Josué 12:3 - Chuj San Sebastian Bible

³ A pax tz'a'n yajlil 'a yib'n̈ lum span̈nil sti a Jordán 'a stojlal 'aj tzq'uel c'u, tz'el yich 'a a niwquil pama tzcuch Cineret, masnto 'a a Mar Muerto, 'a stojlal Bet-jesimot, 'a stojlal sur, masnto 'a yich witz Pisga.

Chuj San Mateo Bible

³ Ix ic'jipaxec' lum sch'olanil d'a stojolal b'aj sjavi c'u d'a a' Jordán yuj eb', tz'el yich d'a a' n̈ajab' Cineret sc'ochn̈ej d'a a' mar Muerto, d'a stojolal yic Bet-jesimot, d'a stojolal sur masanto d'a yich lum vitz Pisga.

Josué 12:3 Iomraidhean Croise

Gn 14:3

A own̈ eb' rey tic, 'ix smol alj eb', xya'n eb' syam sb'a eb' soldado 'a span̈nil lum Sidim, 'a 'aj 'ay a Mar Muerto.

Gn 19:25

'Ix satl jun tzo'n̈ chon̈b' chi yet' smasnil tas 'ay 'a 'a, yet' smasnil tas 'ix q'uib' 'a sat lum pan̈n cha.

A Ch'an̈ B'ab'el Libro Yic Yab'ixal Eb' Rey 15:20

'Ix schan sc'ojl win Ben-adad tas 'ix yalb't win rey Asa, yuj cha, schecn 'at win eb' capitan̈ yet' eb' soldado yic tz'at ya'nc eb' owl 'a eb' lum chon̈b' 'a yol yic Israel. 'Ixta x'aj yajx ganar chon̈b' Ijón, Dan, Abel-bet-maaca, yet' smasnil chon̈b' 'a yol yic Cineret yet' 'a smasnil yol smacb'en eb' yic Neftalí.

Ez 25:9

Yuj cha, 'oj in jac jun b'e 'a smon̈jonal Moab, ax slajw 'el jun tzo'n̈ chon̈b' caw nib'jub'tac yilxi, atn chon̈b' Bet-jesimot, Baal-meón yet' Quiriataim.

Nm 21:20

'Ix 'elx eb' 'a Bamot, axta xjaw eb' 'a jun lum pan̈n 'a'lic 'ay 'a yol smacb'en lum Moab, 'a yich eb' lum switzl Pisga, 'a 'ajtil checl yilx 'at lum cusltac lu'um.

Nm 34:11

Tz'atx 'a Sefam masnto tzc'och 'a Ribla, 'a stojlal 'aj tzq'uel c'u 'a Aín. Tzlajw cha, tz'emx jun mon̈jon chi 'a stojlal 'aj tzq'uel c'u 'a spac'b'il a niwquil pama tzcuch Cineret,

Lc 5:1

A 'a jun 'el, xc'och Jesús 'a sti a mar yic Genesaret. Til wal 'anma 'ix syam sb'a. Caw witz'n x'ajch eb' 'a 'a, yujto tznib'j eb' tzyab' spaxti Dios.

Jn 6:1

Xlajw cha, 'ix 'at Jesús, 'ix c'ochx 'a junx sc'axpil 'ec' sti a mar yic Galilea. A jun a cha, Tiberias pax sb'i.

Dt 3:17

Ax lum 'ay 'a stojlal 'aj tzq'uel c'u, 'ix wac' lum span̈nil sti a Jordán 'a eb'. Lum tzq'ue'ch 'a span̈nil lum tzaln Pisgá 'a stojlal 'aj tzq'uel c'u, atn jun chi mon̈jon yaj 'a a niwquil a Jordán. Tz'atn̈j sti a Jordán cha, tzc'och 'a jun a niwquil pama tzcuch Quinéret masnto tzc'och 'a a mar yic Arabá, atn pax a tzcuch Mar Muerto.

Dt 4:49

A smacb'en eb', atn smasnil lum pan̈n 'ay 'a sti a Jordán 'a stojlal 'aj tzq'uel c'u, masnto tzc'och lum 'a a Mar Muerto, atn a 'ay 'a yich lum witz tzcuch Pisgá.

Josué 11:2

Xya' alxoc 'a smasnil eb' rey cajn 'a jolmctac witz 'ay 'a stojlal norte 'a span̈nil sti a Jordán, lum tzcan 'a stojlal sur 'a a pama tzcuch Cineret, atn lum pan̈n 'a'lic 'ay 'a Dor 'a stojlal 'aj tz'em c'u.

Josué 15:2

A lum cha, tz'ec' smon̈jonal lum 'a stojlal sur yic a Mar Muerto,

Josué 15:5

Ax 'a stojlal 'aj tzq'uel c'u, a a Mar Muerto 'aych smon̈jonaloc, masnto tzc'och 'a 'aj tzlajw c'och a Jordán 'a a Mar Muerto cha. Ata tz'atx can smon̈jonal 'a yic norte,

Josué 3:16

Span̈tzan sb'a a 'a snajtil 'el sti chon̈b' Adam, masnto 'ix c'och a ste'n sb'a 'a 'aj 'aych smuroal chon̈b' Saretán. Ax a xcan 'a yaln̈ 'ejm cha, 'ix b'eyn̈j 'at a', masnto xlajw c'och 'a a Mar Muerto. 'Ix tacj can chan̈ sb'e a cha, ya sb'a x'ec' eb' israel 'a yojl a'.