Josué 12:1 - Chuj San Sebastian Bible

¹ 'Ay chawn̈ eb' rey 'emnc yuj eb' israel 'a lum lum 'ay 'a stojlal 'aj tzq'uel c'u, 'a sc'axpil 'ec' a Jordán. A smasnil lum lum xyij can 'ec' eb' cha, tz'atn̈j lum 'a a a tzcuch Arnón, masnto 'a lum jolm witz Hermón, yet' smasnil lum span̈nil sti a Jordán, 'a stojlal 'aj tzq'uel c'u.

Chuj San Mateo Bible

¹ Ay chavan̈ eb' vin̈ rey ix ac'ji ganar yuj eb' israel d'a stojolal b'aj sjavi c'u d'a a' Jordán. Masanil lum ix yic'can eb', sb'atn̈ej lum d'a a a' scuch Arnón masanto sc'och d'a jolom vitz Hermón yed' masanil span̈anil sti' a' Jordán d'a stojolal b'aj sjavi c'u.

Josué 12:1 Iomraidhean Croise

A Ch'an̈ B'ab'el Libro Yic Yab'ixal Eb' Rey 4:19

Geber yunnal Uri, a 'ajcuenta yi'n cot jun tzo'n̈ chi 'a yol yic Gad, atn 'a schon̈b' can Sehón sreyl can eb' amorreo, yet' Og sreyl can Basán. Cojn win chi yajl yaj 'a jun macn̈ lum lum cha.

Salmos 133:3

Lajn pax 'icha chicb'chan̈ tz'em 'a lum jolm witz Hermón, mto 'a lum tzaln Sión. A 'a Sión cha, ata tzya' cot Jehová swach'c'ojlal, atn q'uinl 'a jun 'ejmn̈ej.

Salmos 136:21

A xpojn 'ec' lum slum eb' rey cha. A schamc'ojlal Dios 'ayn̈j 'a smasnil tiempo.

Salmos 89:12

Smasnil tas 'ay 'a stojlal norte masnto tzc'och 'a stojlal sur, ach xa b'o'o. A lum niwquil witz Tabor yet' lum Hermón, til wal sja'l ach sb'itnan eb' lu'um.

Is 16:2

Ax eb' 'aj Moab tzc'och scol sb'a 'a sti a niwn a Arnón, lajn 'oj yutc sb'a eb' 'icha no ch'ic tz'at 'elc 'a so'.

Nm 21:13

Xlajw cha, 'ix b'eyx cot eb' 'a yojltac, axta xjaw eb' 'a sc'axpil 'ec' sti a niwquil a tzcuch Arnón. A jun a niwquil a cha, ata tz'ec' a 'a lum cusltac lu'um, 'a yol smacb'en eb' amorreo. A jun a chi 'aych smon̈jonoc eb' 'aj Moab yet' eb' amorreo.

Nm 21:21

A eb' israel, 'ix ya' cot eb' schecb' 'a win Sehón sreyl eb' amorreo, 'ix yaln cot eb' 'ixtic:

Nm 21:24

Palta ax eb' israel cha, scol sb'a eb'. 'Ix ya'n ganar eb' slajw 'el eb' amorreo cha. Yuj cha, 'ix smacn can 'ec' eb' israel yico'oc slum eb', atn lum tzcot 'a sti a niwquil a Arnón masnto tzjaw lum 'a sti a a tzcuch Jaboc, atn a tz'ec' 'a smon̈jon eb' amonita. A jun lum cha, caw wal wach' yaj smacn eb'.

Nm 32:19

A jun pac' lum sti a Jordán tic, lum 'ay 'a stojlal 'aj tzq'uel c'u, quic cab' tz'ajcn lum on̈, ax 'a sc'axpil 'ec' sti a cha, man̈x a cab' pax quic tzcan ta 'on̈, xchi eb'.

Nm 32:32

'Oj qui 'at 'a owl yet' qui yamc'ab' 'a lum Canaán cha. 'Oj qui yiclc tas tzyal Jehová 'ayon̈, palta b'i'an, quic tz'ajcn lum lum tic 'a sti 'a Jordán tic on̈, lum 'ay 'a stojlal 'aj tzq'uel c'u, xchi eb'.

Nm 32:33

'Ixtnta xyutj Moisés ya'n can lum lum chi 'a eb' yin̈tl Gad, 'a eb' yin̈tl Rubén yet' 'a spacl eb' yin̈tl Manasés win yunnal can José. 'Ix can eb' 'a lum lum xyijcan 'ec' eb' 'a win Sehón sreyl eb' amorreo, yet' lum yic can win Og sreyl Basán yet' smasnil lum chon̈b' macb'il yu'uj, yet' pax smasnil lum lum oyn 'och 'a jun tzo'n̈ chon̈b' cha.

Dt 2:24

'Ix yaln Jehová 'ixtc 'ayin: 'Ixquec paxi, c'axwan̈c 'ec' 'a sch'olnil sti a Arnón. Atn wal ta 'oj wac' win Sihón win amorreo 'a yol e c'ab', atn win sreyl chon̈b' Hesbón. 'Ochn̈ec 'a yol slugar win cha, tzeya'n owl yet'oc, tzeyi'n can 'ec' slum win cha.

Dt 2:32

'Ix 'el Sihón on̈ scha yet' smasnil eb' soldado, yic tzya'n owl quet'ec 'a Jahas.

Dt 3:1

Xlajw cha, chucx b'e 'aj on̈ 'atc paxi, 'ix qui tojlb'tzanc 'at qui b'a 'a chon̈b' Basán. Palta ax win Og sreyl jun nacion̈ cha, 'ix 'el yet' smasnil eb' soldado yic tzya'n owl quet'ec 'a chon̈b' Edrei.

Dt 4:44

'Elnctax eb' israel a Egipto, ax yic 'ayc' eb' 'a stojlal 'aj tzq'uel c'u 'a sc'axpil a Jordán 'a sla'nil chon̈b' Bet-peor, ata xya' Moisés jun tzo'n̈ checnb'il yet' cuynb'il tic 'a eb'. A jun lugar 'aj 'ay scamplamento eb' yic can win Sihón 'aj Hesbon, palta 'ix 'em win yuj Moisés yet' eb' israel. 'Ix 'em pax win Og 'aj Basán yuj eb'. 'Ix yica'an eb' slum eb' cha. A eb' chawn̈ rey tic ya'jnac eb' yajlil 'a lum lum 'ay 'a stojlal 'aj tzq'uel c'u 'a a Jordán. Tzcotn̈j lum 'a chon̈b' Aroer 'ay 'a span̈nil sti a Arnón, masnto tzc'och 'a jolm witz Sirión, an̈jtona Hermón sb'i lum witz chi yuj eb'.

Josué 1:15

masnto 'oj yac' Jehová jun slum eb' 'aj 'oj can cajn cha, 'icha 'ix yutj ya'n eyic ax tic. At yic tzyique'ej eb' lum lum chi yuj Jehová qui Diosalec, 'ixta to b'i'an, tzex meltzj paxt 'a lum eyic 'ay 'a stojlal 'aj tzq'uel c'u 'a a Jordán tic yic tzeyica'an can lum 'a jun 'ejmn̈ej, atn lum xya'cn Moisés 'ayex, win schecb' Jehová, xchi Josué.

Josué 11:17

Tz'atn̈j lum 'a yich lum witz tzcuch Halac lum tzq'ue'ch 'a Seir, masnto tzc'och 'a Baal-gad, lum 'ay 'a span̈nil lum Líbano, lum tzc'och 'a yich lum witz Hermón. 'Ix yamchj smasnil sreyl jun tzo'n̈ nacion̈ chi yuj eb', xlajw cha, xya'n Josué chi milxoc cham eb'.

Josué 11:3

Xya'n pax alxoc 'a eb' cananeo cajn 'a stojlal 'aj tzq'uel c'u, yet' pax eb' 'ay 'a stojlal 'aj tz'em c'u; xya'n syam sb'a eb' amorreo, eb' hitita, eb' ferezeo, eb' jebuseo 'ay 'a lum jolmctac witz, yet' pax eb' heveo cajn 'a yich lum witz tzcuch Hermón 'a yol yic Mizpa.

Josué 13:8

A eb' yin̈tl Rubén yet' eb' yin̈tl Gad, yet' spacl xo eb' yin̈tl Manasés, schajnacx can eb' smacl lum 'a Moisés, atn lum ya'jnac can 'a eb', lum 'ay 'a stojlal 'aj tzq'uel c'u 'a sc'axpil 'ec' a Jordán.

Josué 22:4

A ticnec, a Jehová xyac' 'el'choc sti ya'jnac cani, a eb' quit chon̈b'ec smasnil 'ayx sjunc'ojlal eb'. Yuj cha, a ticnec meltzjan̈ec, paxn̈ec 'a eyet'l 'a 'aj 'aycn e macl lum ya'jnac can Moisés 'ayx 'a stojlal 'aj tzq'uel c'u 'a sc'axpil 'ec' a Jordán.

Jueces 11:18

Xlajw cha, on̈ laj oyy 'ec' 'a lum cusltac lu'um. C'uxn xcoymtej sti slum eb' 'aj Edom yet' lum yic eb' 'aj Moab, masnto on̈ jaw 'a stojlal 'aj tzq'uel c'u 'a Moab cha. Axta 'on̈ 'och wa'an, on̈ can 'a sc'axpil 'ec' sti a Arnón, ma'on̈ c'axw 'e't 'a 'a. Yujto ata tz'el yich smacb'en Moab.