stz'ey stojlal sur yic Edom. Locn eb' 'ay 'a lum yichtc witz 'a stz'ey lum span̈nil sti a Jordán 'a stojlal 'aj tz'em c'u, yet' eb' 'ay 'a lum cusltac lum tzcan 'a stojlal sur. 'Ix yij 'ec' eb' israel slum eb' hitita, eb' amorreo, eb' cananeo, eb' ferezeo, eb' heveo yet' eb' jebuseo. Ax Josué 'ix pojn 'ec' jun tzo'n̈ lum chi 'a eb' yit israelal.

Chuj San Mateo Bible

⁷ Aton masanil juntzan̈ eb' vin̈ rey ix ac'ji ganar yuj vin̈aj Josué yed' eb' israel d'a stojolal b'aj tz'em c'u d'a a' Jordán. Scot d'a Baal-gad d'a sch'olanil Líbano masanto d'a yich lum vitz Halac, d'a slac'anil Seir. Ix lajvi chi', ix spucanec' masanil juntzan̈ lum chi' vin̈aj Josué chi' d'a scal eb' yetisraelal, ato syal junjun macan̈ yin̈tilal eb', yuj chi' ix ac'jican lum yicoc eb' d'a juneln̈ej.

Josué 12:7 Iomraidhean Croise

Gn 14:6

Ax ewin horeo, 'ix 'ajx ganar 'a lum tzaln tzcuch Seir, pechb'il ewinac masnto xjaw ewin 'a niwquil pan̈n 'a'lic Parán, 'a sla'nil lum cusltac lu'um.

Gn 32:3

Xlajw cha, xchecn 'at Jacob jun tzo'n̈ eb' schecb' 'a lum Seir, 'a yol yic Edom, yic tz'at alxoc yab'xil 'a Esaú chajtlto wan sjapx jun yu'tac chi 'a 'a.

Gn 36:20

Eb' yunnal win Seir win horeo, eb' cajn 'a jun lugar cha, atn eb' tic: Lotán, Sobal, Zibeón, Aná,

Gn 36:8

Yuj cha, 'ix 'at Esaú 'at scaj lum jolmctac witz yic Seir.

Salmos 135:11

Atn win Sehón sreyl eb' amorreo, win Og sreyl pax eb' 'aj Basán, yet' pax smasnil eb' rey 'a yol yic lum Canaán.

Dt 2:1

Xlajw cha, on̈ cotc pax 'a lum cusltac lum cha, on̈ 'ochc 'a sb'el a Chac Mar, 'icha wal xyutj Jehová yaln 'ayin. Caw niwn tiempo on̈ oyyec' qui b'eyc 'ec' 'a lum switzl Edom.

Dt 2:4

Al yab' eb' et chon̈b' jun checnb'il tic. To ata 'oj eyec' 'a yol slugar eb' yin̈tl can Esaú, atn eb' eyican to e b'a yet'oc, eb' cajn 'a yol smacb'en Seír. Caw wal 'ay xiwc'ojlal eb' 'ayex. Palta b'i'an, caw tze tan̈wj e b'a, man̈ e comn xib'tc eb'.

Josué 11:17

Tz'atn̈j lum 'a yich lum witz tzcuch Halac lum tzq'ue'ch 'a Seir, masnto tzc'och 'a Baal-gad, lum 'ay 'a span̈nil lum Líbano, lum tzc'och 'a yich lum witz Hermón. 'Ix yamchj smasnil sreyl jun tzo'n̈ nacion̈ chi yuj eb', xlajw cha, xya'n Josué chi milxoc cham eb'.

Josué 11:23

Yuj cha, 'ixta wal xyutj Josué yi'n can 'ec' smasnil lum lum cha, 'icha wal yaj yaln can Jehová 'a Moisés. Xlajw cha, spojn can 'ec' Josué chi lum 'a scal eb' yit israelal, yic tz'ochcn lum smacl lumoc eb'. A yic xlajw ye'cn jun tzo'n̈ cha, 'ixta to b'i'an, 'ix 'och wan owl 'a jun tzo'n̈ lugar cha.

Josué 3:17

Ax eb' ya'mal 'och sti eb' 'anma cha, 'ix 'ochcn wan lin̈n eb' 'a snan̈l 'aj tzb'ey a Jordán cha, Caw tacn̈ lum lum 'aj 'ix 'och wan lin̈n eb', ya sb'a x'ec' smasnil eb' 'anma 'a lum tacn̈ lum 'a yojl a Jordán.

Josué 9:1

'Ix yab' sb'a eb' rey tas 'ix laj uj 'a sla'nil cha, atn eb' rey cajn 'a sc'axpil 'ec' sti a Jordán 'a stojlal 'aj tz'em c'u, eb' cajn 'a lum jolmctac witz, eb' cajn 'a lum ya'lical sti a Jordán yet' eb' cajn 'a lum c'a'lum 'ay 'a sti a Mar Mediterráneo, masnto tzc'och 'a yol yic Líbano. A eb' rey cha, atn eb' sreyl eb' hitita, eb' amorreo, eb' cananeo, eb' ferezeo, eb' heveo yet' eb' jebuseo.