Josué 12:2 - Chuj San Sebastian Bible

² A jun rey b'ab'l 'emnc cha, atn win Sihón sreyl eb' amorreo cajn 'a chon̈b' Hesbón. A smacb'en 'aj xyac' yajlil, tz'eln̈j yich 'a chon̈b' Aroer, jun 'ay 'a sti a a tzcuch Arnón, tz'ec' 'a spacl snan̈l lum span̈nil sti a Jaboc, atn a 'aych smon̈jonoc lum slum eb' yin̈tl Amón, (tzyal 'el'chi atn nan̈loc lum yic Galaad).

Chuj San Mateo Bible

² Ix ac'ji ganar vin̈aj Sehón sreyal eb' amorreo, cajan d'a Hesbón. A smacb'en vin̈ chi', sb'atn̈ej d'a chon̈ab' Aroer d'a sti' a' Arnón, schael d'a snan̈al yol ch'olan masanto d'a a a' scuch Jaboc, aton b'aj schael yich slum eb' amonita, syalelc'ochi aton nan̈al lum Galaad.

Josué 12:2 Iomraidhean Croise

Gn 32:22

A 'a yic jun 'ac'wl cha, xq'ue wan win Jacob, xya'n b'ab'ljoc win eb' 'ix yistzil schawn̈il, yet' eb' 'ix ya'mal servil eb' 'ix, yet' pax eb' yunnal yuxlchwan̈il, yet' smasnil tas 'ay 'a 'a, 'ix 'e't eb' 'a a a tzcuch Jaboc.

1 Cr 5:8

yet' Bela, yunnal Azaz yixchicn Sema. A Sema cha, atn yunnal Joel. A Bela cha, ata 'e'nc cajn 'a Aroer. A slu'um, tzc'och to lum 'a Nebo, yet' 'a Baal-meón.

Nehemías 9:22

'Ix ac' jun tzo'n̈ chon̈ab' yet' jun tzo'n̈ nacion̈ 'a eb'. Xa pojn 'ec' slum eb'. Xchan eb' smacl lum 'a Hesbón, atn 'a jun chon̈b' chi 'aj 'aych win Sehón reyal, yet' 'a Basán, 'a 'aj 'aych win Og reyal.

Salmos 135:11

Atn win Sehón sreyl eb' amorreo, win Og sreyl pax eb' 'aj Basán, yet' pax smasnil eb' rey 'a yol yic lum Canaán.

Jeremías 48:19

Ex 'aj chon̈b' Aroer, 'ochn̈ec lin̈n 'a stitc b'e, tzlajw cha, tzeyilni. C'anb'jec eyab' 'a eb' 'aj Dibón 'ix cant cani, yuj jantc tas 'ix uji.

Dt 1:4

A yic mantzac yal Moisés jun tzo'n̈ tic, 'emnc xo win Sehón sreyl eb' amorreo yuj eb' israel. Ata cajn win 'a chon̈b' Hesbón. 'Ix 'em pax win Og sreyl Basán yuj eb'. Ata cajn win 'a Astarot yet' 'a Edrei.

Jueces 11:13

Ax win sreyl eb' amonita cha, 'ix spacn cot win 'ixtc 'a eb' schecb' win Jefté: —A yic ex cot ax israel ex chi 'a Egipto, 'ix wul e to'nc 'ec' qui lum on̈, atn lum tzcot 'a sti a Arnón masnto tzc'och lum 'a sti a Jaboc yet' lum 'ay 'a sti a Jordán. A ticnec, 'actjn̈ej can pax lum 'a yib'n̈ 'a'nc'ojlil, xchi.

Jueces 11:22

'Ix quique'ej lum tzcot 'a sti 'a niwquil a Arnón, masnto tzc'och lum 'a sti a Jaboc, tzcot lum 'a lum cusltac lu'um, masnto tzjaw lum 'a sti a Jordán.