Josué 11:8 - Chuj San Sebastian Bible

⁸ Ax Jehová x'a'n 'och eb' 'a yol sc'ab' eb' israel, yuj cha, xlaj cham eb' yuj eb'. 'Ix 'och tza'n eb' israel chi yuj eb', masnto 'a niwquil chon̈b' Sidón, yet' 'a Misrefot-maim, 'a stojlal 'aj tzq'uel c'u, masnto 'a lum ya'lical Mizpa. Man̈x xon junc xcan ta', c'uxn xcham eb' 'anma chi smasnil.

Chuj San Mateo Bible

⁸ Axo Jehová ix ac'anoch juntzan̈ anima chi' d'a yol sc'ab' eb' israel chi', yuj chi' ix satel juntzan̈ chon̈ab' chi' eb' b'ajtac ix b'at eb', masanto ix c'och eb' d'a nivan chon̈ab' Sidón yed' d'a Misrefot-maim. Axo d'a stojolal b'aj sjavi c'u, masanto d'a ac'lic yic Mizpa, man̈xalaj junoc anima pitzan ix can ta'.

Josué 11:8 Iomraidhean Croise

Gn 10:15

A win sb'ab'l 'unnal Canaán, atn Sidón. An̈jtona jun tzo'n̈xo eb' tic yin̈tl win Canaán chi eb': eb' hitita, eb' jebuseo, eb' amorreo, eb' gergeseo, eb' heveo, eb' araceo, eb' sineo, eb' arvadeo, eb' zemareo, yet' eb' hamateo. Jab'jnal 'ix pucb't eb'. Xlaj smacnc 'ec' eb' yico'oc jun tzo'n̈ lum lum tic, tzcot lum 'a smon̈jon Sidón, x'emch lum 'a stojlal Gerar, masnto tzc'och 'a Gaza. Tz'atx lum ta', masnto 'a yol yic Sodoma, Gomorra, Adma, yet' Zeboim, tzmeltzj pax lum ta', masnto tzc'och lum 'a chon̈b' Lasa.

Gn 49:13

Ach xo ach tic Zabulón, ata 'oj aj cajn 'a sti a mar, ach 'oj a b'o jun tzo'n̈ puerto 'aj tzc'och te barco, atta 'oj c'och sti a lum a macn 'a Sidón.

A Ch'an̈ Schab'l Libro Samuel 24:6

Xlajw cha, 'ix 'ec' eb' 'a Galaad, yet' 'a lum Cades, atn lum yic eb' hitita. 'Ix 'ec' pax eb' 'a Dan, 'ixta to b'i'an, 'ix meltzj eb' 'a stitc yic Sidón.

Is 23:4

Q'uixwan̈c ex 'aj Sidón, ex to b'inab'il e chon̈b' 'a sti' a mar yuj e jelnal. 'Oj e q'uixw 'el 'icha junc 'ix 'ix may xon yune'.

Zacarías 9:2

Yuj cha, 'oj ya' cot yailal 'a yib'n̈ eb' 'aj Hamat, ata 'ay 'a stitc smacb'en Hadrac. 'Oj ya' cot pax yailal 'a yib'n̈ eb' 'aj Tiro yet' 'a eb' 'aj Sidón, wach'xam to caw jeln eb'.

Dt 7:2

A yic 'oj ya'nc 'och Jehová jun tzo'n̈ nacion̈ chi 'a yol e c'ab', c'uxn tze satl eb' smasnil. May junc trato tze b'o yet' eb', man̈ 'o'ch pax e c'ojl 'a eb'.

Dt 9:3

Yuj cha, yowlal tzeyojquej 'el ticnec, to a Jehová qui Diosalec, a 'oj b'ab'ljoc eyu'uj, 'icha wal junc c'ac' tzn̈uswji. A 'oj satnc 'el eb' 'anma chi 'a eyojltac. Ax xo tic, 'oj e pechl eb', ax e satn 'el eb' muc'uc, 'icha wal 'ix yutj Jehová yaln 'ayn̈ec.

Josué 10:20

Til wal eb' amorreo chi xcham yuj Josué yet' pax yuj eb' soldado israel cha. Ax eb' ma'ix cham yuj owl cha, 'ix 'at eb' scol sb'a 'a yol schon̈b' wach' yajch smuroal.

Josué 11:3

Xya'n pax alxoc 'a eb' cananeo cajn 'a stojlal 'aj tzq'uel c'u, yet' pax eb' 'ay 'a stojlal 'aj tz'em c'u; xya'n syam sb'a eb' amorreo, eb' hitita, eb' ferezeo, eb' jebuseo 'ay 'a lum jolmctac witz, yet' pax eb' heveo cajn 'a yich lum witz tzcuch Hermón 'a yol yic Mizpa.

Josué 11:7

Yuj cha, ax Josué yet' smasnil eb' ajun yet'oc, 'ix c'och eb' yac' owl yet' eb' 'anma chi 'a sti a a tzcuch Merom, 'a yic to man̈ nanoc yuj eb'.

Josué 13:6

Ax eb' cajn 'a lum jolmctac witz 'a yol yic Líbano, masnto 'a Misrefot-maim, yet' smasnil eb' sidonio. An 'oj wi'l smasnil jun tzo'n̈ 'anma chi 'a eyojltac ax israel ex tic. Ach 'oj a po'jc lu'um, ax a'n lum yico'oc eb' et chon̈b' tic, yic tz'ochcn lum smacl lumoc eb', 'icha wal yaj waln can 'ayach.

Josué 19:28

Locn pax chon̈b' Abdón, Rehob, Hamón yet' Caná, masnto 'a chon̈b' Sidón.

Josué 21:44

A Jehová, xyac' 'el'choc smasnil tas 'aj ya'jnac can sti', xya'n can junc'ojlal 'a sat smasnil lum lum cha. Man̈x 'ic stac' ste'wtzan sb'a eb' 'ajc'ojl 'a eb' israel, yujto a Jehová, a x'a'n eb' 'anma chi 'a yol sc'ab' eb'.